സ്​കൂൾ അധികൃതരുടെ പരാതി; നെറ്റ്​ഫ്ലിക്​സിലെ 'എ ബിഗ്​ ലിറ്റിൽ മർഡർ' പ്ര​ദർശനം തടഞ്ഞു

ന്യൂഡൽഹി: ഓൺലൈൻ വിഡിയോ പ്ലാറ്റ്​ഫോമായ നെറ്റ്​ഫ്ലിക്​സിൽ പ്രദർശിപ്പിച്ചിരുന്ന 'എ ബിഗ്​ ലിറ്റിൽ മർഡർ' എന്ന ഡോക്യുമെൻററിയുടെ പ്രദർശനം ഡൽഹി ഹൈകോടതി തടഞ്ഞു. ഗുരുഗ്രാമിലെ റയാൻ ഇൻറർനാഷനൽ സ്​കൂളിലെ ഏഴുവയസുകാര​​െൻറ ദാരുണ കൊലപാതകമാണ്​ ഡോക്യുമെൻററിക്ക്​ ആധാരം.

ഡോക്യുമെൻററിയുടെ ​പ്രദർശനം നിർത്തിവെക്കണമെന്നാവശ്യ​െപ്പട്ട്​ സ്​കൂളി​െൻറ ട്രസ്​റ്റ്​ കോടതിയെ സമീപിക്കുകയായിരുന്നു. സ്​കൂളുമായി ബന്ധപ്പെട്ട എല്ലാ പരാമർശങ്ങളും നീക്കം ചെയ്​താൽ പ്രദർശനം തുടരാമെന്ന്​ ജസ്​റ്റിസ്​ ജയന്ത്​ നാഥ്​ ബെഞ്ച്​ അറിയിച്ചു.

2021 ആഗസ്​റ്റ്​ ആറിനാണ്​ നെറ്റ്​ഫ്ലിക്​സിൽ ഡോക്യുമെൻററി റിലീസ്​ ചെയ്​തത്​. സ്​കൂളി​െൻറ പേര്​, കെട്ടിടത്തി​െൻറ ദൃശ്യങ്ങൾ തുടങ്ങിയവ ഉപയോഗിച്ചുവെന്നും ഇത്​ 2018 ജനുവരി എട്ടി​െൻറ കീഴ്​​കോടതി ഉത്തരവി​െൻറ ലംഘനമാണെന്നും സ്​കൂൾ അധികൃതർ കോടതിയിൽ പറഞ്ഞു.

2017ലാണ്​ ഗുരുഗ്രാമിലെ റയാൻ ഇൻറർനാഷനൽ സ്​കൂളിൽ ഏഴുവയസുകാരനായ പ്രത്യുമൻ താക്കൂറിനെ വാഷ്​റൂമിൽ കഴുത്തിൽ മുറിവുകളോടെ മരിച്ച നിലയിൽ കണ്ടെത്തിയത്​. കേസ്​ സി.ബി.ഐ ഏറ്റെടുത്തിരുന്നു. കേസിൽ പൊലീസ്​ കുറ്റവാളിയെന്ന്​ കണ്ടെത്തിയ ബസ്​ കണ്ടക്​ടറെ മനപൂർവം കുടുക്കിയതാണെന്ന്​ സി.ബി.​െഎ കണ്ടെത്തിയിരുന്നു. അതേ സ്​കൂളി​െല പ്ലസ്​ വൺ വിദ്യാർഥിയാണ്​ പ്രതിയെന്നും സി.ബി.ഐ കണ്ടെത്തിയിരുന്നു.