നെഫിയു റിയോ നാഗാലാൻറ്​ മുഖ്യമന്ത്രിയായി സത്യപ്രതിജ്​ഞ ചെയ്​തു

കൊഹിമ: നാഗാലാൻറ്​ മുഖ്യമന്ത്രിയായി ബി.ജെ.പി പിന്തുണയോടെ നാഷണലിസ്​റ്റ്​ ഡെമോക്രാറ്റിക്​ പീപ്പിൾസ്​ പാർട്ടി നേതാവ്​ നെഫിയു റിയോ സത്യപ്രതിജ്​ഞ ചെയ്​ത്​ അധികാരമേറ്റു. കൊഹിമയിൽ പൊതുജനങ്ങളെ സാക്ഷിയാക്കി ഗവർണർ പി.ബി ആചാര്യ സത്യവാചകം ചൊല്ലിക്കൊടുത്തു. 

ബി.ജെ.പി ദേശീയാധ്യക്ഷൻ അമിത്​ ഷാ,കേന്ദ്ര ആഭ്യന്തര സഹമന്ത്രി കിരൺ റിജിജു, പ്രതിരോധ മന്ത്രി നിർമല സീതാരാമൻ എന്നിവർ ചടങ്ങിൽ സന്നിഹിതരായിരുന്നു. ബി.ജെ.പി നേതാവ്​ വൈ. പാറ്റൺ ഉപമുഖ്യമന്ത്രിയായും സത്യപ്രതിജ്​ഞ ചെയ്​തു. നാലാം തവണയാണ്​ നെഫിയു റിയോ നാഗാലാൻറ്​ മുഖ്യമന്ത്രിയാകുന്നത്​.