‘സിന്ധുനദീജല കരാറിൽ ഇന്ത്യക്ക് നേട്ടമുണ്ടായില്ലെന്ന് നെഹ്‌റു സമ്മതിച്ചിരുന്നു’; കര്‍ഷക വിരുദ്ധമായിരുന്നുവെന്ന് മോദി

ന്യൂഡല്‍ഹി: പാകിസ്താനുമായുള്ള സിന്ധുനദീജല കരാറുമായി ബന്ധപ്പെട്ട് മുൻ പ്രധാനമന്ത്രി ജവഹർലാൽ നെഹ്റുവിനെതിരെ ആരോപണം ഉന്നയിച്ച് പ്രധാനമന്ത്രി നരേന്ദ്ര മോദി. പാകിസ്താനുമായുള്ള സിന്ധുനദീജല കരാര്‍ കൊണ്ട് ഇന്ത്യക്ക് യാതൊരു നേട്ടവും ഉണ്ടായില്ലെന്ന് നെഹ്‌റു സമ്മതിച്ചിരുന്നതായാണ് മോദിയുടെ പരാമർശം. എൻ.ഡി.എ പാർലമെന്‍ററി പാർട്ടി യോഗത്തിലാണ് മോദി പരാമർശം നടത്തിയതെന്ന് എൻ.ഡി ടിവി റിപ്പോർട്ട് ചെയ്തു.

നെഹ്‌റു രാജ്യത്തെ രണ്ടുവട്ടം വിഭജിച്ചുവെന്നും മോദി ആരോപിച്ചു. ആദ്യം റാഡ്ക്ലിഫ് രേഖയിലൂടെയും രണ്ടാമത് സിന്ധുനദീജല കരാറിലൂടെ നദിയിലെ വെള്ളത്തിന്‍റെ 80 ശതമാനവും പാകിസ്താന് നല്‍കിയത് വഴിയും. ഈ കരാര്‍ കര്‍ഷക വിരുദ്ധമായിരുന്നു. പിൽകാലത്ത് തന്‍റെ സെക്രട്ടറിയിലൂടെ നെഹ്‌റു സ്വന്തം തെറ്റ് അംഗീകരിച്ചു കൊണ്ട് കരാര്‍ യാതൊരു നേട്ടവും ഉണ്ടാക്കിയില്ലെന്ന് സമ്മതിച്ചതെന്നും മോദി പറയുന്നു.

എൻ.ഡി.എ യോഗത്തിൽ പങ്കെടുത്ത ബി.ജെ.പി എം.പി ജഗദംബികപാലും നെഹ്‌റുവിനെതിരെ രൂക്ഷവിമര്‍ശനം നടത്തിയെന്നാണ് റിപ്പോർട്ട് ചെയ്തത്. സിന്ധുനദീജല കരാറിലൂടെ നെഹ്‌റു രാജ്യത്തെ വഞ്ചിച്ചുവെന്നാണ് ജഗദംബികപാലിന്‍റെ ആരോപണം.

സിന്ധുനദീജല കരാറിൽ പാര്‍ലമെന്‍റിന്‍റെ അംഗീകാരം തേടേണ്ടിയിരുന്നു. കാബിനറ്റിന്‍റെയും പാര്‍ലമെന്‍റിന്‍റെയും പിന്തുണ തേടാതെ നെഹ്റു പാകിസ്താനിൽ പോവുകയും കരാര്‍ ഒപ്പിട്ട് മടങ്ങുകയും ചെയ്തു. അത് നമ്മുടെ കര്‍ഷകരെ വഞ്ചിക്കലായിരുന്നുവെന്നും ജഗദംബികപാല്‍ പറയുന്നു.

ജ​നാ​ധി​പ​ത്യ​ത്തെ അ​ട്ടി​മ​റി​ച്ച്​ വോ​ട്ട് ​കൊ​ള്ള ന​ട​ത്തി ഇ​ന്ത്യ​ൻ ജ​ന​ത വ​ഞ്ചി​ക്ക​പ്പെ​ട്ടു​വെ​ന്ന സ​ത്യം തി​ക​ഞ്ഞ വ്യ​ക്ത​ത​യോ​ടെ രാ​ഹു​ൽ ഗാ​ന്ധി ലോ​ക​ത്തി​ന്​ മു​ന്നി​ൽ വെ​ളി​പ്പെ​ടു​ത്തി​യ​തി​ന്​ പിന്നാലെ വിഷയത്തെ വഴിതിരിച്ചുവിടാൻ സം​ഘ്​​പ​രി​വാ​ർ നെ​ഹ്​​റു​വി​നെ​തി​രെ വ്യാപക നു​ണകൾ സമൂഹമാധ്യമങ്ങളിലൂടെ പ്ര​ച​രി​പ്പി​ക്കു​ന്ന​തായി മാധ്യമങ്ങൾ റിപ്പോർട്ട് ചെയ്തിരുന്നു. ജ​വ​ഹ​ർ​ലാ​ൽ നെ​ഹ്‌​റു​വി​ന്റെ അ​മ്മ തു​സ്സു റ​ഹ്മാ​ൻ ബാ​യ് എ​ന്ന മു​സ്‍ലിം സ്ത്രീ​യാ​ണെ​ന്നും അ​ദ്ദേ​ഹ​ത്തി​ന്റെ പി​താ​വ് മു​ബാ​റ​ക് അ​ലി​യാ​ണെ​ന്നും മു​ഗ​ൾ കാ​ല​ഘ​ട്ട​ത്തി​ലെ മു​സ്‍ലിം എ​ന്ന് ക​രു​ത​പ്പെ​ടു​ന്ന മു​ത്ത​ച്ഛ​ൻ ഗി​യാ​സു​ദ്ദീ​ൻ ഗാ​സി ത​ന്റെ പേ​ര് മാ​റ്റി​യെ​ന്നും വാ​ട്സ്ആ​പ്പി​ലൂ​ടെ കൈ​മാ​റു​ന്ന കെ​ട്ടു​ക​ഥ.

വി​ദ്യാ​സ​മ്പ​ന്ന​രും ഉ​ന്ന​ത ഉ​ദ്യോ​ഗ​ങ്ങ​ളി​ലി​രു​ന്ന​വ​രു​മാ​യ സം​ഘ്​​പ​രി​വാ​ർ അ​ണി​ക​ൾ കു​ടും​ബ ഗ്രൂ​പ്പു​ക​ളി​ലും സ്​​കൂ​ൾ-​കോ​ള​ജ്​ അ​ലു​മ്നി ഗ്രൂ​പ്പു​ക​ളി​ലു​മെ​ല്ലാം വ്യാ​പ​ക​മാ​യി പ്ര​ച​രി​പ്പി​ക്കു​ന്നു​ണ്ടെന്നാ​ണ്​ അ​​ന്വേ​ഷണത്തിൽ കണ്ടെത്തിയത്. ജ​വ​ഹ​ർ​ലാ​ൽ നെ​ഹ്‌​റു​വി​ന്റേ​യും കു​ടും​ബ​ത്തി​ന്റേ​യും ച​രി​ത്രം വ​ള​രെ വ്യ​ക്ത​മാ​യി രേ​ഖ​പ്പെ​ടു​ത്തി​യി​രി​ക്കു​ന്നു. നെ​ഹ്‌​റു​വി​ന്റെ പി​താ​വ് മോ​ത്തി​ലാ​ൽ നെ​ഹ്‌​റു (1861–1931) പ്ര​മു​ഖ അ​ഭി​ഭാ​ഷ​ക​നും സ്വാ​ത​ന്ത്ര്യ​സ​മ​ര സേ​നാ​നി​യു​മാ​യി​രു​ന്നു. മാ​താ​വ് സ്വ​രൂ​പ് റാ​ണി. ഇ​രു​വ​രും ക​ശ്മീ​രി പ​ണ്ഡി​റ്റ് വി​ഭാ​ഗ​ത്തി​ൽ​പെ​ട്ട​വ​രാ​ണ്.

നെ​ഹ്റു​വി​നെ​യെ​ന്ന​പോ​ലെ ഇ​ന്ദി​ര ഗാ​ന്ധി​യെ​യും വാ​ട്സ്ആ​പ് യൂ​നി​വേ​ഴ്സി​റ്റി വെ​റു​തെ​വി​ടു​ന്നി​ല്ല. ഇ​ന്ദി​ര ഗാ​ന്ധി​യു​ടെ പാ​ഴ്സി മ​ത വി​ശ്വാ​സി​യാ​യ ഫി​റോ​സി​നെ പേ​ർ​ഷ്യ​ൻ മു​സ്‍ലിം എ​ന്നാ​ണ് മു​ദ്ര​യ​ടി​ച്ചി​രി​ക്കു​ന്ന​ത്. ക​ശ്മീ​ർ മു​ൻ മു​ഖ്യ​മ​ന്ത്രി ശൈ​ഖ് അ​ബ്ദു​ല്ല മോ​ത്തി​ലാ​ൽ നെ​ഹ്റു​വി​ന് വേ​ല​ക്കാ​രി​യി​ൽ ഉ​ണ്ടാ​യ മ​ക​നാ​ണെ​ന്ന ക​ള്ള​ക്ക​ഥ​യും എ​ഴു​തി​വെ​ച്ചി​ട്ടു​ണ്ട്. ഈ ​വെ​ളി​പ്പെ​ടു​ത്ത​ലി​ന്റെ​യെ​ല്ലാം ഉ​റ​വി​ട​മാ​യി പ​റ​യു​ന്ന​ത് നെ​ഹ്റു​വി​ന്റെ പ്രൈ​വ​റ്റ് സെ​ക്ര​ട്ട​റി​യാ​യി​രു​ന്ന എം.​ഒ. മ​ത്താ​യി ര​ചി​ച്ച ര​ണ്ട് പു​സ്ത​ക​ങ്ങ​ളാ​ണ്. എ​ന്നാ​ൽ, മ​ത്താ​യി​യു​ടെ പു​സ്‌​ത​ക​ങ്ങ​ളി​ൽ- “നെ​ഹ്‌​റു ​യു​ഗ​സ്മ​ര​ണ​ക​ൾ” (1978), “മൈ​ഡേ​യ്‌​സ് വി​ത്ത് നെ​ഹ്‌​റു” (1979) -അ​ത്ത​രം വെ​ളി​പ്പെ​ടു​ത്ത​ലു​ക​ളൊ​ന്നും ഇ​ല്ല എ​ന്ന​താ​ണ് സ​ത്യം.