നീറ്റ് ചോദ്യപേപ്പർ ചോർത്തിയത് എൻ.ടി.എ ആസ്ഥാനത്തുനിന്ന്; കേ​ര​ള​ത്തി​ലേ​ക്കും ചോർന്നെന്ന് കുറ്റപത്രം

ന്യൂഡൽഹി: നീറ്റ്-യു.ജി ചോദ്യപേപ്പർ ചോർച്ചാ കേസിന്റെ അന്വേഷണം കേരളത്തിലെ അടൂരിലുള്ള സ്വകാര്യ മെഡിക്കൽ കോളജ് ഹോസ്റ്റലിലേക്കും നീണ്ടതായി സി.ബി.ഐ കുറ്റപത്രം. ഇവിടത്തെ ഒന്നാം വർഷ എം.ബി.ബി.എസ് വിദ്യാർഥിയായ രാജസ്ഥാൻ സ്വദേശി ഹിതേഷ് കുമാറിനാണ് പി.ഡി.എഫ് ലഭിച്ചത്. രാജസ്ഥാൻ ജുൻജുനു സ്വദേശിയും സിക്കറിലെ കോച്ചിങ് സെന്ററിലെ മുൻ വിദ്യാർഥിയുമായ ലക്ഷയ് രാജ് എന്ന റൂംമേറ്റിൽ നിന്നാണ് ഹിതേഷിന് ചോദ്യപേപ്പർ ലഭിക്കുന്നത്.

പി.ഡി.എഫുകൾ ചാറ്റ് വഴി അയച്ചുകൊടുത്ത ലക്ഷയ് പിന്നീട് ഈ ചാറ്റുകൾ ഡിലീറ്റ് ചെയ്തതായും സി.ബി.ഐ കണ്ടെത്തി. കോച്ചിങ് സെന്ററിലെ മറ്റൊരു സഹപാഠിയുടെ അനുജന് വേണ്ടിയാണ് ലക്ഷയ് തന്റെ ബന്ധുവഴി അഭിഷേക് എന്നയാളിൽ നിന്ന് ചോദ്യപേപ്പർ സംഘടിപ്പിച്ചത്. ഹിതേഷിനെ അന്വേഷണത്തിന്റെ ആദ്യഘട്ടത്തിൽ തന്നെ അന്വേഷണ സംഘം കസ്റ്റഡിയിൽ എടുത്തിരുന്നു. 13 പേർക്കെതിരെയാണ് സി.ബി.ഐ കുറ്റപത്രം സമർപ്പിച്ചത്. അതിൽ ഹിതേഷിന്റെ പേര് ഉൾപ്പെട്ടിട്ടില്ല.

രാ​ജ്യ​ത്ത് 22 ല​ക്ഷ​ത്തി​ല​ധി​കം വി​ദ്യാ​ർ​ഥി​ക​​ളെ പ്ര​തി​സ​ന്ധി​യി​ലാ​ക്കി​യ നീ​റ്റ് യു.​ജി ചോ​ദ്യ​പേ​പ്പ​​ർ ചോ​ർ​ച്ച​ക്ക് കാ​ര​ണ​മാ​യ​ത് പ​രീ​ക്ഷാ ന​ട​ത്തി​പ്പ് ചു​മ​ത​ല​യു​ള്ള എ​ൻ.​ടി.​എ​യു​ടെ (നാ​ഷ​ന​ൽ ടെ​സ്റ്റി​ങ് ഏ​ജ​ൻ​സി) ഭാ​ഗ​ത്തു​നി​ന്നു​ണ്ടാ​യ സു​ര​ക്ഷാ വീ​ഴ്ച​യും പ്ര​തി​ക​ളു​ടെ മാ​സ​ങ്ങ​ൾ നീ​ണ്ട ആ​സൂ​ത്ര​ണ​വു​മെ​ന്ന് സി.​ബി.​ഐ ക​ണ്ടെ​ത്തി. ചോ​ദ്യ​പേ​പ്പ​ർ ത​യാ​റാ​ക്കു​ന്ന എ​ൻ.​ടി.​എ വി​ഷ​യാ​ധി​ഷ്ഠി​ത വി​ദ​ഗ്ധ​രും കോ​ച്ചി​ങ് സെ​ന്റ​ർ ഉ​ട​മ​ക​ളും ഇ​ട​നി​ല​ക്കാ​രും ഉ​ദ്യോ​ഗാ​ർ​ഥി​ക​ളും അ​ട​ങ്ങു​ന്ന വ​ലി​യ ശൃം​ഖ​ല​ത​ന്നെ ചോ​ദ്യ​പേ​പ്പ​ർ ചോ​ർ​ച്ച​ക്ക് പി​ന്നി​ലു​ണ്ടെ​ന്ന് ഡ​ൽ​ഹി ഫാ​സ്റ്റ് ട്രാ​ക്ക് കോ​ട​തി​യി​ൽ സി.​ബി.​ഐ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ പ​റ​യു​ന്നു.

ഡ​ൽ​ഹി​യി​ലെ എ​ൻ.​ടി.​എ ആ​സ്ഥാ​ന​ത്തു​നി​ന്ന്, ബ​യോ​ള​ജി ചോ​ദ്യ​പേ​പ്പ​ർ സ​മി​തി അം​ഗ​മാ​യ വി​ദ​ഗ്ധ മ​നീ​ഷ മ​ന്ധാ​രെ, കെ​മി​സ്ട്രി വി​ദ​ഗ്ധ​ർ പി.​വി കു​ൽ​ക്ക​ർ​ണി, ഫി​സി​ക്സ് വി​ദ​ഗ്ധ മ​നീ​ഷ സ​ഞ്ജ​യ് എ​ന്നി​വ​രാ​ണ് ചോ​ദ്യം ചോ​ർ​ത്തി​യ​ത്. ചോ​ദ്യ​പേ​പ്പ​ർ ത​യാ​റാ​ക്കു​ന്ന ‘കോ​ൺ​ഫി​ഡ​ൻ​ഷ്യ​ൽ സെ​ക്ഷ​നി​ലേ​ക്ക്’ പ്ര​വേ​ശി​ക്കു​മ്പോ​ഴും പു​റ​ത്തു​പോ​കു​മ്പോ​ഴും വി​ഷ​യ​വി​ദ​ഗ്ധ​രെ പ​രി​ശോ​ധി​ക്കു​ന്ന​തി​നും മ​റ്റും സം​വി​ധാ​ന​മു​ണ്ടാ​യി​രു​ന്നി​ല്ല. ഇ​വി​ടെ​യു​ള്ള സി.​സി.​ടി.​വി ദൃ​ശ്യ​ങ്ങ​ൾ കൃ​ത്യ​മാ​യി നി​രീ​ക്ഷി​ക്കാ​ത്ത​താ​ണ് പ്ര​തി​ക​ൾ​ക്ക് സൗ​ക​ര്യ​മാ​യ​തെ​ന്നും കു​റ്റ​പ​ത്രം പ​റ​യു​ന്നു.

കു​ൽ​ക്ക​ർ​ണി ക​ട​ലാ​സ് ക​ഷ​ണ​ങ്ങ​ളി​ൽ കെ​മി​സ്ട്രി​യി​ലെ 135 ചോ​ദ്യ​ങ്ങ​ളും അ​വ​യു​ടെ ഓ​പ്ഷ​നു​ക​ളും ചു​രു​ക്ക രൂ​പ​ത്തി​ൽ എ​ഴു​തി​യെ​ടു​ക്കു​ക​യാ​യി​രു​ന്നു. ശേ​ഷം, മ​റ്റൊ​രു പ്ര​തി​യാ​യ മ​നീ​ഷ വാ​ഗ്മ​റെ​യു​ടെ സ​ഹാ​യ​ത്തോ​ടെ പ്ര​ത്യേ​ക കോ​ച്ചി​ങ് ക്ലാ​സു​ക​ൾ സം​ഘ​ടി​പ്പി​ക്കു​ക​യും വി​ദ്യാ​ർ​ഥി​ക​ൾ​ക്ക് ചോ​ദ്യ​ങ്ങ​ളും ഉ​ത്ത​ര​ങ്ങ​ളും പ​റ​ഞ്ഞു കൊ​ടു​ക്കു​ക​യും ചെ​യ്തു.

ബോ​ട്ട​ണി ചോ​ദ്യ​പേ​പ്പ​ർ ഇം​ഗ്ലീ​ഷി​ൽ നി​ന്ന് മ​റാ​ഠി​യി​ലേ​ക്കു​ള്ള ത​ർ​ജ​മ​യും സു​വോ​ള​ജി​യു​ടെ ബാ​ക്ക് ട്രാ​ൻ​സ് ലേ​ഷ​നും കൈ​കാ​ര്യം ചെ​യ്ത മ​നീ​ഷ മ​ന്ധാ​രെ, എ​ൻ.​സി.​ഇ.​ആ​ർ.​ടി പാ​ഠ​പു​സ്ത​ക​ങ്ങ​ളി​ൽ പ്ര​സ​ക്ത​മാ​യ ഭാ​ഗ​ങ്ങ​ൾ അ​ട​യാ​ള​പ്പെ​ടു​ത്തു​ക​യാ​യി​രു​ന്നു. പു​ണെ​യി​ലെ വ​സ​തി​യി​ൽ ഇ​വ​ർ പ്ര​ത്യേ​ക കോ​ച്ചി​ങ് ക്ലാ​സു​ക​ളും ന​ട​ത്തി. ഫി​സി​ക്‌​സി​ന്റെ ബാ​ക്ക് ട്രാ​ൻ​സ് ലേ​ഷ​നും മൂ​ന്ന് സെ​റ്റു​ക​ളു​ടെ പ്രൂ​ഫ് റീ​ഡി​ങ്ങും ന​ട​ത്തി​യ മ​നീ​ഷ സ​ഞ്ജ​യ് ചോ​ദ്യ​ങ്ങ​ൾ കു​റി​ച്ചെ​ടു​ക്കു​ക​യാ​യി​രു​ന്നു.

ചോ​ർ​ത്തി​യ ചോ​ദ്യ​ങ്ങ​ൾ കൈ​മാ​റാ​നും ‘പ്ര​ത്യേ​ക കോ​ച്ചി​ങ്ങി’​നു​മാ​യി നാ​ല് ല​ക്ഷം രൂ​പ മു​ത​ൽ വ​ൻ തു​ക വ​രെ ഈ​ടാ​ക്കി​യി​ട്ടു​ണ്ട്. ചോ​ർ​ന്ന ചോ​ദ്യ​ങ്ങ​ളു​ടെ പി.​ഡി.​എ​ഫ്, ഇ​മേ​ജ് ഫ​യ​ലു​ക​ൾ എ​ന്നി​വ പ്ര​തി​ക​ളു​ടെ മൊ​ബൈ​ൽ ഫോ​ണു​ക​ൾ, പെ​ൻ ഡ്രൈ​വു​ക​ൾ എ​ന്നി​വ​യി​ൽ നി​ന്ന് ഫോ​റ​ൻ​സി​ക് പ​രി​ശോ​ധ​ന​യി​ൽ ക​ണ്ടെ​ത്തി. പ​രീ​ക്ഷ​ക്ക് ദി​വ​സ​ങ്ങ​ൾ​ക്ക് മു​മ്പാ​ണ് ഇ​വ ടെ​ല​ഗ്രാം, വാ​ട്‌​സ്ആ​പ് എ​ന്നി​വ വ​ഴി ഫ​യ​ലു​ക​ൾ കൈ​മാ​റി​യ​ത്.