നീറ്റ്: അടിസ്ഥാന പ്രായം നിശ്ചയിച്ചത് ചോദ്യം ചെയ്തുള്ള ഹരജി തള്ളി ആന്ധ്ര പ്രദേശ് ഹൈകോടതി

അമരാവതി: നീറ്റ് എഴുതാനുള്ള അടിസ്ഥാന പ്രായം 17 ആക്കി നിശ്ചയിച്ചതിന്‍റെ ഭരണഘടനാ സാധുത ചോദ്യം ചെയ്തുള്ള ഹരജി ആന്ധ്ര പ്രദേശ് ഹൈകോടതി തള്ളി. ചീഫ് ജസ്റ്റിസുമാരായ പ്രശാന്ത് കുമാർ മിശ്ര, ആർ. രഘുനന്ദൻ റാവു അടങ്ങുന്ന ഡിവിഷൻ ബെഞ്ചിന്‍റേതാണ് നടപടി.

ആർട്ടിക്കിൾ 14, 19, 21 എന്നിവയുടെ ലംഘനമാണ് നീറ്റ് എഴുതാനുള്ള അടിസ്ഥാന പ്രായം 17 ആക്കുന്നതെന്നാണ് ഹരജിക്കാരൻ വാദിച്ചത്. എന്നാൽ, മുമ്പും ഇതേ വിഷയം പരിഗണയിൽ വന്നിട്ടുണ്ടെന്ന് കോടതി വ്യക്തമാക്കി. രണ്ടു തവണ ഈ വിഷയം കോടതി നേരത്തെ പരിഗണിച്ചതിന്‍റെ പശ്ചാത്തലത്തിൽ ഹരജി ഹൈകോടതി തള്ളുകയായിരുന്നു.