ഇന്ത്യയിലേക്ക്​ തിരിച്ചയച്ചാൽ ആത്​മഹത്യ ചെയ്യുമെന്ന്​ നീരവ്​ മോദി

ലണ്ടൻ: ഇന്ത്യയിലേക്ക്​ തിരിച്ചയക്കാനുള്ള ഉത്തരവിട്ടാൽ ആത്​മഹത്യ ചെയ്യുമെന്ന്​ യു.കെ കോടതിയിൽ വിവാദ വ്യവസാ യി നീരവ്​ മോദി. ജാമ്യാപേക്ഷ വീണ്ടും തള്ളിയതിന്​ പിന്നാലെയാണ്​ നീരവ്​ മോദിയുടെ പരാമർശം. 4 മില്യൺ പൗണ്ട്​ സെക് യുരിറ്റിയായി നൽകാമെന്നും​ വീട്ടുതടങ്കലിൽ കഴിയാമെന്നും​ നീരവ്​ മോദി യു.കെ കോടതിയെ അറിയിച്ചിരുന്നു.

പഞ്ചാബ്​ നാഷണൽ ബാങ്കിലെ തട്ടിപ്പ്​ കേസിൽ നീരവ്​ മോദിയെ വിട്ടുകിട്ടണമെന്ന്​ ആവശ്യപ്പെട്ട്​ നൽകിയ ഹരജിയിലാണ്​ യു.കെ കോടതിയിൽ വാദം പുരോഗമിക്കുന്നത്​. വെസ്​റ്റ്​മിനിസ്​റ്റർ മജിസ്​ട്രേറ്റ്​ കോടതിയിലാണ്​ കേസ്​ നടക്കുന്നത്​. നാലാം തവണയും കോടതി ജാമ്യാപേക്ഷ തള്ളുകയായിരുന്നു.

സൗത്ത്​-വെസ്​റ്റ്​ ലണ്ടൻ ജയിലിലാണ്​ നിലവിൽ നീരവ്​ മോദി കഴിയുന്നത്​. ഡിസംബർ നാലിനാണ്​ നീരവ്​ മോദിയുടെ കേസ്​ പരിഗണിക്കുക.