Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightരാമനും കൃഷ്​ണനും...

രാമനും കൃഷ്​ണനും പാരമ്പര്യ പദവി നൽകണമെന്ന്​ അലഹബാദ്​ ഹൈകോടതി ജഡ്​ജി

text_fields
bookmark_border
രാമനും കൃഷ്​ണനും പാരമ്പര്യ പദവി നൽകണമെന്ന്​ അലഹബാദ്​ ഹൈകോടതി ജഡ്​ജി
cancel

അലഹബാദ്​: പശുവിനെ ദേശീയമൃഗമായി പ്രഖ്യാപിക്കണമെന്ന പരാമർശത്തിലൂടെ വിവാദത്തിലകപ്പെട്ട അലഹബാദ്​ ഹൈകോടതി ജഡ്​ജി ശേഖർ കുമാർ യാദവ്​​ പുതിയ പ്രഖ്യാപനത്തിലൂ​െട വീണ്ടും വാർത്തകളിൽ ഇടംപിടിച്ചു. രാമനും കൃഷ്​ണനും ഭഗവദ്​ഗീതക്കും പാരമ്പര്യ പദവി നൽകാൻ പാർലമെൻറ്​ നടപടി സ്വീകരിക്കണമെന്നാണ്​ ശേഖർ കുമാർ ആവശ്യപ്പെട്ടത്​. ഫേസ്​ബുക്കിലൂടെ രാമനെ ആക്ഷേപിച്ചുവെന്ന്​ ആരോപിച്ച്​ അറസ്​റ്റ്​​ ചെയ്​തയാൾക്ക്​ ജാമ്യം നൽകുന്നതിനിടയിലാണ്​ പാർലമെൻറിനോട്​ ശേഖർ കുമാറി​െൻറ 'ഉപദേശം'.

ഹിന്ദുദൈവങ്ങളായ രാമൻ, കൃഷ്​ണൻ, വേദഗ്രന്ഥങ്ങളായ രാമായണം, ഭഗവദ്​ ഗീത, മഹർഷിമാരായ വാൽമീകി, വ്യാസൻ എന്നിവക്ക്​ പാരമ്പര്യ പദവി നൽകാൻ നിയമം നിർമിക്കണമെന്നാണ്​ ശേഖർ യാദവ്​ ആവശ്യപ്പെട്ടത്​. ഭൂരിപക്ഷത്തി​െൻറ വികാരത്തെ വ്രണപ്പെടുത്തിയ പ്രതിയോട്​ അനുഭാവം കാണിക്കാനാവില്ലെങ്കിലും വിചാരണപോലുമില്ലാതെ 10 മാസത്തിലേറെയായി ജയിലിൽ കഴിഞ്ഞതിനാൽ ജാമ്യം അനുവദിക്കുന്നുവെന്നും ജഡ്​ജി പറഞ്ഞു.

Show Full Article
TAGS:Allahabad HC 
News Summary - Need to bring a law to pay national honour to Ram, Krishna: Allahabad HC
Next Story