എൻ.ആർ.സിയല്ല, തൊഴിലില്ലാത്തവരുടെ രജിസ്റ്ററാണ് വേണ്ടത് -പ്രകാശ് രാജ്

ഹൈദരാബാദ്: എൻ.ആർ.സി അല്ല രാജ്യത്തെ തൊഴിലില്ലാത്തവരുടെ രജിസ്റ്ററാണ് വേണ്ടതെന്നും നടൻ പ്രകാശ് രാജ്. ഹൈദരാബാദിൽ സി.എ.എ., എൻ.പി.ആർ., എൻ.ആർ.സി. എന്നിവക്കെതിരായ പ്രതിഷേധ സംഗമത്തിൽ സംസാരിക്കുകയായിരുന്നു അദ്ദേഹം.

ഈ രാജ്യം എല്ലാവരുടേതുമാണ്. മൂവായിരം കോടി രൂപയുടെ പ്രതിമകളല്ല രാജ്യത്തിന് ആവശ്യം. തൊഴിലില്ലാത്ത യുവാക്കളുടെയും വിദ്യാഭ്യാസം ലഭിക്കാത്ത കുട്ടികളുടെയും വിവരങ്ങളടങ്ങിയ രജിസ്റ്ററാണ് ഉണ്ടാക്കേണ്ടത്.

രാജ്യത്തെ യുവാക്കൾ പ്രധാനമന്ത്രിക്ക് രാഷ്ട്രമീമാംസ പഠിപ്പിച്ച് ഒരു ഡിഗ്രി എടുക്കാൻ സഹായിക്കണമെന്നും പ്രകാശ് രാജ് പരിഹസിച്ചു.