Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഇന്ത്യൻ സൈന്യം...

ഇന്ത്യൻ സൈന്യം എപ്പോഴും യുദ്ധത്തിന്​ തയാർ; ഒരിഞ്ച്​ ഭൂമി പോലും ചൈനക്ക്​ നൽകില്ല -അമിത്​ ഷാ

text_fields
bookmark_border
ഇന്ത്യൻ സൈന്യം എപ്പോഴും യുദ്ധത്തിന്​ തയാർ; ഒരിഞ്ച്​ ഭൂമി പോലും ചൈനക്ക്​ നൽകില്ല -അമിത്​ ഷാ
cancel

ന്യൂഡൽഹി: ഇന്ത്യൻ സൈന്യം ഏത്​ അടിയന്തര സാഹചര്യത്തേയും നേരിടാൻ തയാറാണെന്ന്​ ആഭ്യന്തര മന്ത്രി അമിത്​ ഷാ. ചൈനീസ്​ സൈനികരോട്​ യുദ്ധത്തിന്​ തയാറാകാൻ പ്രസിഡൻറ്​ ഷീജിങ്​ പിങ്​ ആവശ്യപ്പെട്ടതിന്​ പിന്നാലെയാണ്​ ഷായുടെ പരാമർശം. ന്യൂസ്​ 18 ചാനലിന്​ നൽകിയ അഭിമുഖത്തിലാണ്​ അദ്ദേഹം ഇക്കാര്യം പറഞ്ഞത്​.

എല്ലാ രാജ്യങ്ങളും യുദ്ധത്തിന്​ തയാറാണ്​. ഏത്​ തരത്തിലുമുള്ള വെല്ലുവിളികൾ നേരിടാനാണ്​ സൈന്യത്തെ രാജ്യങ്ങൾ സജ്ജമാക്കുന്നത്​. ഇന്ത്യൻ സൈന്യവും യുദ്ധത്തിന്​ തയാറാണ്​. എതെങ്കിലുമൊരു പ്രസ്​താവനക്ക്​ മറുപടിയായല്ല ഞാൻ ഇക്കാര്യം പറയുന്നതെന്നും അമിത്​ ഷാ പറഞ്ഞു.

നയതന്ത്രതലത്തിൽ പ്രശ്​നപരിഹാരത്തിനുള്ള ശ്രമങ്ങൾ തുടരുകയാണ്​. ലഡാക്കിലേയും അരുണാചൽ പ്രദേശിലേയും ചൈനീസ്​ അവകാവാദത്തെ കുറിച്ചുള്ള ചോദ്യത്തിന്​ അത്​ സങ്കീർണമായ പ്രശ്​നമാണെന്നും ഇപ്പോൾ ചർച്ച ചെയ്യാനാവില്ലെന്നും അമിത്​ ഷാ വ്യക്​തമാക്കി. ഇതിൽ ഇന്ത്യയുടെ നിലപാട്​ പ്രതിരോധ മന്ത്രി രാജ്​നാഥ്​ സിങ്ങും വിദേശകാര്യമന്ത്രി എസ്​.ജയശങ്കറും പാർലമെൻറിൽ വ്യക്​തമാക്കിയിട്ടുണ്ടെന്നും അദ്ദേഹം പറഞ്ഞു.

Show Full Article
TAGS:Amit Shah Xi Jinping 
Web Title - Punjab: 4 members of family found burnt alive, suicide note blames lockdown difficulties
Next Story