എൻ.ഡി. തിവാരിയുടെ മക​െൻറ മരണം കൊലപാതകമെന്ന്​ സൂചന

ന്യൂഡൽഹി: മുതിർന്ന കോൺഗ്രസ്​ നേതാവ്​ അന്തരിച്ച എൻ.ഡി. തിവാരിയുടെ മകൻ രോഹിത്​ ശേഖറി​​െൻറ മരണം കൊലപാതകമാണെന ്ന്​ സംശയം. 40കാരനായ രോഹിത്​ ശ്വാസം മുട്ടിയാണ്​ മരിച്ചതെന്നാണ്​ പോസ്​റ്റ്​മോർട്ടം റിപ്പോർട്ട്​. രോഹിതി​ േൻറത്​ അസ്വാഭാവിക മരണമാണെന്ന്​ ​ഡൽഹി പൊലീസ്​ അറിയിച്ചു. ഇതേത്തുടർന്ന്​ കേസ്​ അന്വേഷണം ക്രൈംബ്രാഞ്ചിന്​ വിട ്ടു. അജ്ഞാതർക്കെതിരെ കൊലക്കുറ്റത്തിന്​ കേസെടുത്തിട്ടുമുണ്ട്​.തലയണ ഉപയോഗിച്ച്​ ശ്വാസം മുട്ടിച്ചതാകാമെന്നാണ്​ കരുതുന്നത്​. ഡൽഹി അഖിലേന്ത്യ മെഡിക്കൽ സയൻസസ്​ ഇൻസ്​റ്റിറ്റ്യൂട്ടിലെ (എയിംസ്​) ഡോക്​ടർമാരാണ്​ പോസ്​റ്റ്​മോർട്ടം നടത്തിയത്​.

ഉത്തർപ്രദേശ്, ഉത്തരാഖണ്ഡ് മുഖ്യമന്ത്രിയും കോൺഗ്രസ് നേതാവുമായിരുന്ന എൻ.ഡി. തിവാരിയുടെ മകനാണെന്ന് ആറു വർഷം നിയമയുദ്ധം നടത്തി സ്​ഥാപിച്ച രോഹിത്​ തിവാരിയുടെ മരണം ഇക്കഴിഞ്ഞ ബുധനാഴ്​ച ആകസ്​മികമായായിരുന്നു. ഭാര്യക്കും അമ്മക്കുമൊപ്പം കഴിഞ്ഞിരുന്ന രോഹിതി​​െൻറ മരണം ഉച്ചയുറക്കത്തിനി​െട ആയിരുന്നു എന്നാണ​്​ ആദ്യ​ റിപ്പോർട്ട്​. സാകേതിലെ ആശുപത്രിയിൽ മരിച്ചനിലയിലാണ്​ രോഹിതിനെ എത്തിച്ചത്​. ദേഹത്ത്​ പരിക്കൊന്നുമുണ്ടായിരുന്നില്ല.

പൊലീസി​​െൻറ അന്വേഷണം കുടുംബാംഗങ്ങൾക്ക്​ നേരെയാണ്​ നീങ്ങുന്നത്​​. കുടുംബം മരണത്തിൽ സംശയം പ്രകടിപ്പിക്കുകയോ പൊലീസിൽ പരാതി നൽകുകയോ ചെയ്​തിരുന്നില്ല. മരണസമയത്ത്​ ഭാര്യ അപൂർവയും രോഹിതി​​െൻറ ജ്യേഷ്​ഠനും വീട്ടുജോലിക്കാരുമാണ്​ വീട്ടിലുണ്ടായിരുന്നത്​. അമ്മ ഉജ്ജ്വല തിവാരി ആശുപത്രിയിലായിരുന്നു. രോഹിതി​​െൻറ മൂക്കിൽനിന്ന്​ രക്​തം വരുന്നതായി വീട്ടിൽനിന്ന്​ ​േഫാണിൽ വിവരം അറിയിച്ചതിനെത്തുടർന്ന്​ അമ്മയാണ്​ ആംബുലൻസുമായി എത്തി മകനെ ആശുപത്രിയിലെത്തിച്ചത്​. രോഹിതി​​േൻറത്​ സ്വഭാവിക മരണമാണെന്ന്​ പറഞ്ഞ അമ്മ എന്നാൽ, മരണത്തിലേക്ക്​ നയിച്ച കാരണങ്ങൾ പിന്നീട്​ വെളിപ്പെടുത്താമെന്ന്​ പറഞ്ഞിരുന്നു.

മകനാണെന്ന രോഹിതി​​െൻറ അവകാശവാദം എൻ.ഡി. തിവാരി അംഗീകരിക്കാത്തതിനാൽ 2008ലാണ്​ രോഹിത്​ കോടതിയി​െലത്തിയത്​. ഡി.എൻ.എ ടെസ്​റ്റി​നെ തുടർന്ന്​ 2014ൽ ഡൽഹി ഹൈകോടതി രോഹിത്​ തിവാരിയുടെ മകനാണെന്ന്​ വിധിച്ചു. അന്ന്​ തിവാരിക്ക്​ 88 വയസ്സായിരുന്നു. കോടതി വിധി അംഗീകരിച്ച അദ്ദേഹം രോഹിതി​​െൻറ അമ്മയെ വിവാഹം കഴിക്കുകയുംചെയ്​തു. 2017ൽ ബി.ജെ.പിയിൽ ചേർന്ന എൻ.ഡി. തിവാരി കഴിഞ്ഞവർഷമാണ്​ മരിച്ചത്​.