എൻ.സി.പി എം.എൽ.എ നവാബ് മാലിക്കും അജിത് പക്ഷത്തിനൊപ്പമെന്ന്

മും​ബൈ: ക​ള്ള​പ്പ​ണ കേ​സി​ൽ ഒ​രു വ​ർ​ഷ​ത്തി​ലേ​റെ ജ​യി​ലി​ൽ ക​ഴി​ഞ്ഞ്​ ജാ​മ്യ​ത്തി​ലി​റ​ങ്ങി​യ എ​ൻ.​സി.​പി എം.​എ​ൽ.​എ ന​വാ​ബ്​ മാ​ലി​ക്​ മ​ഹാ​രാ​ഷ്ട്ര നി​യ​മ​സ​ഭ​യി​ൽ അ​ജി​ത്​ പ​വാ​റി​ന്റെ വി​മ​ത​പ​ക്ഷ​ത്തി​നൊ​പ്പം. അ​ജി​ത്​ പ​വാ​റി​ന്റെ വി​മ​ത നീ​ക്ക​ത്തി​ന്​ ശേ​ഷം ക​ഴി​ഞ്ഞ ആ​ഗ​സ്റ്റി​ലാ​ണ്​ ന​വാ​ബ്​ മാ​ലി​കി​ന്​ ചി​കി​ത്സ​ക്ക്​ വേ​ണ്ടി സു​പ്രീം​കോ​ട​തി ജാ​മ്യം അ​നു​വ​ദി​ച്ച​ത്.

വി​ചാ​ര​ണ കോ​ട​തി​യി​ലും ബോം​​ബെ ഹൈ​കോ​ട​തി​യി​ലും മാ​ലി​കി​ന്റെ ജാ​മ്യ​ത്തെ ശ​ക്ത​മാ​യി എ​തി​ർ​ത്ത പ്രോ​സി​ക്യൂ​ഷ​ൻ സു​പ്രീം​കോ​ട​തി​യി​ൽ ജാ​മ്യ​ത്തെ എ​തി​ർ​ത്തി​രു​ന്നി​ല്ല.

മാ​ലി​കി​നെ ‘രാ​ജ്യ​ദ്രോ​ഹി’ എ​ന്ന്​ വി​ളി​ക്കു​ക​യും ഒ​പ്പ​മി​രി​ക്കി​ല്ലെ​ന്ന്​ പ​റ​യു​ക​യും ചെ​യ്ത മു​ഖ്യ​മ​ന്ത്രി​യു​ടെ​യും ഉ​പ​മു​ഖ്യ​മ​ന്ത്രി​യു​ടെ​യും ഭ​ര​ണ​പ​ക്ഷ​ത്ത്​ മാ​ലി​കി​നെ ഇ​രു​ത്തി​യ​തി​നെ ഉ​ദ്ധ​വ്​ താ​ക്ക​റെ പ​ക്ഷ ശി​വ​സേ​ന സ​ഭ​യി​ൽ ചോ​ദ്യം ചെ​യ്തു.

മാ​ലി​ക്​ അ​റ​സ്റ്റി​ലാ​യ​പ്പോ​ൾ അ​ദ്ദേ​ഹം മ​ന്ത്രി​സ്ഥാ​ന​ത്തു​നി​ന്ന്​ രാ​ജി​വെ​ക്കേ​ണ്ടെ​ന്ന്​ നി​ല​പാ​ടെ​ടു​ത്ത​വ​ർ അ​തി​ന്​ ആ​ദ്യം മ​റു​പ​ടി​പ​റ​യ​ണ​മെ​ന്ന്​ ബി.​ജെ.​പി നേ​താ​വാ​യ ഉ​പ​മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്​​നാ​വി​സ്​ തി​രി​ച്ച​ടി​ച്ചു. അ​തേ​സ​മ​യം, എ​ൻ.​സി.​പി എം.​എ​ൽ.​എ​മാ​രെ​യെ​ല്ലാം ഒ​റ്റ​പാ​ർ​ട്ടി​യാ​യി​ട്ടാ​ണ്​ സ്പീ​ക്ക​ർ കാ​ണു​ന്ന​ത്. അ​തി​നാ​ൽ, ഇരുപക്ഷത്തിനും വെ​വ്വേ​റെ സീ​റ്റ്​ ന​ൽ​കി​യി​ട്ടി​ല്ല.