എൻ.സി.പി നേതാവി​െൻറ സ്വത്ത്​ ജപ്​തിക്ക്​ ഉത്തരവ്​

മും​ബൈ: മു​തി​ർ​ന്ന എ​ൻ.​സി.​പി നേ​താ​വും മ​ഹാ​രാ​ഷ്​​ട്ര നി​യ​മ​സ​ഭ പ്ര​തി​പ​ക്ഷ ​നേ​താ​വു​മാ​യ ധ​ന​ഞ്​​ജ​യ്​ മു​ണ്ടെ​യു​ടെ സ്വ​ത്തു​ക്ക​ൾ ജ​പ്​​തി​ചെ​യ്യാ​ൻ കോ​ട​തി ഉ​ത്ത​ര​വ്. അം​ബ​ജോ​ഗ​യ്​ അ​ഡീ​ഷ​ന​ൽ ജി​ല്ല കോ​ട​തി ജ​ഡ്​​ജി ധ​ന​ഞ്​​ജ​യ്​ ദേ​ശ്​​പാ​ണ്ഡെ​യാ​ണ്​ കോ​ടി​ക​ളു​ടെ ബാ​ങ്ക്​ വാ​യ്​​പ തി​രി​ച്ച​ട​ച്ചി​ല്ലെ​ന്ന കേ​സി​ൽ സ്വ​ത്തു​ക്ക​ൾ ജ​പ്​​തി​ചെ​യ്യാ​ൻ ഉ​ത്ത​ര​വി​ട്ട​ത്.

ബീ​ഡ്​ ജി​ല്ല​യി​ലെ സാ​ന്ത്​ ജ​ഗ​മി​ത്ര സ​ഹ​ക​ര​ണ കോ​ട്ട​ൺ മി​ല്ലി​​െൻറ ഡ​യ​റ​ക്​​ട​ർ​മാ​രി​ലൊ​രാ​ളാ​യ മു​ണ്ടെ ബീ​ഡ്​ സെ​ൻ​ട്ര​ൽ സ​ഹ​ക​ര​ണ ബാ​ങ്കി​ൽ​നി​ന്ന്​ 2003നും 2011​നും ഇ​ട​യി​ൽ കോ​ടി​ക​ൾ വാ​യ്​​പ​യെ​ടു​ത്തി​രു​ന്നു. വാ​യ്​​പ തി​രി​ച്ച​ട​ക്കാ​ൻ ക​ഴി​വു​ണ്ടോ​യെ​ന്ന്​ പ​രി​ശോ​ധി​ക്കാ​തെ​യും രേ​ഖ​ക​ൾ ഹാ​ജ​രാ​ക്കാ​തെ​യു​മാ​ണ്​ വാ​യ്​​പ ത​ര​പ്പെ​ടു​ത്തി​യ​തെ​ന്ന്​ അ​ന്വേ​ഷ​ണ​ത്തി​ൽ ബോ​ധ്യ​മാ​യി. മു​ണ്ടെ​യു​ടെ സ്വ​ത്തു​ക്ക​ൾ കൈ​മാ​റ്റം ചെ​യ്യു​ന്ന​ത്​ കോ​ട​തി വി​ല​ക്കി​യി​ട്ടു​ണ്ട്.

അ​തേ​സ​മ​യം, കോ​ട​തി​വി​ധി ദു​ർ​വ്യാ​ഖ്യാ​നം ചെ​യ്​​ത്​ എ​തി​രാ​ളി​ക​ൾ ത​ന്നെ അ​പ​കീ​ർ​ത്തി​പ്പെ​ടു​ത്താ​ൻ ശ്ര​മി​ക്കു​ക​യാ​ണെ​ന്ന്​ മു​ണ്ടെ ആ​രോ​പി​ച്ചു. ക​മ്പ​നി ഡ​യ​റ​ക്​​ട​ർ​മാ​ർ​ക്കെ​ല്ലാം ഉ​ത്ത​ര​വ്​ ബാ​ധ​ക​മാ​ണെ​ന്നും ഇ​തൊ​രു ഇ​ട​ക്കാ​ല വി​ധി മാ​ത്ര​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.