കുപ്രസിദ്ധ മയക്കുമരുന്ന്​ മാഫിയ സംഘാംഗം ടൈഗർ മുസ്​തഫ പിടിയിൽ

പനാജി: കുപ്രസിദ്ധ മയക്കു മരുന്ന്​ മാഫിയ സംഘാംഗം ടൈഗർ മുസ്​തഫ അറസ്റ്റിൽ. ഞായറാഴ്​ച രാത്രിയിൽ ഗോവയിൽ വെച്ച്​ നർകോട്ടിക്​ കൺട്രോൾ ബ്യൂറോ (എൻ.സി.ബി) ആണ്​ മുസ്​തഫയെ വലയിലാക്കിയത്​.

എൻ.സി.ബിയുടെ മുംബൈ, ഗോവ യൂനിറ്റുകൾ സംയുക്തമായാണ്​ ഇയാൾ താമസിച്ചു വരികയായിരുന്ന ഹോട്ടലിൽ റെയ്​ഡ്​ നടത്തുകയും ടൈഗർ മുസ്​തഫയെ പിടികൂടുകയും ചെയ്​തത്​. ഹോട്ടലുടമയും ഇയാൾക്കൊപ്പം അറസ്റ്റിലായിട്ടുണ്ട്​.

ഹോട്ടൽ മുറിയിൽ നിന്ന്​ വലിയ അളവിൽ മയക്കു മരുന്നുകൾ പിടിച്ചെടുത്തിട്ടുണ്ട്​. കഴിഞ്ഞ ആഴ്ച നർകോട്ടിക്​ കൺട്രോൾ ബ്യൂറോ നടത്തിയ റെയ്​ഡിൽ നിന്ന്​ ടൈഗർ മുസ്​തഫ രക്ഷപ്പെട്ടിരുന്നു.