Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജമ്മുവിലെ...

ജമ്മുവിലെ നേതാക്കൾക്ക്​ ഫറൂഖ്​ അബ്​ദുല്ലയും ഉമർ അബ്​ദുല്ലയെയും സന്ദർശിക്കാൻ അനുമതി

text_fields
bookmark_border
ജമ്മുവിലെ നേതാക്കൾക്ക്​ ഫറൂഖ്​ അബ്​ദുല്ലയും ഉമർ അബ്​ദുല്ലയെയും സന്ദർശിക്കാൻ അനുമതി
cancel

ശ്രീനഗർ: ആർട്ടിക്കിൽ 370 റദ്ദാക്കിയതിനെ തുടർന്ന്​ വീട്ടുതടങ്കലിലാക്കിയ നാഷണൽ കോൺഫറൻസ്​ നേതാക്കളായ ഫാറൂഖ്​ അബ്​ദുല്ല, ഉമർ അബ്​ദുല്ല എന്നിവരെ സന്ദർശിക്കാൻ ജമ്മുവിലെ പ്രതിനിധികൾക്ക്​ അനുമതി. ജമ്മു പ്രൊവിൻഷ്യൽ പ്രസിഡൻറ്​ ദേവേന്ദർ സിങ്​ റാണ, പാർട്ടി മുൻ എം.എൽ.എമാർ എന്നിവരടങ്ങിയ 15 അംഗ സംഘമാണ്​ ഞായറാഴ്​ച ഫാറൂഖ്​ അബ്​ദുല്ലയെയും ഉമറിനെയും സന്ദർശിക്കുക. ​ഇരുവരേയും വീട്ടുതടങ്കലിലാക്കി രണ്ടു മാസം പിന്നിടു​േമ്പാഴാണ്​ പുറത്തുനിന്നുള്ളവർക്ക്​ സന്ദർശന അനുമതി നൽകുന്നത്​.

ജമ്മു പ്രവിശ്യ പ്രസിഡൻറ്​ ദേവേന്ദർ സിങ്​ റാണയുടെ നേതൃത്വത്തിലുള്ള സംഘം ഞായറാഴ്​ച ശ്രീനഗറിലേക്ക്​ തിരിക്കുമെന്ന്​​ എൻ.സി വക്​താവ്​ മദൻ മാന്ദൂ പറഞ്ഞു. റാണയാണ്​ ഗവർണർ സത്യപാൽ മലികിൽനിന്ന്​ സന്ദർശനാനുമതി തേടിയത്​.

മുൻ നിയമസഭ സാമാജികരായ 14 പേരാണ്​ റാണക്കൊപ്പം സംഘത്തിലുണ്ടാവുക. ഭരണഘടനയുടെ 370ാം വകുപ്പ്​ റദ്ദാക്കിയതിനെ തുടർന്ന്​ 81കാരനായ ഫാറൂഖ്​ അബ്​ദുല്ല ശ്രീനഗറിലെ വീട്ടിലും ഉമർ അബ്​ദുല്ല സർക്കാർ അതിഥി മന്ദിരത്തിലുമാണ്​ തടവിൽ കഴിയുന്നത്​. ജമ്മു മേഖലയിലെ പാർട്ടി നേതാക്കൾക്ക്​ സഞ്ചരിക്കുന്നതിനുള്ള നിയന്ത്രണം രണ്ടുദിവസം മുമ്പ്​ ഇളവുചെയ്​തതിരുന്നു. തുടർന്ന്​ ജമ്മു പ്രവിശ്യയിലെ ജില്ലാ ഭാരവാഹികളുടെ നേതൃതത്തിൽ നടന്ന യോഗത്തിലാണ്​ സന്ദർശന തീരുമാനം എടുത്തതെന്ന്​ മാന്ദൂ പറഞ്ഞു.

പ്രാദേശിക തെരഞ്ഞെടുപ്പ്​ പ്രഖ്യാപിച്ചതിനെ തുടർന്നാണ്​ ജമ്മു മേഖലയിൽ ഇളവ്​ അനുവദിച്ചത്​. എന്നാൽ, കശ്​മീർ താഴ്​വരയിൽ യാത്രാവിലക്ക്​ പെ​െട്ടന്ന്​ നീക്കില്ല. ​നേതാക്കൾ ഓരോരുത്തരെയായി വിലയിരുത്തിയ ശേഷമേ വിലക്ക്​ നീക്കൂവെന്ന്​ ഗവർണറുടെ ഉപദേശകൻ ഫാറൂഖ്​ ഖാൻ വ്യാഴാഴ്​ച പറഞ്ഞിരുന്നു.

Show Full Article
TAGS:NC Delegation jammu Permission farooq abdullah omar abdullah india news 
News Summary - NC Delegation from Jammu Granted Permission to Meet Farooq Abdullah, Omar Tomorrow - India news
Next Story