വാഹനങ്ങൾക്കുള്ള സബ്​സിഡി; നിയമം മാറുന്നതിന്​ തൊട്ടു മുമ്പ്​ കോംപസ്​ സ്വന്തമാക്കി നാവികസേന മേധാവി

ന്യൂഡൽഹി: സൈനിക കാൻറീനുകൾ വഴി സബ്​സിഡി നിരക്കിൽ വാഹനങ്ങൾ വിതരണം ചെയ്യുന്നതുമായി ബന്ധപ്പെട്ടുള്ള നിയമം മാറുന ്നതിന്​ തൊട്ടു മുമ്പ്​ ജീപ്പിൻെറ എസ്​.യു.വി കോംപസ്​ സ്വന്തമാക്കി നാവികസേനാ മേധാവി അഡ്​മിറൽ സുനിൽ ലാംബ. ജൂൺ ഒ ന്ന്​ മുതൽ 12 ലക്ഷത്തിന്​ മുകളിലുള്ള വാഹനങ്ങൾ സൈനിക കാൻറീനുകളിലൂടെ സബ്​സിഡി നിരക്കിൽ നൽകേണ്ടെന്ന്​ തീരുമാനിച ്ചിരുന്നു. 2500 സി.സിക്ക്​ മുകളിലുള്ള കാറുകളും ഇനി മുതൽ സൈനിക കാൻറീനുകളിലൂടെ സബ്​സിഡി നിരക്കിൽ ലഭിക്കില്ല.

സൈനിക കാൻറീനുകളിലുടെ വാങ്ങുന്ന വാഹനങ്ങൾക്ക്​ ജി.എസ്​.ടിയിൽ ഏകദേശം 50 ശതമാനത്തോളം കുറവ്​ ലഭിക്കും. അതുകൊണ്ട്​ ഭൂരിപക്ഷം സൈനികരും കാൻറീനുകളിൽ നിന്നാണ്​ വാഹനം വാങ്ങുക. സൈനികർക്ക്​ വാഹനം വാങ്ങുന്നതിന്​ സബ്​സിഡി നൽകാൻ മാത്രം കഴിഞ്ഞ വർഷം 6000 കോടിയാണ്​ ചെലവഴിച്ചത്​. ഇതോടെയാണ്​ കാൻറീനുകളിലുടെയുള്ള വാഹന വിൽപനയിൽ നിയന്ത്രണം കൊണ്ട്​ വരാൻ സൈന്യം നിർബന്ധിതമായത്​.

നിലവിലെ നിയമമനുസരിച്ച്​ സാധാരണ സൈനികർക്ക്​ 1400 സി.സി വരെയുള്ള 5 ലക്ഷം രൂപയിൽ താഴെയുള്ള വാഹനങ്ങൾ സൈനിക കാൻറീനുകളിലൂടെ വാങ്ങാം. മറ്റ്​ ഉദ്യോഗസ്ഥർക്ക്​ 2500 സി.സി വരെയുള്ള 12 ലക്ഷം രൂപയിൽ താഴെയുള്ള വാഹനങ്ങളാണ്​ കാൻറീനുകളിൽ നിന്ന്​ വാങ്ങാൻ സാധിക്കുക. നിലവിൽ 15 ലക്ഷത്തിൽ വില തുടങ്ങുന്ന ജീപ്പ്​ കോംപസാണ്​ സൈനിക കാൻറീനിലൂടെ വിൽക്കുന്ന ഏറ്റവും വില കൂടിയ വാഹനം. എന്നാൽ, പുതിയ നിയമം വരുന്നതോടെ ജീപ്പ്​ സൈനിക കാൻറീനിൽ നിന്ന്​ സബ്​സിഡി നിരക്കിൽ ലഭിക്കാത്ത സാഹചര്യമുണ്ടാകും.