നാവികസേനയുടെ മിഗ് വിമാനം ഗോവയിൽ തകർന്നു; പൈലറ്റുമാർ രക്ഷപ്പെട്ടു

പനജി: നാവികസേനയുടെ മിഗ് 29കെ പരിശീലന യുദ്ധവിമാനം ഗോവയിൽ തകർന്നു. ശനിയാഴ്ച പറന്നുയർന്ന് അൽപസമയത്തിനകം വിമാനം ത കർന്നുവീഴുകയായിരുന്നെന്ന് അധികൃതർ പറഞ്ഞു.

രണ്ട് പൈലറ്റുമാരാണ് വിമാനത്തിലുണ്ടായിരുന്നത്. ഇരുവരും രക്ഷപ്പെട്ടതായും രക്ഷാപ്രവർത്തനം നടക്കുകയാണെന്നും അധികൃതർ പറഞ്ഞു.

എൻജിനിൽ ഉണ്ടായ തീപിടിത്തത്തെ തുടർന്നാണ് വിമാനം തകർന്നതെന്ന് നാവികസേനാ വക്താവ് കമാൻഡർ വിവേക് മധ്വാൾ പറഞ്ഞു. എം. ഷിയോകാന്ത്, ലെഫ്റ്റനന്‍റ് കമാൻഡർ ദീപക് യാദവ് എന്നിവരാണ് വിമാനത്തിലുണ്ടായിരുന്നത്. ഇരുവരും സുരക്ഷിതരാണ് -അദ്ദേഹം പറഞ്ഞു.

ഇന്ത്യൻ നാവികസേനക്കായി നിർമിച്ച റഷ്യൻ പോർവിമാനങ്ങളാണ് മിഗ് ജെറ്റുകൾ.