Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഭിന്നത കൂടുന്നു;...

ഭിന്നത കൂടുന്നു; ചന്നിയുടെ മകന്‍റെ വിവാഹത്തിൽ പങ്കെടുക്കാതെ ക്ഷേത്ര സന്ദർശനം നടത്തി സിധു

text_fields
bookmark_border
Charanjit Singh Channis son marriage
cancel

മൊഹാലി: പഞ്ചാബ്​ കോൺഗ്രസിൽ ഭിന്നത കൂടുന്നതിന്‍റെ സൂചനകൾ നൽകി മുഖ്യമന്ത്രി ചരൺജിത്​ സിങ്​ ചന്നിയുടെ മകന്‍റെ വിവാഹത്തിൽ പി.സി.സി അധ്യക്ഷൻ നവ്​ജോത്​ സിങ്​ സിധു പ​ങ്കെടുത്തില്ല. മൊഹാലിയിലെ ഗുരുദ്വാരയിൽ വെച്ച്​ ഞായറാഴ്ചയാണ്​ ചന്നിയുടെ മകൻ നവ്​ജിത്​ സിങ്​ അംലാല സ്വദേശിനിയായ സിമ്രൻദീർ കൗറിനെ വിവാഹം ചെയ്​തത്​.

അതേസമയം സിധു പി.ഡബ്ല്യു.ഡി മന്ത്രി വിജയ്​ ഇന്ദർ സിംഗ്ലക്കും രാജ്​ കുമാർ ചബ്ബേവാൾ എം.എൽ.എക്കുമൊപ്പം ജമ്മുവിലെ വൈഷ്​ണോ ദേവി ക്ഷേ​ത്രം സന്ദർശിക്കുകയായിരുന്നു സിധു. ക്ഷേത്ര സന്ദർശനത്തിന്‍റെ ചിത്രങ്ങൾ സിധു ട്വിറ്ററിൽ പങ്കുവെച്ചിട്ടുണ്ട്​.

പഞ്ചാബ്​ ഗവർണർ ബൻവാരിലാൽ പുരോഹിത്​, കോൺഗ്രസ്​ ജനറൽ സെക്രട്ടറിഹരീഷ്​ റാവത്ത്​, ഉപമുഖ്യമന്ത്രിമാരായ സുഖ്​ജീന്ദർ സിങ്​ രൺദാവ, ഒ.പി സോണി, മന്ത്രിമാരായ മൻപ്രീത്​ സിങ്​ ബാദല, ഭ്രം മൊഹീന്ദ്ര, പർഗത്​ സിങ്​, തപ്​ത്​ രജീന്ദർ ബജ്​വ, റാണ ഗുർമിത്​ സിങ്​ സോധി എം.എൽ.എ, മനീഷ്​ തിവാരി എം.പി എന്നിവർ ലളിതമായി നടന്ന വിവാഹത്തിൽ പ​ങ്കെടുത്തു.

തന്നോട്​ ആലോചിക്കാതെ ചന്നി അ​ഡ്വക്കറ്റ് ജനറലിനെയും (എ.ജി) ഡി.ജി.പിയെയും നിയമിച്ചുവെന്ന്​ കാണിച്ചാണ്​ സിധു അടുത്തിടെ പി.സി.സി അധ്യക്ഷ സ്​ഥാനം രാജിവെച്ചത്​. ഇരുവരെയും നീക്കണമെന്നായിരുന്നു സിധുവിന്‍റെ ആവശ്യം. എന്നാൽ രാജി ഇതുവരെ സ്വീകരിച്ചിട്ടില്ല.

Show Full Article
TAGS:navjot singh sidhu Charanjit Singh Channi Punjab Congress 
News Summary - Navjot Singh Sidhu stays away from Punjab CM Charanjit Singh Channi’s son wedding
Next Story