You are here

ഭാരത്​ മാതാ കീ ജയ്​ വിളിക്കുന്നതല്ല ദേശസ്​നേഹം -വെങ്കയ്യ നായിഡു

12:55 PM
24/03/2019
venkainaidu

ന്യൂഡൽഹി: ഭാരത്​ മാതാ കീ ജയ്​ വിളിക്കുന്നത്​ മാത്രമല്ല ദേശസ്​നേഹമെന്ന്​ ഉപരാഷ്​ട്രപതി വെങ്കയ്യ നായിഡു. ജാതി, നഗര-​ഗ്രാമ വ്യത്യാസം എന്നിവയുടെ പേരിൽ ആളുകളെ വേർതിരിക്കരുതെന്നും​ ഉപരാഷ്​ട്രപതി പറഞ്ഞു. ഡൽഹി യൂനിവേഴ്​സിറ്റിയിൽ നടന്ന പരിപാടിയിൽ സംബന്ധിക്കുകയായിരുന്നു അദ്ദേഹം. 

ആളുകളെ നഗര-ഗ്രാമ, ജാതി വ്യത്യാസം ഉപയോഗിച്ച്​ വേർതിരിക്കുന്നവർ  ഭാരത്​ മാതാ കീ ജയ് വിളിക്കുന്നതിൽ അർഥമില്ലെന്നും അദ്ദേഹം വ്യക്​തമാക്കി. പുതിയ ഇന്ത്യ അഴിമതി, നിരക്ഷരത, ഭയം, വിശപ്പ്​ എന്നിവയിൽ നിന്നും മുക്​തമായിരിക്കുമെന്നും വെങ്കയ്യ നായിഡു കൂട്ടിച്ചേർത്തു.

പരമ്പരാഗത മൂല്യങ്ങളെ സംരക്ഷിക്കാൻ പഠിക്കണം. ​എല്ലാവരെയും നിശതമായി വിമർശിക്കുന്നത്​ ഒഴിവാക്കുകയും ഒരു ക്രിയാത്മക മനോഭാവം വളർത്തുകയും വേണം. സാമൂഹിക തിന്മകൾ, മതഭ്രാന്ത്​, മുൻവിധികൾ എന്നിവക്കെതിരായ പോരാട്ടത്തിൽ മുൻനിരയിൽ ആയിരിക്കണം യുവാക്കൾ. ധൈര്യമുള്ള യുവാക്കളിലാണ്​ രാജ്യത്തിൻെറ ഭാവിയെന്നും വെങ്കയ്യ നായിഡു ചൂണ്ടിക്കാട്ടി.

Loading...
COMMENTS