ഒാൺലൈൻ തട്ടിപ്പ്​: പരാതിക്കാർക്ക്​ സഹായകമായി ദേശീയ ഉപഭോക്​തൃ കമീഷ​ൻ ഉത്തരവ്​

കെ.ടി. വിബീഷ്​
കോഴിക്കോട്​: ഒാൺലൈൻ തട്ടിപ്പുകളിൽപ്പെടുന്നവർക്ക്​ ഏറെ സഹായകമായി ദേശീയ ഉപഭോക്​തൃ തർക്കപരിഹാര കമീഷ​​െൻറ പുതിയ ഉത്തരവ്​. ഉപഭോക്​താവ്​ ഒാൺലൈൻ വഴി സാധനങ്ങൾ ബുക്​​ചെയ്​ത സ്​ഥലത്തെ ഉപഭോക്​തൃ തർക്ക പരിഹാര ഫോറത്തിൽ പരാതി നൽകാമെന്ന ഉത്തരവാണ്​ ജനങ്ങൾക്ക്​ ഏറെ ആശ്വാസമാകുന്നത്​. ഇതുവരെ സ്​ഥാപനം പ്രവർത്തിക്കുന്ന സ്​ഥലത്തെ ഫോറങ്ങളിൽ പരാതി നൽകണമായിരുന്നു. 

കഴിഞ്ഞ ഫ്രെബുവരി ഏഴിന്​ സ്​പൈസ്​ ജെറ്റ്​​ ലിമിറ്റഡിനെതിരെ രെഞ്ചു അറേ എന്ന പശ്ചിമ ബംഗാൾ സ്വദേശിനി ഫയൽ ചെയ്​ത കേസിലാണ്​ പുതിയ വിധി ഉണ്ടായത്​. ഉപഭോക്​തൃ നിയമത്തിൽ ഇൻഫർമേഷൻ ടെക്​നോളജി ആക്​ടിലെ വകുപ്പുകൾകൂടി ഉൾപ്പെടുത്തിയാണ്​ ദേശീയ ഉപഭോക്​തൃ കമീഷ​​െൻറ വിധി. യാത്ര എന്ന വെബ്​സൈറ്റ്​ വഴി ഇവർ സ്​പൈസ്​ ജെറ്റ്​ വിമാനത്തിൽ ഡാർജലിങ്​ ജില്ലയിലെ ബഗ്​ഡോഗ്​റയിൽ നിന്ന്​ കൊൽക്കത്തയിലേക്കും അവിടെനിന്ന്​ ന്യൂഡൽഹിയിലേക്കും ടിക്കറ്റ്​ ബുക്ക്​ ചെയ്​തു. എന്നാൽ, കൊൽക്കത്തയിൽനിന്നുള്ള വിമാനം കാൻസൽ ചെയത്​ യാത്ര മുടങ്ങി. ഇതോടെ ഇവർ ബഗ്​ഡോഗ്​റയിൽ പരാതി നൽകിയെങ്കിലും​ ​െകാൽക്കത്തയിലോ ന്യൂഡൽഹിയിലോ പരാതി നൽകാനായിരുന്നു ആദ്യം നിർദേശിച്ചത്​. തുടർന്നുള്ള നിയമ നടപടികൾക്കൊടുവിലാണ്​

ടിക്കറ്റ്​ ബുക്ക്​ ചെയ്​ത സ്​ഥലത്തുതന്നെ പരാതി നൽകാൻ അവകാശമുണ്ടെന്ന വിധിവന്നത്​. 
ഒാൺലൈൻ വ്യാപാരവുമായി ബന്ധപ്പെട്ടുള്ള തട്ടിപ്പുകൾ കൂടിവരുന്ന പശ്ചാത്തലത്തിൽ ഉപഭോക്​താക്കൾക്ക്​ രക്ഷയാകുന്ന സുപ്രധാന വിധിയാണിതെന്ന്​ ഇൗ രംഗത്ത്​ പ്രവർത്തിക്കുന്ന പ്രമുഖ അഭിഭാകൻ ശ്യാം പത്​മൻ ചൂണ്ടിക്കാട്ടുന്നു. 

നേരത്തെ, തട്ടിപ്പുനടത്തിയ സ്​ഥാപനങ്ങൾക്കെതിരെ ജില്ല ഉപഭോക്​തൃ ഫോറങ്ങളിൽ പരാതി നൽകിയാൽ സ്​ഥാപനത്തി​​െൻറ ഒാഫിസ്​ പ്രവർത്തിക്കുന്ന സ്​ഥലത്ത്​ പരാതി നൽകാനുള്ള നിർദേശമായിരുന്നു ലഭിച്ചിരുന്നത്​. അതിനാൽതന്നെ പലരും സ്​ഥാപനത്തിനെതി​രായ നടപടി അതോടെ അവസാനിപ്പിക്കുകയായിരുന്നു പതിവ്​. ഇതിന്​ മാറ്റമുണ്ടാക്കുന്നതാണ്​ വിധി അദ്ദേഹം കൂട്ടിച്ചേർത്തു. പരാതികളിൽ ജില്ല ഉപഭോക്​തൃ ഫോറം പ്രഖ്യാപിക്കുന്ന വിധിനടപ്പാക്കുന്നതിന്​ ഉപഭോക്​തൃ സംരക്ഷണ ആക്​ടിലെ 25, 27 വകുപ്പുകൾ പ്രകാരം തട്ടിപ്പുനടത്തിയ സ്​ഥാപനത്തിനോ വ്യക്​തിക്കോ എതിരെ വാറൻറ്​ പുറ​പ്പെടുവിക്കാനും കഴിയും. 
മാത്രമല്ല ആവശ്യ​െമങ്കിൽ എതിർകക്ഷിയുള്ള സ്​ഥലത്തെ ജില്ല കലക്​ടർക്ക്​ പ്രത്യേക സർട്ടിഫിക്കറ്റ്​ അയച്ചു​െകാടുത്ത്​ സ്​ഥാപനത്തി​​െൻറ വസ്​തുവഹകൾ ജപ്​തി ചെയ്യിക്കാനും അധികാരമുണ്ട്​. ഇത്തരത്തിലുള്ള പരാതികൾ മൂന്നുമാസത്തിനുള്ളിൽ തീർപ്പാക്കണമെന്നും ദേശീയ കമീഷൻ നിർദേശിക്കുന്നു.

പുതിയ വിധിവന്നതോടെ ഒാൺലൈൻ വഴി ബസ്​, ട്രെയിൻ, ​ൈഫ്ലറ്റ്​ ടിക്കറ്റുകൾ ബുക്ക്​ ചെയ്യു​േമ്പാഴും ഉപകരണങ്ങൾ, വസ്​തുക്കൾ എന്നിവ വാങ്ങു​േമ്പാഴുമുള്ള തട്ടിപ്പുകൾക്കെതിരെ അതാത്​ ജില്ലകളിൽതന്നെ പരാതി നൽകാനാവും. ടി.വിയിലും മറ്റും പരസ്യം ​െചയ്​ത്​ മൊബൈൽ നമ്പറിലേക്ക്​ മിസ്​ കോൾ വഴി ബുക്കിങ്​ സ്വീകരിച്ച്​ തട്ടിപ്പ്​ നടത്തുന്ന പരാതികളിൽ മിക്കപ്പോഴും കമ്പനി പ്രവർത്തിക്കുന്നത്​ ഇതര സംസ്​ഥാനങ്ങളിലായതിനാൽ ഉപഭോക്​താക്കൾക്ക്​ നീതി ലഭിക്കുക വിരളമായിരുന്നു.