നാഷനൽ ഹെറാൾഡ് കേസിൽ സോണിയ ഒന്നാംപ്രതി, രാഹുൽ രണ്ടാംപ്രതി; കുറ്റപത്രം സമർപ്പിച്ച് ഇ.ഡി

ന്യൂ​ഡ​ൽ​ഹി: കോ​ൺ​ഗ്ര​സ് മു​ഖ​പ​ത്ര​മാ​യ ‘നാ​ഷ​ന​ൽ ഹെ​റാ​ൾ​ഡു’​മാ​യി ബ​ന്ധ​പ്പെ​ട്ട് അ​ന​ധി​കൃ​ത പ​ണ​മി​ട​പാ​ട് ന​ട​ത്തി​യെ​ന്ന് ആ​രോ​പി​ച്ച് എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് (ഇ.​ഡി) കോ​ൺ​ഗ്ര​സി​ന്റെ സ​മു​ന്ന​ത നേ​താ​ക്ക​ളാ​യ സോ​ണി​യ ഗാ​ന്ധി​ക്കും രാ​ഹു​ൽ ഗാ​ന്ധി​ക്കും എ​തി​രെ കു​റ്റ​പ​ത്രം സ​മ​ർ​പ്പി​ച്ചു.

ഡ​ൽ​ഹി റോ​സ് അ​വ​ന്യൂ കോ​ട​തി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ ഓ​വ​ർ​സീ​സ് കോ​ൺ​ഗ്ര​സ് നേ​താ​വ് സാം ​പി​ത്രോ​ഡ, സു​മ​ൻ ദു​ബെ തു​ട​ങ്ങി​യ​വ​രു​മു​ണ്ട്. കേ​സ് ഈ ​മാ​സം 25ന് ​കോ​ട​തി കേ​ൾ​ക്കും. നാ​ഷ​ന​ൽ ഹെ​റാ​ൾ​ഡി​ന്റെ 661 കോ​ടി രൂ​പ​യു​ടെ സ്വ​ത്തു​ക്ക​ൾ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് ക​ണ്ടു​കെ​ട്ടു​ക​യും ചെ​യ്തു. ഡ​ൽ​ഹി ഐ.​ടി.​ഒ​യി​ലെ ഹെ​റാ​ൾ​ഡ് ഹൗ​സ്, മും​ബൈ ബാ​ന്ദ്ര​യി​ലെ സ്ഥ​ലം, ല​ഖ്‌​നോ​വി​ലെ ബി​ഷേ​ശ്വ​ർ നാ​ഥ് റോ​ഡി​ലു​ള്ള എ.​ജെ.​എ​ൽ കെ​ട്ടി​ടം എ​ന്നി​വ​യാ​ണ് അ​ന​ധി​കൃ​ത പ​ണ​മി​ട​പാ​ട് ത​ട​യ​ൽ നി​രോ​ധ​ന നി​യ​മം (പി.​എം.​എ​ൽ.​എ) പ്ര​കാ​രം ക​ണ്ടു​കെ​ട്ടി​യ​ത്.

സോ​ണി​യ ഗാ​ന്ധി​യും രാ​ഹു​ൽ ഗാ​ന്ധി​യും ചേ​ർ​ന്ന് ഫ​ണ്ട് ദു​ർ​വി​നി​യോ​ഗം ന​ട​ത്തി​യെ​ന്ന് ആ​രോ​പി​ച്ച് ബി.​ജെ.​പി നേ​താ​വ് സു​ബ്ര​ഹ്മ​ണ്യ​ൻ സ്വാ​മി ന​ൽ​കി​യ പ​രാ​തി​യെ തു​ട​ർ​ന്ന് 2021-ൽ ​ഇ.​ഡി ര​ജി​സ്റ്റ​ർ ചെ​യ്ത കേ​സി​ലാ​ണ് കു​റ്റ​പ​ത്രം. നാ​ഷ​ന​ൽ ഹെ​റാ​ൾ​ഡ് പ​ത്ര​ത്തി​ന്റെ ഉ​ട​മ​സ്ഥാ​വ​കാ​ശം ഉ​ണ്ടാ​യി​രു​ന്ന അ​സോ​സി​യേ​റ്റ​ഡ് ജേ​ണ​ൽ​സ് ലി​മി​റ്റ​ഡി​ന്റെ (എ.​ജെ.​എ​ൽ) ഏ​ക​ദേ​ശം 2000 കോ​ടി രൂ​പ വി​ല​മ​തി​ക്കു​ന്ന സ്വ​ത്തു​ക്ക​ൾ തു​ച്ഛ​വി​ല​യ്ക്ക് കോ​ൺ​ഗ്ര​സി​ന്റെ ത​ന്നെ ‘യ​ങ് ഇ​ന്ത്യ​ൻ ലി​മി​റ്റ​ഡി’​ന്റെ പേ​രി​ലേ​ക്ക് മാ​റ്റി​യെ​ന്നാ​യി​രു​ന്നു സ്വാ​മി​യു​ടെ പ​രാ​തി.

ആ​രോ​പ​ണം അ​ന്വേ​ഷി​പ്പി​ക്കാ​ൻ സ്വാ​മി ഹൈ​കോ​ട​തി​യി​ൽ​നി​ന്നും സു​പ്രീം​കോ​ട​തി​യി​ൽ​നി​ന്നും അ​നു​കൂ​ല വി​ധി നേ​ടി​യെ​ടു​ത്തു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ അ​സോ​സി​യേ​റ്റ​ഡ് ജേ​ണ​ൽ​സ് ലി​മി​റ്റ​ഡി​ന്റെ സ്വ​ത്തു​ക്ക​ളി​ൽ 988 കോ​ടി രൂ​പ​യു​ടെ അ​ന​ധി​കൃ​ത പ​ണ​മി​ട​പാ​ട് ന​ട​ന്നു​വെ​ന്നാ​ണ് ഇ.​ഡി കു​റ്റ​പ​ത്ര​ത്തി​ൽ ആ​രോ​പി​ക്കു​ന്ന​ത്.

യ​ങ് ഇ​ന്ത്യ ലി​മി​റ്റ​ഡി​ന്റെ​യും എ.​ജെ.​എ​ൽ യു​ടെ​യും ശൃം​ഖ​ല ഉ​പ​യോ​ഗി​ച്ച് നേ​ടി​യ 18 കോ​ടി​യു​ടെ സം​ഭാ​വ​ന​യി​ലും, 38 കോ​ടി​യു​ടെ അ​ഡ്വാ​ൻ​സ് വാ​ട​ക​യി​ലും 29 കോ​ടി​യു​ടെ പ​ര​സ്യ​ങ്ങ​ളി​ലും അ​ന​ധി​കൃ​ത പ​ണ​മി​ട​പാ​ട് ന​ട​ന്ന​താ​യും ഇ.​ഡി ആ​രോ​പി​ച്ചു. സോ​ണി​യ ഗാ​ന്ധി​യു​ടെ​യും രാ​ഹു​ൽ ഗാ​ന്ധി​യു​ടെ​യും കൈ​വ​ശം യ​ങ് ഇ​ന്ത്യ​ൻ പ്രൈ​വ​റ്റ് ലി​മി​റ്റ​ഡി​ന്റെ 38 ശ​ത​മാ​നം ഓ​ഹ​രി​ക​ളു​ള്ള​തു​കൊ​ണ്ടാ​ണ് ഇ​രു​വ​രെ​യും പ്ര​തി​ക​ളാ​ക്കി​യ​ത്.

പ്ര​തി​കാ​ര രാ​ഷ്ട്രീ​യ​മെ​ന്ന് കോ​ൺ​ഗ്ര​സ്

ന്യൂ​ഡ​ൽ​ഹി: സോ​ണി​യ ഗാ​ന്ധി​ക്കും രാ​ഹു​ൽ ഗാ​ന്ധി​ക്കു​മെ​തി​രെ കു​റ്റ​പ​ത്രം സ​മ​ർ​പ്പി​ച്ച​ത് പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ​യും ആ​ഭ്യ​ന്ത​ര മ​ന്ത്രി അ​മി​ത് ഷാ​യു​ടെ​യും രാ​ഷ്ട്രീ​യ പ്ര​തി​കാ​ര​വും പേ​ടി​പ്പി​ക്ക​ലു​മ​ല്ലാ​തെ മ​റ്റൊ​ന്നു​മ​ല്ലെ​ന്ന് കോ​ൺ​ഗ്ര​സ്. ഇ​തു​കൊ​​ണ്ടൊ​ന്നും പാ​ർ​ട്ടി​യെ നി​ശ്ശ​ബ്ദ​മാ​ക്കാ​നാ​വി​ല്ല. നി​യ​മ​വാ​ഴ്ച അ​ട്ടി​മ​റി​ച്ച് ഭ​ര​ണ​കൂ​ട സ്​​പോ​ൺ​സ​ർ​ഷി​പ്പി​ലു​ള്ള കു​റ്റ​കൃ​ത്യ​മാ​ണ് നാ​ഷ​ന​ൽ ഹെ​റാ​ൾ​ഡി​ന്റെ സ്വ​ത്തു ക​ണ്ടു​കെ​ട്ട​ലെ​ന്ന് എ.​ഐ.​സി.​സി ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് പ​റ​ഞ്ഞു.. കോ​ൺ​ഗ്ര​സി​നെ​യും നേ​താ​ക്ക​ളെ​യും നി​ശ്ശ​ബ്ദ​രാ​ക്കാ​നാ​വി​ല്ലെ​ന്നും സ​ത്യ​മേ ജ​യി​ക്കൂ എ​ന്നും​അ​ദ്ദേ​ഹം ‘എ​ക്സി’​ൽ കു​റി​ച്ചു.