വിഷ വാതകചോർച്ച: ഹരിത ട്രൈബ്യൂണൽ ഇന്ന്​ കേസ്​ പരിഗണിക്കും

ന്യുഡൽഹി: വിശാഖപട്ടണത്ത് എൽ.ജി ഫാക്​ടറിയിലെ വാതക ചോർച്ച സംബന്ധിച്ച കേസ്​ ദേശീയ ഹരിത ട്രൈബ്യൂണൽ (എൻ.‌ജി.‌ടി) വെള്ളിയാഴ്ച പരിഗണിക്കും. സംഭവത്തിൽ ട്രൈബ്യൂണൽ റിപ്പോർട്ട്​ തേടിയിരുന്നു. 

എൻ.‌ജി.‌ടി ചെയർപേഴ്‌സൺ ജസ്റ്റിസ് ആദർശ് കുമാർ ഗോയൽ അധ്യക്ഷനായ ബെഞ്ചാണ്​ കേസിൽ വാദം കേൾക്കുക. എൽ.ജി പോളിമേഴ്​സ്​ കെമിക്കൽ പ്ലാൻറിൽ വ്യാഴാഴ്​ച പുലർച്ചെയുണ്ടായ വിഷവാതകചോർച്ചയിൽ 11 പേരാണ്​ ​കൊല്ലപ്പെട്ടത്​. നിരവധി പേർ കുഴഞ്ഞുവീഴുകയും ചെയ്​തിരുന്നു. 20ഓളം പേർ വ​െൻറിലേറ്ററി​​െൻറ സഹായത്തോടെയാണ്​ ആശുപത്രിയിൽ കഴിയുന്നത്​.

ജഡ്ജിമാരും ജോ. സെക്രട്ടറി പദവിയിൽ താഴെയല്ലാത്ത ഉദ്യോഗസ്ഥരും അടങ്ങുന്ന ഉന്നതതല സമിതി സംഭവത്തെക്കുറിച്ച് അന്വേഷിക്കണമെന്ന്​ എൻ‌.ജി‌.ഒ ആവശ്യപ്പെട്ടിരുന്നു. സ​െൻറർ ഫോർ വൈൽഡ് ഫയർ ആൻഡ് എൻവയോൺമ​െൻറൽ ലിറ്റിഗേഷൻ ഫൗണ്ടേഷൻ (സി‌.ഡബ്ല്യു.ഇ.എൽ) ആണ്​ ഈ ആവശ്യം ഉന്നയിച്ചത്​. 

വെള്ളിയാഴ്​ച അർധരാത്രിയും പ്ലാൻറിൽ ചോർച്ചയുണ്ടായതിനെത്തുടർന്ന്​ അഞ്ച്​ കി.മീറ്റർ ചുറ്റളവിലുള്ളവരെ ഒഴിപ്പിച്ചു. രണ്ടു​ദിവസത്തേക്ക് സ്വന്തം വീടുകളിലേക്ക്​ മടങ്ങരുതെന്ന്​​ അധികൃതർ അറിയിച്ചു. പൂനെയിൽ നിന്നുള്ള ദേശീയ ദുരന്ത നിവാരണ സേന (എൻ.ഡി.ആർ.എഫ്)യാണ്​  രക്ഷാദൗത്യത്തിന്​ നേതൃത്വം നൽകുന്നത്​.