കഠ്​വ: പ്രതിഭാഗം വക്കീലി​െൻറ പരാമർശത്തിനെതിരെ അന്വേഷണ സംഘാംഗം

ന്യൂഡൽഹി: കഠ്​വ ബലാൽസംഗ കേസിലെ പ്രതിഭാഗം അഭിഭാഷക​​​െൻറ പരാമർശങ്ങൾക്കെതിരെ അന്വേഷണ സംഘത്തിലെ ഏക വനിത അംഗം. അവ​ർ ഒരു പെണ്ണാണ്​, അവർക്ക്​ എത്രത്തോളം ബുദ്ധിയുണ്ടാവുമെന്നായിരുന്നു പ്രതിഭാഗം അഭിഭാഷക​​​െൻറ പരാമർശം. ഇതിനെതിരെയാണ്​ അന്വേഷണ സംഘത്തിലെ വനിത ഡെപ്യൂട്ടി സുപ്രണ്ട്​ ശ്വേതാംബരി ശർമ രംഗത്തെത്തിയിരിക്കുന്നത്​.

സ്​ത്രീയായത്​ കൊണ്ട്​ മാത്രം ത​​​െൻറ ബുദ്ധിശക്​തിയിൽ സംശയം പ്രകടപ്പിച്ചുള്ള ​അഭിഭാഷക​​​െൻറ പ്രസ്​താവന വേദനപ്പിച്ചുവെന്ന്​ ​ശ്വേതാംബരി വ്യക്​തമാക്കി .ഇത്തരം പ്രസ്​താനക്കെതിരെ താൻ എന്ത്​ പ്രതികരണം നടത്താനാണ്​. മുഴുവൻ രാഷ്​ട്രവും ഇൗ പ്രസ്​താവനയിൽ പ്രതികരണം നടത്തണമെന്നും ശ്വേതാംബരി ആവശ്യപ്പെട്ടു.

ജമ്മുകശ്​മീരിലെ പല ഹിന്ദുത്വ സംഘടനകളും അഭിഭാഷകരും കേസിൽ പ്രതികൾക്ക്​ അനുകൂലമായി നിലകൊണ്ടതിനാൽ അന്വേഷണത്തിൽ പ്രയാസങ്ങൾ നേരിട്ടിരുന്നു. ഇതുമൂലം കേസിൽ തെളിവുകൾ ശേഖരിക്കാനും കുറ്റക്കാരെ അറസ്​റ്റ്​ ചെയ്യാനും ബുദ്ധിമുട്ടുകൾ ഉണ്ടായി. കേസിലെ പ്രതികൾക്ക്​ തക്കതായ ശിക്ഷ നൽകാൻ ഇന്ത്യയിലെ നീതിന്യായ വ്യവസ്ഥ പ്രാപ്​തമാണെന്നും ശ്വേതാംബരി ചൂണ്ടിക്കാട്ടി. കഠ്​വ ബലാൽസംഗ കേസിൽ അന്വേഷണം നടത്തിയ ​പ്രത്യേക സംഘത്തിലെ ഏക വനിത പ്രതിനിധിയാണ്​ ശ്വേതാംബരി.