ശാസ്​ത്രീയ ഭാഷ സംസ്​കൃതം മാത്രം; സംസാരിക്കുന്ന കമ്പ്യൂട്ടർ വരെ നിർമിക്കാം -ബി.ജെ.പി മന്ത്രി

മുംബൈ: സംസ്​കൃതത്തി​​െൻറ സഹായ​ത്തോടെ സംസാരിക്കുന്ന കമ്പ്യൂട്ടറുകൾ നിർമിക്കാൻ കഴിയുമെന്ന്​ നാസ വരെ സമ്മതി ച്ചെന്ന വിചിത്ര വാദവുമായി മാനവവിഭവശേഷി സഹമന്ത്രി രമേശ്​ പൊഖ്​റിയാൽ.

സംസാരിക്കുന്ന കമ്പ്യൂട്ടറുകളാണ്​ ഇ നി യാഥാർത്ഥ്യമാകാൻ പോകുന്നത്​. എന്നാൽ ഇത്​ സംസ്​കൃതത്തി​​െൻറ സഹായത്തോടെ മാത്രമേ കഴിയൂ. സംസ്​കൃതം ശാസ്​ത്ര ഭാഷയാണ്​. സംസ്കൃതത്തില്‍ വാക്കുകള്‍ എഴുതപ്പെട്ടിരിക്കുന്നത് പോലെ തന്നെയാണ് അത് ഉച്ചരിക്കുന്നതും. അതിനാലാണ്​ പുതിയ കണ്ടുപിടുത്തങ്ങൾക്ക്​ ഇത്​ ഉപയോഗപ്പെടുമെന്ന്​ അമേരിക്കൻ ബഹിരാകാശ ഗവേഷണ കേന്ദ്രമായ നാസ പറയുന്നത്​. സംസ്​കൃതത്തെ മറ്റ്​ ഭാഷകളുമായി താരതമ്യം ചെയ്യാൻ കഴിയില്ലെന്നും മന്ത്രി പറഞ്ഞു.

ബോംബെ ഐ.എ.ടിയുടെ 57ാമത്​ ബിരുദദാന ചടങ്ങളിൽ സംസാരിക്കവെയാണ്​ മന്ത്രി രമേശ്​ പൊഖ്​റിയാൽ വിവാദ പ്രസ്​താവന നടത്തിയത്​.

ആറ്റങ്ങളെയും മോളിക്യൂളുകളെയും കണ്ടുപിടിച്ചത് ചരക ഋഷിയാണെന്നും ആയൂര്‍വേദമില്ലെങ്കില്‍ മെഡിസിനുകള്‍ പൂര്‍ണമാവുകയില്ലെന്നും അദ്ദേഹം കൂട്ടിച്ചേര്‍ത്തു.

ലോകത്ത്​ ആദ്യമായി ശസ്​ത്രക്രിയ നടത്തിയ ഭിഷഗ്വരൻ സുശ്രുതനാണെന്നും മന്ത്രി പറഞ്ഞു.