വെള്ളം കുടിക്കാൻ ക്ഷേത്രത്തിൽ കയറിയ 14കാരനെ മർദിച്ചയാളെ അനുമോദിച്ച്​ ഹിന്ദുത്വനേതാവ്​

ഗാസിയാബാദ്​ (യു.പി): ക്ഷേത്രത്തിൽ കയറി വെള്ളംകുടിച്ച 14 വയസ്സുകാരനെ ക്രൂരമായി മർദിച്ച അനുയായിയെ പ്രകീർത്തിച്ച്​ തീവ്രഹിന്ദുത്വ നേതാവ്​ യതി ​നർസിംഹനാഥ്​ സരസ്വതി. അതിക്രമിച്ചു കയറുന്നവരെ ഉരുക്കുമുഷ്​ടി ഉപയോഗിച്ചാണ്​ നേരിടേണ്ടതെന്നും ത​െൻറ അനുയായി ശ്രിംഘി യാദവ്​ ഉചിതമായ മറുപടിയാണ്​ നൽകിയതെന്നും യതി പറഞ്ഞു.

മുസ്​ലിംകൾക്കെതിരെ പ്രകോപനപ്രസംഗങ്ങളും വംശഹത്യ ആഹ്വാനവും മുഴക്കുന്ന ഇയാൾ ഡൽഹി വംശീയാതിക്രമം വ്യാപിപ്പിക്കുന്നതിലും പങ്കുവഹിച്ചിരുന്നു.

മുസ്​ലിംകൾക്ക്​ പ്രവേശനമില്ല എന്ന ബോർഡ്​ ശ്രദ്ധിക്കാതെ ഗാസിയാബാദിലെ ദസ്​ന ദേവി ക്ഷേത്രത്തിൽ കയറി വെള്ളംകുടിച്ചതി​െൻ പേരിലാണ്​ 14 വയസ്സുകാരന്​ അതിക്രൂര മർദനം നേരിടേണ്ടിവന്നത്​. ന്യൂനപക്ഷ വിഭാഗക്കാരായ കടന്നുകയറ്റക്കാർക്ക്​ മറുപടി നൽകേണ്ടതെങ്ങനെയെന്ന്​ താൻ അനുയായികളെ പരിശീലിപ്പിച്ചിട്ടുണ്ടെന്നും അതിനനുസൃതമായാണ്​ അവർ പ്രവർത്തിച്ചതെന്നും നർസിംഹനാഥ്​ മാധ്യമപ്രവർത്തകരോട്​ പറഞ്ഞു. വെള്ളം കുടിക്കാനെന്നഭാവേ​ന പ്രത്യേക ലക്ഷ്യവുമായാണ്​ ബാലൻ അമ്പലത്തിൽ കടന്നതെന്നും അയാൾ കൂട്ടിച്ചേർത്തു.

അതേസമയം, മർദനമേറ്റ ബാലൻ കടുത്ത വേദനയിലും ആഘാതത്തിലുമാണ്​ കഴിഞ്ഞുകൂടുന്നതെന്ന്​ മാധ്യമങ്ങൾ റിപ്പോർട്ട്​ ചെയ്യുന്നു. മർദന വിഡിയോ ശ്രദ്ധയിൽപ്പെടുത്തിയതിനെ തുടർന്ന്​ പൊലീസ്​ രണ്ടുപേർക്കെതിരെ സ്വമേധയാ കേസെടുത്തിട്ടുണ്ട്​. എന്നാൽ കൂടുതൽ പ്രശ്​നങ്ങൾ ഭയന്ന്​ പരാതി നൽകാൻ കുട്ടിയുടെ കുടുംബം തയാറായിട്ടില്ല.