നർമദ സമരത്തിന്​ ​പിന്തുണയുമായെത്തിയ മലയാളി സ്​കൂൾ വിദ്യാർഥികൾക്ക്​ ഗുജറാത്ത്​ പൊലീസി​െൻറ ക്രുര മർദനം

ഗാന്ധിനഗർ: നർമദയിലെ കുടിയൊ​ഴിപ്പിക്കലിനെതിരെ ​സമരം നടത്തുന്ന ഗ്രാമീണർക്ക്​ ​െഎക്യദാർഡ്യം പ്രകടിപ്പിക്കാനെത്തിയ മേധാ പട്​കറുടെ സംഘത്തിലെ മലയാളി വിദ്യാർഥികൾക്ക്​ ഗുജറാത്തിൽ​ പൊലീസി​​​​​​െൻറ ക്രൂരമർദനം. തൃ​ശൂർ കേച്ചേരിയിലെ സൽസബീൽ ഗ്രീൻ സ്​കൂളിലെ വിദ്യാർഥികൾക്കും പുണെയിൽ നിയമപഠനത്തിലേർപ്പെട്ട മലയാളി വിദ്യാർഥികൾക്ക​ുമാണ്​ മർദനമേറ്റത്​. സൽസബീലിലെ പത്താം ക്ലാസ്​ വിദ്യാർഥിനി ശ്രീലക്ഷ്​മി, ഒമ്പതാം  ക്ലാസുകാരായ കമൽ, കൃഷ്​ണമുഹമ്മദ്​, എട്ടാം ക്ലാസുകാരനായ ഹാഷിം രിഫാഇ എന്നിവർക്കും പൂർവ വിദ്യാർഥിയും ഇപ്പോൾ പൂണെയി​ൽ നിയമം പഠിക്കുന്ന അഥീനയും അടങ്ങുന്ന ഇരുപതോളം വിദ്യാർഥികൾക്കാണ്​ പരിക്കേറ്റത്​.

ജൂലൈ 31നകം നർമദ തടത്തിൽ നിന്ന്​ ഒഴിഞ്ഞ​ുപോകണമെന്ന ഉത്തരവിനെതിരെ ഗ്രാമവാസികൾ പ്രതിഷേധത്തിലാണ്​. ഇവർക്ക്​ ​െഎക്യദാർഡ്യവുമായി ‘റാലി ഫോർ വാലി’ എന്ന മുദ്രാവാക്യവുമായി രാജ്യത്തി​​​​​​െൻറ വിവിധ ഭാഗങ്ങളിൽനിന്ന്​ സാമൂഹിക പ്രവർത്തകരും മനുഷ്യാവകാശ പ്രവർത്തകരും എത്തിക്കൊണ്ടിരിക്കുകയാണ്​. മധ്യപ്രദേശിൽനിന്ന്​ സമരം നടന്നുകൊണ്ടിരിക്കുന്ന മഹാരാഷ്​ട്രയിലെ തിമൽഗഡിയിലേക്ക്​ പോകാൻ ഇന്ന്​ രാവിലെ ഗുജറാത്ത്​ അതിർത്തിയിൽ അലിരംഗ്​പൂരിൽ മേധ പട്​കറുടെ നേതൃത്വത്തിൽ എത്തിയ സംഘത്തെ പൊലീസ്​ തടയുകയായിരുന്നു. 

തുടർന്ന്​ പാട്ടും പ്രഭാഷണങ്ങളുമായി പ്രതിഷേധമാരംഭിച്ച സംഘത്തെ പൊലീസ്​ അറസ്​റ്റ്​ ചെയ്​തു നീക്കാനൊരുങ്ങി. കൊച്ചുകുട്ടികൾ അടക്കമുള്ളവരെ പൊലീസ്​ വാഹനത്തിൽ കയറ്റി വലിച്ചിഴച്ച്​ കൊണ്ടുപോവുകയായിരുന്നുവെന്ന്​ വിദ്യാർഥികളെ അനുഗമിച്ച സൽസബീൽ സ്​കൂളിലെ അധ്യാപിക സൈനബ  ‘മാധ്യമ’ത്തോട്​ പറഞ്ഞു. 

വാഹനത്തിൽ കയറ്റിയ വിദ്യാർഥികളെ ​െപാലീസ്​ ക്രൂരമായി മർദ്ദിച്ചു. അതിനിടയിൽ കസ്​റ്റഡിയിലെടുത്ത മേധയെ എവിടേക്ക്​ കൊണ്ടുപോയെന്ന്​ അറിയാത്തതിനാൽ സമരക്കാർ റോഡിൽ കുത്തിയിരുന്ന്​ പ്രതി​േഷധിച്ചു. മുകളിൽനിന്നുള്ള ഉത്തരവ്​ കാരണമാണ്​ പൊലീസ്​ വിദ്യാർഥികൾ അടക്കമുള്ള സമരക്കാരെ കസ്​റ്ററഡിയിലെടുത്തതെന്ന്​ പൊലീസ്​ പറഞ്ഞതായി സമരക്കാർ അറിയിച്ചു. സൽസബീൽ സ്​കൂൾ വിദ്യാർഥികളായ കൃഷ്​ണമുഹമ്മദ്​, ശ്രീലക്ഷ്​മി എന്നിവർക്ക്​ കൈയ​ുടെ എല്ലിന്​ പൊട്ടലുണ്ട്​. എട്ടുപേരടങ്ങുന്ന സംഘമാണ്​ സൽസബീൽ സ്​കൂളിൽനിന്ന്​ നർമദയിൽ എത്തിയത്​.