Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightജനം പ്രളയത്തിൽ...

ജനം പ്രളയത്തിൽ മുങ്ങിമരിച്ചപ്പോൾ ദുഖിക്കാത്ത മോദി 22കാരിയുടെ ട്വീറ്റിനെ ചൊല്ലി വേവലാതിപ്പെടുന്നു; കടന്നാക്രമിച്ച്​ പ്രിയങ്ക

text_fields
bookmark_border
priyanka gandhi -modi
cancel

ഗുവാഹത്തി: അസമിൽ നിയമസഭ തെരഞ്ഞെടുപ്പ്​ പ്രചാരണത്തിനിടെ പ്രധാനമന്ത്രി നരേന്ദ്ര മോദിയെ കടന്നാക്രമിച്ച്​ കോൺഗ്രസ്​ ജനറൽ സെക്രട്ടറി പ്രിയങ്ക ഗാന്ധി. ഒരു 22കാരിയുടെ ട്വീറ്റിനെകുറിച്ച്​ ഓർത്ത്​ വേവലാതിപ്പെട്ട മോദി​ പ്രളയത്തിൽ ദുരിതമനുഭവിച്ച അസമിനെ കുറിച്ച്​ ഓർത്ത്​ സങ്കടപ്പെടുന്നി​ല്ലെന്ന്​ അവർ കുറ്റപ്പെടുത്തി.

കഴിഞ്ഞ ദിവസം അസമിലെ തെരഞ്ഞെടുപ്പ്​ റാലിയിൽ കർഷക സമരവുമായി ബന്ധപ്പെട്ട ടൂൾ കിറ്റ്​ കേസ്​ ഉയർത്തിക്കാട്ടിയ മോദി അതിന്​ പിന്നിൽ കോൺഗ്രസിന്‍റെ ഗൂഡാലോചനയാണെന്ന്​ ആരോപിച്ചിരുന്നു. ഇതിന്​ മറുപടി നൽകുകയായായിരുന്നു പ്രിയങ്ക. കോവിഡ്​ മഹാമാരിക്കിടെ ബ്രഹ്​മപുത്ര നദി കരകവിഞ്ഞ്​ ഒഴുകിയുണ്ടായ പ്രളയത്തിൽ അസമിലെ 28 ലക്ഷമാളുകളാണ്​ ദുരിതമനുഭവിച്ചത്​.

'ഞാൻ ഇന്നലെ പ്രധാനമന്ത്രിയുടെ പ്രസംഗം കേൾക്കുകയായിരുന്നു. ഒരു വികസനത്തെക്കുറിച്ച് വളരെ സങ്കടമുണ്ടെന്ന് അദ്ദേഹം വളരെ ഗൗരവത്തോടെ പറഞ്ഞു. അസമിന്‍റെ വികസനത്തെ കുറിച്ചോ ബി.ജെ.പി അസമിൽ പ്രവർത്തിച്ചതിനെ കുറിച്ചോ അദ്ദേഹം സംസാരിക്കുമെന്ന് ഞാൻ കരുതി' -പ്രിയങ്ക പറഞ്ഞു.

'എന്നാൽ ഒരു 22 കാരിയുടെ (ദിശ രവി) ട്വീറ്റിനെക്കുറിച്ച് പ്രധാനമന്ത്രി സംസാരിക്കുന്നത് കേട്ടപ്പോൾ ഞാൻ ഞെട്ടിപ്പോയി. ആസാമിലെ തേയില വ്യവസായം തകർക്കാൻ കോൺഗ്രസ് ഗൂഡാലോചന നടത്തിയെന്നും അദ്ദേഹം പറഞ്ഞു. തെറ്റായ രണ്ട് ചിത്രങ്ങൾ കോൺഗ്രസ് സോഷ്യൽ മീഡിയയിൽ പങ്കു​െവച്ചതിനെ കുറിച്ചും അദ്ദേഹം ദുഖിതനായിരുന്നു'- പ്രിയങ്ക പറഞ്ഞു.

അസമിലെ പ്രളയ ദുര​ന്തത്തെ കുറിച്ചോ സി.എ.എ വിരുദ്ധ പ്രക്ഷോഭങ്ങളിൽ അഞ്ച്​​ യുവാക്കൾക്ക്​ ജീവൻ നഷ്​ടമായതിനെ കുറിച്ചോ അദ്ദേഹം ദുഖിതനാകാതിരുന്നത്​ എന്തുകൊണ്ടാണെന്ന്​ അവർ ചോദിച്ചു.

'ആളുകൾ മുങ്ങിമരിക്കുമ്പോൾ നിങ്ങൾ എന്തുകൊണ്ടാണ് അസമിൽ വരാതിരുന്നത്​? ബി.ജെ.പി അവരുടെ വലിയ വാഗ്ദാനങ്ങൾ പാലിക്കാതായപ്പോൾ നിങ്ങൾ എന്തുകൊണ്ട് ദുഖിച്ചില്ല? നിങ്ങൾ തേയിലത്തോട്ടങ്ങളിൽ പോയി തൊഴിലാളികളുമായി അവരുടെ പ്രശ്നങ്ങളെക്കുറിച്ച് സംസാരിച്ചോ?'-പ്രിയങ്ക മോദിയോട്​ ചോദിച്ചു.

അഞ്ച് വർഷം മുമ്പ് നൽകിയ വാഗ്ദാനങ്ങളൊന്നും പാലിക്കാത്ത ബി.ജെ.പി സർക്കാർ യുവാക്കൾ, കർഷകർ, തേയിലത്തോട്ട തൊഴിലാളികൾ എന്നിവരുൾപ്പെടെ സമൂഹത്തിലെ എല്ലാ വിഭാഗങ്ങളെയും വഞ്ചിച്ചുവെന്നും അവർ ആരോപിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:priyanka gandhiassam floodassembly election 2021
News Summary - narendra modi Sad About 22-Year-Old's Tweet But Not By Assam Floods: Priyanka Gandhi
Next Story