അന്തർ സംസ്ഥാന തൊഴിലാളികൾ ട്രെയിനിടിച്ച്​ മരിച്ച സംഭവം; അ​ങ്ങേയറ്റം വേദനയുളവാക്കുന്നു -മോദി

ന്യൂഡൽഹി: മഹാരാഷ്​ട്രയിൽ അന്തർ സംസ്ഥാന തൊഴിലാളികൾ ട്രെയിനിടിച്ച്​ മരിച്ച സംഭവം അങ്ങേയറ്റം വേദനയുണ്ടാക്കുന്നതാണെന്ന്​​ പ്രധാനമന്ത്രി നരേന്ദ്രമോദി. റെയിൽവേ മന്ത്രി പിയൂഷ്​ ഗോയലുമായി ഇക്കാര്യം സംസാരിച്ചു. സാധ്യമായ എല്ലാ സഹായവും ചെയ്യുമെന്നും മോദി ട്വീറ്റ്​ ചെയ്​തു.

മഹാരാഷ്​ട്രയിൽ ചരക്ക്​ ട്രെയിനിടിച്ച്​ 16 അന്തർസംസ്ഥാന തൊഴിലാളികളാണ്​ മരിച്ചത്​. പരിക്കേറ്റ അഞ്ച്​ പേരെ വിവിധ ആശുപത്രികളിൽ പ്രവേശിപ്പിച്ചു. ഔറംഗാബാദിൽ വെള്ളിയാഴ്​ച പുലർച്ചെയായിരുന്നു അപകടം. മധ്യപ്രദേശിലേക്ക് കാൽനടയായി​ മടങ്ങുന്ന തൊഴിലാളികളാണ്​ അപകടത്തിൽപ്പെട്ടത്​.