ലോക്​ഡൗൺ: നരേന്ദ്ര മോദി പഠിക്കേണ്ട പാഠങ്ങൾ

കോവിഡ്​ 19 വൈറസ്​ ബാധയെ ചെറുക്കാൻ ഏർപ്പെടുത്തിയ ലോക്​ഡൗൺ ഇന്ത്യയിൽ മൂന്നാം ഘട്ടത്തിലേക്ക്​ കടക്കുകയാണ്​. ആദ്യ രണ്ട്​ ഘട്ടങ്ങളിലായി 40 ദിവസമാണ്​ ലോക്​ഡൗൺ ഏർപ്പെടുത്തിയതെങ്കിൽ മൂന്നാം ഘട്ടത്തിൽ 14 ദിവസമാണ്​ അടച്ചിടൽ. ലോക്​ഡൗൺ ഓരോ തവണ നീട്ടു​േമ്പാഴും അതി​​െൻറ പ്രത്യാഘാതങ്ങളെ കുറിച്ച്​ കാര്യമായ ചർച്ചകൾ നടക്കാറില്ല. എന്നാൽ, കർശനമായ ലോക്​ഡൗൺ കോവിഡിനേക്കാൾ ഗുരുതരമായ സാഹചര്യമാവും പല രാജ്യങ്ങളിലും സൃഷ്​ടിക്കുക.

ഫിനാഷ്യൽ ടൈംസ്​ മാർച്ച്​-ഏപ്രിൽ മാസങ്ങളിൽ വിവിധ രാജ്യങ്ങളിലെ മരണനിരക്കിനെ കഴിഞ്ഞ വർഷങ്ങളിലെ നിരക്കുമായി താരതമ്യം ചെയ്​ത്​ പഠനം നടത്തിയിരുന്നു. ഈ പഠനത്തിൽ മുൻ വർഷങ്ങളുമായി താരതമ്യം ചെയ്യു​േമ്പാൾ 2020ൽ മരണനിരക്ക്​ 49 ശതമാനം അധികമാണെന്ന്​ കണ്ടെത്തിയിരുന്നു. എന്നാൽ, ഇതിൽ പകുതി മാത്രമാണ്​ കോവിഡ്​ ബാധിച്ചുള്ള മരണങ്ങളുള്ളത്​. ബാക്കിയുള്ള മരണങ്ങൾക്കുള്ള കാരണങ്ങളിലൊന്ന്​ കോവിഡിനെ ചെറുക്കാൻ വിവിധ രാജ്യങ്ങൾ ഏർപ്പെടുത്തിയ ലോക്​ഡൗണാണ്​​. പൊതുവെ വികസനത്തി​​െൻറ കാര്യത്തിൽ ഏറെ മുൻപന്തിയിലുള്ള യുറോപ്യൻ രാജ്യങ്ങളിലാണ്​ പഠനം നടത്തിയതെന്നതും ശ്രദ്ധേയമാണ്​​.

ബെൽജിയം 60%, നെതർലാൻഡ്​ 51%, സ്വീഡൻ 12% എന്നിങ്ങനെയാണ്​ വിവിധ രാജ്യങ്ങളി​ലെ അധിക മരണനിരക്ക്​. ഇതിൽ സ്വീഡൻ ലോക്​ഡൗൺ ഏർപ്പെടുത്തിയിട്ടില്ലെന്നതും ശ്രദ്ധേയമാണ്​. സാമൂഹിക അകലം പാലിച്ചും നിരന്തരമായി കൈ കഴുകിയും അണുനശീകരണ പ്രവർത്തനങ്ങൾ നടത്തിയുമെല്ലാമാണ്​ സ്വീഡൻ കോവിഡിനെ തടയുന്നത്​. വികസിത യുറോപ്യൻ രാജ്യങ്ങൾക്ക്​ പോലും ലോക്​ഡൗണി​​െൻറ പ്രത്യാഘാതങ്ങളിൽ നിന്ന്​ മോചനമില്ലെന്നിരിക്കെ കർശനമായ അടച്ചിടൽ നില നിൽക്കുന്ന ഇന്ത്യ പോലൊരു വികസ്വര രാജ്യത്ത്​ ഗുരുതര പ്രത്യാഘാതങ്ങൾ ലോക്​ഡൗൺ സൃഷ്​ടിക്കും.

കോവിഡ്​ വന്നതോടെ ഹൃദയസംബന്ധമായ അസുഖങ്ങൾ, സ്​ട്രോക്ക്​, കാൻസർ എന്നിവക്കെല്ലാം ചികിൽസ തേടിയിരുന്ന പലരും കൃത്യമായി ആശുപത്രിയിൽ വരാതായി. ​ആശുപത്രിയിലെത്തിയാൽ കോവിഡ്​ വരുമോയെന്ന ഭയമാണ്​ ഇവരെ അതിൽ നിന്ന്​ പിന്തിരിപ്പിക്കുന്നതെന്ന്​ ഡോക്​ടർമാർ സാക്ഷ്യപ്പെടുത്തുന്നു. ഇന്ത്യയിൽ 25 മില്യൺ ആളുകൾക്കാണ്​ ക്ഷയരോഗമുള്ളത്​. ഇതിൽ 440,000 പേർ പ്രതിവർഷം മരിക്കുന്നുമുണ്ട്​. 20,000 പേർ മലേറിയ മൂലവും മരിക്കുന്നു. ലോക്​ഡൗൺ മൂലം മലേറിയ പ്രതിരോധ പ്രവർത്തനങ്ങളെല്ലാം കൃത്യമായി നടക്കാത്ത സാഹചര്യമുണ്ട്.​ ഇത്​ മരണങ്ങൾ ഇനിയും വർധിക്കാനിടയാക്കുമെന്നാണ്​ ആശങ്ക. കോവിഡിന്​ അമിതമായ ശ്രദ്ധ ലഭിക്കു​േമ്പാൾ മറ്റ്​ രോഗങ്ങൾ ബാധിച്ചുള്ള മരണങ്ങൾ വർധിക്കാനിടയുണ്ടെന്നാണ്​ പഠനങ്ങൾ സാക്ഷ്യപ്പെടുത്തുന്നു.

ഇതിന്​ പുറമേയാണ്​ കടുത്ത പട്ടിണിമൂലം രാജ്യത്ത്​ ഇനിയുണ്ടായേക്കാവുന്ന മരണങ്ങൾ. ലോക്​ഡൗൺ മൂലം ഇന്ത്യയുടെ 70 ശതമാനം സാമ്പത്തിക പ്രവർത്തനങ്ങളും നിലച്ചതോടെ ഭൂരിപക്ഷം ജനങ്ങളും വീട്ടിലാണ്​. നോട്ട്​ നിരോധനം, ജി.എസ്​.ടി തുടങ്ങിയ പരിഷ്​കാരങ്ങൾ മൂലം കടുത്ത സാമ്പത്തിക പ്രതിസന്ധി ഇന്ത്യ നേരിടുന്നുണ്ട്​. ഇതിന്​ പുറമേയാണ്​ ലോക്​ഡൗൺ കൂടി എത്തുന്നത്​. ഇത്​ വലിയ രീതിയിലുള്ള തിരിച്ചടിയണ്ടാക്കും.