കോൺഗ്രസ്​ ബോഫോഴ്സ് ആരോപണ വിധേയൻെറ പേരിൽ വോട്ട്​ തേടണം -മോദി

ചായ്ബസ: ബോഫോഴ്സ് ആരോപണ വിധേയനായ രാജീവ്ഗാന്ധിയുടെ പേരിൽ വോട്ട് ചോദിക്കാൻ കോൺഗ്രസിന്​ മോദിയുടെ വെല്ലുവിളി. ഒ ന്നാം നമ്പർ അഴിമതിക്കാരനായാണ് രാജീവ്​ ഗാന്ധിയുടെ​ ജീവിതം അവസാനിച്ചതെന്ന മോദിയുടെ പരാമർശം പ്രതിഷേധങ്ങൾക്ക് വഴിവെച്ചതിന് പിന്നാലെയാണ് അദ്ദേഹം വീണ്ടും രാജീവ്​ ഗാന്ധിയേയും ബോഫോഴ്​സ്​ കേസിനേയും പരാമർശിച്ച്​ രംഗത്തെത്തിയിരിക്കുന്നത്​. തിങ്കളാഴ്ച ജാർഖണ്ഡിൽ സംഘടിപ്പിച്ച തിരഞ്ഞെടുപ്പ് റാലിക്കിടെയാണ്​ മോദി ബോഫോഴ്​സ്​ കേസ്​ വീണ്ടും പരാമർശിച്ചത്​.

ബോഫോഴ്സ് ആരോപണ വിധേയനായ രാജീവ്ഗാന്ധിയുടെ പേരിൽ കോൺഗ്രസ് വോട്ട് തേടണമെന്നും കഴിഞ്ഞ ദിവസം കണ്ണീരൊഴുക്കിയവരോടാണ് താൻ ഇക്കാര്യം പറയുന്നതെന്നും മോദി പറഞ്ഞു.