കോവിഡ്​-19: ഹോളി ആഘോഷിക്കില്ലെന്ന്​ മോദി

ന്യൂഡൽഹി: കോവിഡ്​-19 വൈറസ്​ ബാധയുടെ പശ്​ചാത്തലത്തിൽ ഹോളി ആഘോഷിക്കില്ലെന്ന്​ പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ്​ മോദി ഇക്കാര്യം അറിയിച്ചത്​.

കോവിഡ്​-19യുടെ പശ്​ചാത്തലത്തിൽ ആളുകൾ ഒരുമിച്ച്​ കൂടുന്നത്​ പരമാവധി ഒഴിവാക്കണമെന്ന്​ ആരോഗ്യപ്രവർത്തകരുടെ നിർദേശമുണ്ട്​. ഈ വർഷം ഒരു ഹോളി പരിപാടിയിലും താൻ പ​ങ്കെടുക്കില്ലെന്ന്​ പ്രധാനമന്ത്രി നരേന്ദ്രമോദി ട്വിറ്ററിൽ കുറിച്ചു.

ഇറ്റലിയിൽ നിന്നെത്തിയ 15 വിനോദസഞ്ചാരികൾക്ക്​ കോവിഡ്​-19 സ്ഥിരീകരിച്ചിരുന്നു. ഡൽഹിയിലെ ഐ.ടി.ബി.പി ക്യാമ്പിൽ കഴിയുന്നവർക്കാണ്​ കൊറോണ ബാധയുള്ളതായി സംശയിക്കുന്നത്​.