മോദിയുടെ അയോധ്യ റാലി മെയ്​ ഒന്നിന്​

ന്യൂഡൽഹി: പ്രധാനമന്ത്രി നരേന്ദ്രമോദി മെയ്​ ഒന്നിന്​ അയോധ്യയിൽ റാലി നടത്തും. അയോധ്യയിലെ മായാബസാറിലാണ്​ മേ ാദി റാലി നടത്തുക. രാമക്ഷേത്രം അടക്കമുള്ള വിഷയങ്ങൾ ചർച്ചയാവുന്ന അയോധ്യയിലെ റാലി ബി.ജെ.പിയെ സംബന്ധിച്ചിടത്തോളം നിർണായകമാണ്​.

ലോക്​സഭ തെരഞ്ഞെടുപ്പ്​ പ്രചാരണത്തിൻെറ ഭാഗമായാണ്​ മോദി അയോധ്യയിൽ എത്തുന്നതെന്ന്​ ബി.ജെ.പി നേതാക്കൾ അറിയിച്ചു. ഉത്തർപ്രദേശിലെ ഫൈസാബാദ്​ ലോക്​സഭ മണ്ഡലത്തിലാണ്​ അയോധ്യ സ്ഥിതിചെയ്യുന്നത്​. ​ ലോക്​സഭാ തെരഞ്ഞെടുപ്പിൻെറ ആഞ്ചാം ഘട്ടമായ മെയ്​ ആറിനാണ്​ ഇവിടെ വോ​ട്ടെടുപ്പ്​ നടക്കുന്നത്​.

അയോധ്യയിലെ റാലിയിലൂടെ തെരഞ്ഞെടുപ്പ്​ നടക്കുന്ന മറ്റ്​ സ്ഥലങ്ങളിലും സ്വാധീനമുണ്ടാക്കാൻ സാധിക്കുമെന്നാണ്​ ബി.ജെ.പിയുടെ വിലയിരുത്തൽ.