'രാജ്യപുരോഗതിക്ക് ഓണാഘോഷം കരുത്താകട്ടെ'; ആശംസകളുമായി രാഷ്ട്രപതിയും പ്രധാനമന്ത്രിയും

ന്യൂഡൽഹി: രാജ്യത്തെയും മറുനാട്ടിലെയും മലയാളികൾക്ക് ഒാണാശംസകൾ നേർന്ന് രാഷ്ട്രപതിയും പ്രധാനമന്ത്രിയും. രാഷ്ട്രപതി രാംനാഥ് കോവിന്ദും പ്രധാനമന്ത്രി നരേന്ദ്ര മോദിയും ട്വിറ്ററിലൂടെയാണ് ആശംസകൾ നേർന്നത്.

'നന്മയുടേയും സ്‌നേഹത്തിന്‍റെയും സമഭാവനയുടെയും സന്ദേശമാണ് ഓണം നൽകുന്നത്. രാജ്യ പുരോഗതിയിലേക്ക് ഒന്നിച്ച് മുന്നേറാനുള്ള കുരത്താകട്ടെ ഓണാഘോഷം' -രാംനാഥ് കോവിന്ദ് ട്വീറ്റ് ചെയ്തു.

'ഓണത്തിന്‍റെ പ്രത്യേകവേളയിൽ, ഉത്സാഹവും സാഹോദര്യവും ഐക്യവും ചേർന്ന ഉത്സവത്തിന് ആശംസകൾ. ഏവരുടെയും നല്ല ആരോഗ്യത്തിനും ക്ഷേമത്തിനും വേണ്ടി ഞാൻ പ്രാർഥിക്കുന്നു.' മോദി ട്വീറ്റ് ചെയ്തു.