മോദിയുടെ നമോ ആപും വിവരം ചോർത്തുന്നു; നിരോധന ആവശ്യവുമായി പൃഥ്വിരാജ്​ ചവാൻ

ന്യൂഡൽഹി: പ്രധാനമന്ത്രി നരേന്ദ്രമോദിയുടെ ഔദ്യോഗിക മൊബൈൽ ആപായ 'നമോ' ഇന്ത്യക്കാരുടെ വ്യക്തിഗത വിവരങ്ങൾ ചോർത്തുന്നതായി ആരോപണം. മുതിർന്ന കോൺഗ്രസ്​ നേതാവും മുൻ മഹാരാഷ്​ട്ര മുഖ്യമന്ത്രിയുമായിരുന്നു പൃഥ്വിരാജ്​ ചവാൻ നമോ ആപ്​ ഇന്ത്യക്കാരുടെ സ്വകാര്യത ലംഘിക്കുന്നതിനാൽ ആപ്​ നിരോധിക്കണമെന്നും ആവശ്യ​െപ്പട്ടു.

ഇന്ത്യയുടെ പരമാധികാരവും സുരക്ഷയും ലംഘിക്കുന്നുവെന്ന്​ ചൂണ്ടിക്കാട്ടി ചൈനയുടെ 59 ആപുകൾ കേന്ദ്രസർക്കാർ നിരോധിച്ചതിന്​ പിന്നാലെയാണ്​ ചവാ​െൻറ ആരോപണം. നമോ ആപ്​ സ്വകാര്യത മാനദണ്ഡങ്ങളിൽ മാറ്റം വരുത്തുകയും യു.എസ്​ കമ്പനിക്ക്​ ഇന്ത്യക്കാരുടെ വിവരങ്ങൾ ചോർത്തുകയും ചെയ്യുന്നതായും അദ്ദേഹം കൂട്ടിച്ചേർത്തു.

59 ചൈനീസ്​ ആപുകൾ നിരോധിച്ചതിലൂടെ 130 കോടി ഇന്ത്യക്കാരുടെ സ്വകാര്യ വിവരങ്ങൾ കേന്ദ്രസർക്കാർ സംരക്ഷിക്കുന്നത്​ നല്ല കാര്യം. ഉപഭോക്താക്കളുടെ അനുമതി കൂടാതെ സെറ്റിങ്സുകളിൽ മാറ്റം വരുത്തി നമോ ആപ്പും ഇത്തരത്തിൽ സ്വകാര്യത ഹനിക്കുന്നു. യു.എസ്​ കമ്പനിയിലേക്ക്​ ഇന്ത്യക്കാരുടെ വിവരങ്ങൾ കൈമാറുന്നു' ചവാൻ ട്വീറ്റ്​ ചെയ്​തു.

ഗൂഗ്​ൾ പ്ലേ സ്​റ്റോറിൽ ലഭ്യമായ നമോ ആപിന്​ ഒര​ു കോടിയിലധികം ഉപഭോക്താക്കളാണുള്ളത്​. ഇമെയിൽ ഐഡിയോ ​ഫോൺ നമ്പറോ നൽകാതെ ഏതൊരാൾക്കും നമോ ആപ്​ ഉപയോഗിക്കാനാകും.

നമോ ആപ്​ വിവരങ്ങൾ ചോർത്തുന്നുവെന്ന ആരോപണം നേര​േത്ത ഉയർന്നിരുന്നു. വ്യക്തിവിവരങ്ങൾ യു.എസ് കമ്പനിക്ക് കൈമാറ്റം ചെയ്യുന്നുവെന്നായിരുന്നു ആരോപണം. നമോ ആപ് ഡൗൺലോഡ് ചെയ്തവരുടെ പേര്, ലിംഗം, ഇ മെയിലുകൾ, ചിത്രങ്ങൾ തുടങ്ങിയവ യു.എസ് കമ്പനിക്ക് കൈമാറ്റം ചെയ്യപ്പെട്ടതായി ഫ്രഞ്ച് സൈബർ സുരക്ഷ ഗവേഷകൻ എലിയട്ട് ആൾഡേഴ്സൺ നേരത്തേ വ്യകതമാക്കിയിരുന്നു.