'പേര്​ കാർഷിക നിയമം, ആനുകൂല്യങ്ങൾ കോടിപതികളായ സുഹൃത്തുക്കൾക്ക്​' -കേന്ദ്രത്തിനെതിരെ പ്രിയങ്ക ഗാന്ധി

ന്യൂഡൽഹി: രാജ്യതലസ്​ഥാനത്ത്​ കർഷകരുടെ പ്രതിഷേധത്തിന്​ പിന്തു​ണ അർപ്പിച്ച്​ കോൺഗ്രസ്​ നേതാവ്​ പ്രിയങ്ക ഗാന്ധി. കാർഷിക നിയമമെന്ന പേരുമാത്രമാണുള്ളതെന്നും അതി​െൻറ ആനുകൂല്യം മുഴുവൻ കോടിപതികളായ സുഹൃത്തുക്കൾക്ക്​​ ആയിരിക്കുമെന്നും പ്രിയങ്ക പറഞ്ഞു.

കർഷകരുമായി കൂടിയാലോചിക്കാതെ കർഷകർക്കായി നിയമം തയാറാക്കിയത്​ എങ്ങനെയാണെന്നും കർഷകരുടെ താൽപര്യങ്ങളെ നിയമത്തിൽ അവഗണിക്കുന്നതെങ്ങനെയാണെന്നും അവർ ചോദിച്ചു. കർഷകരുടെ ആവശ്യങ്ങൾ അംഗീകരിക്കുകയും അവരെ കേൾക്കാൻ തയാറാക​ുകയും ചെയ്യണമെന്നും പ്രിയങ്ക ഗാന്ധി കേന്ദ്രത്തിനോട്​ ആവശ്യപ്പെട്ടു.

'പേര്​ കാർഷിക നിയമം, പക്ഷേ എല്ലാ ആനുകൂല്യങ്ങളും കോടിപതികളായ സുഹൃത്തുക്കൾക്കും. കർഷകരുമായി ചർച്ച നടത്താതെ എങ്ങനെ കാർഷിക നിയമം തയാറാക്കാനാകും. ഇതിൽ കൃഷിക്കാരുടെ താൽപര്യങ്ങൾ സംരക്ഷിക്കാതിരിക്കാൻ എങ്ങനെ സാധിക്കും. സർക്കാർ കർഷകരെ കേൾക്കാൻ തയാറാകണം. നമുക്കൊരുമിച്ച്​ കർഷകരെ പിന്തുണച്ച്​ ശബ്​ദമുയർത്താം' -പ്രിയങ്ക ഗാന്ധി പിന്തുണച്ചു.

ഡൽഹി- ഹരിയാന അതിർത്തിയിൽ പ്രതിഷേധവുമായി തടിച്ചുകൂടിയ ആയിരക്കണക്കിന്​ കർഷകർക്ക്​ പിന്തുണയുമായി നിരവധി നേതാക്കൾ രംഗത്തെത്തിയിരുന്നു.