ശ്രീ​ല​ങ്ക​ന്‍ അ​ഭ​യാ​ര്‍​ഥി ക്യാ​മ്പി​ല്‍ നിന്നും ഭ​ര്‍​ത്താ​വി​നെ മോ​ചി​പ്പി​ക്ക​ണമെന്നാവശ്യപ്പെട്ട് ന​ളി​നി​ ഹൈ​കോടതിയിൽ

ചെ​ന്നൈ: രാജീവ് ഗാന്ധി വധക്കേസിൽ ശിക്ഷിക്കപ്പെട്ട് കഴിഞ്ഞ വർഷം ജയിൽ മോചിതയായ നളിനി ശ്രീഹരൻ ഭ​ര്‍​ത്താ​വ് മു​രു​ക​നെ ശ്രീ​ല​ങ്ക​ന്‍ അ​ഭ​യാ​ര്‍​ഥി ക്യാ​മ്പി​ല്‍ നി​ന്ന് മോ​ചി​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ന​ളി​നി സ​മ​ര്‍​പ്പി​ച്ച ഹ​ര്‍​ജി​യി​ല്‍ ത​മി​ഴ്‌​നാ​ട് സ​ര്‍​ക്കാ​രി​നും തി​രു​ചി​റ​പ്പ​ള്ളി ക​ലക്ട​ര്‍​ക്കും മ​ദ്രാ​സ് ഹൈ​കോ​ട​തി നോ​ട്ടീ​സ് അ​യ​ച്ചു.

ജ​സ്റ്റീ​സ് എ​ന്‍. ശേ​ഷ​സാ​യി ആ​ണ് ചെ​ന്നൈ​യി​ലെ ഫോ​റി​നേ​ഴ്‌​സ് റീ​ജി​യ​ണ​ല്‍ ര​ജി​സ്‌​ട്രേ​ഷ​ന്‍ ഓ​ഫീ​സ​ര്‍ (എ​ഫ്ആ​ര്‍​ആ​ര്‍​ഒ), പ​ബ്ലി​ക് സെ​ക്ര​ട്ട​റി, തി​രു​ച്ചി​റ​പ്പ​ള്ളി ക​ലക്​ര്‍ എ​ന്നി​വ​ര്‍​ക്ക് നോ​ട്ടീ​സ​യ​ച്ച​ത്. ഈ വി​ഷ​യ​ത്തി​ല്‍ ആ​റ് ആ​ഴ്ച​യ്​ക്കകം മ​റു​പ​ടി ന​ല്‍​ക​ണ​മെ​ന്നും ഹൈ​കോ​ട​തി അ​റി​യി​ച്ചു.

രാ​ജീ​വ് ഗാ​ന്ധി വ​ധ​ക്കേ​സി​ല്‍ ശി​ക്ഷി​ക്ക​പ്പെ​ട്ട് ജ​യി​ലി​ലാ​യി​രു​ന്ന ന​ളി​നി അ​ട​ക്ക​മു​ള്ള ആ​റ് പ്ര​തി​ക​ളാ​ണ് ക​ഴി​ഞ്ഞ വ​ര്‍​ഷം ജ​യി​ല്‍ മോ​ചി​ത​രാ​യ​ത്. ന​ളി​നി, മു​രു​ക​ന്‍, ശാ​ന്ത​ന്‍, റോ​ബ​ര്‍​ട്ട് പ​യ​സ്, ജ​യ​കു​മാ​ര്‍, ര​വി​ച​ന്ദ്ര​ന്‍ എ​ന്നി​വ​രെ​യാ​ണ് സു​പ്രീം കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ല്‍ മോ​ചി​പ്പി​ച്ച​ത്.

ന​ളി​നിയുടെ ഭ​ര്‍​ത്താ​വ് ശ്രീ​ഹ​ര​ന്‍ എ​ന്ന മു​രു​ക​ന്‍ മ​റ്റു പ്ര​തി​ക​ളാ​യ ശാ​ന്ത​ന്‍, റോ​ബ​ര്‍​ട്ട് പ​യ​സ്, ജ​യ​കു​മാ​ര്‍ എ​ന്നി​വ​ര്‍ ശ്രീ​ല​ങ്ക​ന്‍ സ്വ​ദേ​ശി​ക​ളാ​ണ്. നി​ല​വി​ല്‍ തി​രു​ച്ചി​ര​പ്പ​ള്ളി​യി​ലെ അ​ഭ​യാ​ര്‍​ഥി കേ​ന്ദ്ര​ത്തി​ലാ​ണ് മു​രു​ക​നു​ള്ള​ത്. സ്വ​ന്തം രാ​ജ്യ​ത്തേ​ക്ക് നാ​ടു​ക​ട​ത്തു​ന്ന​തു​വ​രെ മു​രു​ക​നെശ്രീ​ല​ങ്ക​ന്‍ അ​ഭ​യാ​ര്‍​ഥി ക്യാ​മ്പി​ല്‍ ത​ട​ങ്ക​ലി​ല്‍ വ​യ്ക്കാ​ന്‍ 2022 ന​വം​ബ​ര്‍ 11-ന് ​എ​ഫ്ആ​ര്‍​ആ​ര്‍​ഒ ഉ​ത്ത​ര​വി​ട്ടി​രു​ന്നു. രാജീവ് ഗാന്ധി വധക്കേസിൽ

അറസ്റ്റിലാകുമ്പോൾ നളിനി ഗർഭിണിയായിരുന്നു. 1992 ഡിസംബർ 19 ന് ചെങ്കൽപ്പാട്ട് സബ്ജയിലിൽ തടവിലായിരിക്കെ മകൾ ജനിച്ചു. മകൾ ഇപ്പോൾ വിവാഹിതയായി ഭർത്താവിനും കുട്ടിക്കുമൊപ്പം ലണ്ടനിൽ താമസിക്കുകയാണ്. മകളോടൊപ്പം യുകെയിൽ സ്ഥിരതാമസമാക്കാൻ ആഗ്രഹിക്കുന്നുവെന്ന് നളിനി പറഞ്ഞു. എന്നാൽ, അധികൃതരുടെ ഭാഗത്തുനിന്ന് പ്രതികരണമൊന്നും ഉണ്ടായില്ലെന്നും അവർ കൂട്ടിച്ചേർത്തു.