Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാജീവ് ഗാന്ധി വധക്കേസ് ...

രാജീവ് ഗാന്ധി വധക്കേസ് പ്രതി നളിനിക്ക് 30 ദിവസത്തെ പരോൾ

text_fields
bookmark_border
രാജീവ് ഗാന്ധി വധക്കേസ് പ്രതി നളിനിക്ക് 30 ദിവസത്തെ പരോൾ
cancel

ചെന്നൈ: രാജീവ് ​ഗാന്ധി വധക്കേസ്​ പ്രതി നളിനി ശ്രീഹരന്​ ഒരു മാസം പരോൾ അനുവദിച്ച്​ മദ്രാസ്​ ഹൈകോടതി ഉത്തരവ് ​. ലണ്ടനിലുള്ള മകൾ ഹരിത്രയുടെ വിവാഹവുമായി ബന്ധപ്പെട്ട്​ ആറുമാസം പരോളിന്​ നളിനി ജയിലധികൃതർക്ക്​ അപേക്ഷ നൽകി യെങ്കിലും തീരുമാനമുണ്ടാകാത്ത സാഹചര്യത്തിലാണ്​ ​കോടതിയെ സമീപിച്ചത്​.

വെള്ളിയാഴ്​ച ഉച്ചക്ക്​ രണ്ടരയോടെ വെല്ലൂർ സെൻട്രൽ ജയിലിൽനിന്ന്​ കനത്ത പൊലീസ്​ സുരക്ഷയിൽ ഹാജരാക്കിയ നളിനി കണ്ണീരോടെയാണ്​ കോടതിയിൽ ത​​​െൻറ സങ്കടമുണർത്തിച്ചത്​​. താനും ഭർത്താവും 28 വർഷമായി ജയിലിലാണ്​​. ജയിലിൽ ജന്മം നൽകിയ മകൾക്ക്​ അമ്മയെന്ന നിലയിലുള്ള കടമകളൊന്നും നിർവഹിക്കാൻ കഴിഞ്ഞിട്ടില്ലെന്നും വിവാഹ ആവശ്യങ്ങൾക്കായി ആറുമാസ​ം പരോൾ അനുവദിക്കണമെന്നും നളിനി അപേക്ഷിച്ചു. പരോളിലെ സുരക്ഷച്ചെലവ്​ സർക്കാർ വഹിക്കണമെന്നും അഭ്യർഥിച്ചു. എന്നാൽ, ജയിൽ മാന്വൽ അനുസരിച്ച്​ ഒരു മാസത്തിൽ കൂടുതൽ പരോൾ നൽകാനാവില്ലെന്ന്​ സർക്കാർ അറിയിച്ചു. തുടർന്നാണ്​ ജസ്​റ്റിസുമാരായ എം.എം. സുന്ദരേശൻ, എം. നിർമൽകുമാർ എന്നിവരടങ്ങിയ ഡിവിഷൻ ബെഞ്ച്​ ഉപാധികളോടെ ഒരുമാസം പരോൾ നൽകി ഉത്തരവിട്ടത്​.

പരോളിൽ 24 മണിക്കൂറും പൊലീസ്​ കാവലുണ്ടാകും. താമസ സ്ഥലങ്ങളെക്കുറിച്ചും മറ്റും വിശദ റിപ്പോർട്ട്​ പൊലീസിന്​ മുൻകൂട്ടി സമർപ്പിക്കണം. ശേഷം പത്തുദിവസത്തിനകം പൊലീസ്​ പരോൾ സമയം തീരുമാനിക്കും. മാധ്യമങ്ങളോട്​ സംസാരിക്കരുതെന്നും ലംഘിച്ചാൽ ഉടനടി പരോൾ റദ്ദാക്ക​ുമെന്നും കോടതി മുന്നറിയിപ്പ്​ നൽകി.
രാജ്യത്ത്​ ഏറ്റവും കൂടുതൽകാലം ജയിൽശിക്ഷ അനുഭവിച്ച വനിത തടവുകാരിയാണ്​ നളിനി. 2016ൽ പിതാവി​​െൻറ മരണാനന്തര ചടങ്ങിൽ പ​െങ്കടുക്കാൻ നളിനിക്ക്​ ഒരുദിവസം പരോൾ അനുവദിച്ചിരുന്നു.


Show Full Article
TAGS:rajiv gandhi india news malayalam news 
Next Story