ഭർത്താവിനെയും മക്കളെയും അനസ്​തേഷ്യ നൽകി കൊലപ്പെടുത്തിയ ശേഷം ഡോക്​ടർ ആത്മഹത്യ ചെയ്​തു

നാഗ്​പുർ: മഹാരാഷ്​ട്രയിലെ നാഗ്​പുരിൽ വനിത ഡോക്​ടറെയും കുടുംബത്തെയും വീട്ടിൽ മരിച്ചനിലയിൽ ക​​ണ്ടെത്തി. ഭർത്താവിനെയും മക്ക​െളയും അനസ്​തേഷ്യ നൽകി കൊല​െപ്പടുത്തിയ ശേഷം ഡോക്​ടർ ആത്മഹത്യ ചെയ്യുകയായിരുന്നുവെന്ന്​ പൊലീസ് പറഞ്ഞു​.

ചൊവ്വാഴ്​ച രാവിലെ ഡോ. സുഷമ റാണെയെ വസതിയിൽ മരിച്ച നിലയിൽ കണ്ടെത്തുകയായിരുന്നു. തുടർന്ന്​ നടത്തിയ പരിശോധനയിൽ 42 കാരനായ സുഷമയുടെ ഭർത്താവ്​ ദിരാജി​െനയും 11ഉം അഞ്ചും വയസുള്ള കുഞ്ഞുങ്ങളെയും കൊല്ലപ്പെട്ട നിലയിൽ ക​ണ്ടെത്തുകയായിരുന്നുവെന്നും പൊലീസ്​ അറിയിച്ചു. നാഗ്​പുരിലെ എൻജിനീയറിങ്​ കോളജിലെ പ്രഫസറാണ്​ ദിരാജ്​. സുഷമ അവന്തി ആശുപത്രിയിലെ ഡോക്​ടറും.

മകളെയും കൂട്ടി സുഷമ ചൊവ്വാഴ്​ച വൈകിട്ട്​ ആറുമണിയോടെ ആശുപത്രിയിലെത്തുകയും അവിടെനിന്ന്​ അനസ്​തേഷ്യയുടെ മരുന്ന്​ കുപ്പിയെടുത്തശേഷം വീട്ടി​േലക്ക്​ വരികയുമായിരുന്നുവെന്ന്​ പൊലീസ്​ പറഞ്ഞു. വീട്ടിലെത്തിയ ശേഷം അനസ്​തേഷ്യയുടെ ഡോസ്​ കൂടിയ മരുന്ന്​ ഭർത്താവി​െൻറയും കുട്ടികളുടെയും ശരീരത്തിൽ കുത്തിവെക്കുകയായിരുന്നു. തുടർന്ന് ഡോക്​ടർ തൂങ്ങിമരിക്കുകയായിരുന്നുവെന്നും പൊലീസ്​ പറഞ്ഞു.

ഇവരുടെ നാഗ്​പുർ കൊറാഡിയിലെ വീട്ടിൽനിന്ന്​ സിറിഞ്ചും അനസ്​തേഷ്യ മരുന്ന്​ കുപ്പിയും പൊലീസ്​ ക​ണ്ടെടുത്തു. കൊലപാതകത്തി​െൻറയും ആത്മഹത്യയുടെയും കാരണം വ്യക്തമല്ല. ​േപാസ്​റ്റുമോർട്ടത്തിനും ഫോറൻസിക്​ പരിശോധനക്കും ശേഷം മ​ൃ​തദേഹങ്ങൾ ബന്ധുക്കൾക്ക്​ കൈമാറി.