ശാന്തിനഗറിൽ എൻ.എ. ഹാരിസ് തന്നെ മത്സരിക്കും

ബം​ഗ​ളൂ​രു: അ​നി​ശ്ചി​ത​ത്വം നീ​ങ്ങി, ബം​ഗ​ളൂ​രു​വി​ലെ ശാ​ന്തി​ന​ഗ​ർ മ​ണ്ഡ​ല​ത്തി​ൽ സി​റ്റി​ങ് എം.​എ​ൽ.​എ എ​ൻ.​എ. ഹാ​രി​സി​നെ ത​ന്നെ മ​ത്സ​രി​പ്പി​ക്കും. കോ​ൺ​ഗ്ര​സ് കേ​ന്ദ്ര നേ​തൃ​ത്വം ഹാ​രി​സി​​െൻറ സ്ഥാ​നാ​ർ​ഥി​ത്വ​ത്തി​ന് പ​ച്ച​ക്കൊ​ടി കാ​ണി​ച്ച​താ​യാ​ണ് വി​വ​രം. ന​ഗ​ര​ത്തി​ലെ പ​ബി​ൽ യു​വാ​വി​നെ മ​ർ​ദി​ച്ച കേ​സി​ൽ മ​ക​ൻ അ​റ​സ്​​റ്റി​ലാ​യ​തും തു​ട​ർ​ന്നു​ണ്ടാ​യ വി​വാ​ദ​ങ്ങ​ളു​മാ​ണ് ഹാ​രി​സി​നെ മ​ത്സ​രി​പ്പി​ക്കു​ന്ന​ത്​ അ​നി​ശ്ചി​ത​ത്വ​ത്തി​നി​ട​യാ​ക്കി​യ​ത്.

പാ​ർ​ട്ടി​യി​ലെ ഒ​രു​വി​ഭാ​ഗം ഹാ​രി​സി​നെ മ​ത്സ​രി​പ്പി​ക്ക​രു​തെ​ന്ന് ശ​ക്ത​മാ​യി ആ​വ​ശ്യ​പ്പെ​ട്ടി​രു​ന്നു. ഞാ​യ​റാ​ഴ്ച പാ​ർ​ട്ടി പു​റ​ത്തു​വി​ട്ട പ​ട്ടി​ക​യി​ൽ ശാ​ന്തി​ന​ഗ​ർ ഉ​ൾ​പ്പെ​ടെ അ​ഞ്ചു മ​ണ്ഡ​ല​ങ്ങ​ളി​ലെ സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചി​രു​ന്നി​ല്ല. പി​ന്നാ​ലെ, മ​ണ്ഡ​ല​ത്തി​ൽ പാ​ർ​ട്ടി സ്വ​ന്തം നി​ല​യി​ൽ ന​ട​ത്തി​യ സ​ർ​വേ​യി​ൽ വി​ജ​യ​സാ​ധ്യ​ത കൂ​ടു​ത​ൽ ഹാ​രി​സി​നാ​യി​രു​ന്നു. തു​ട​ർ​ന്നാ​ണ് മ​ത്സ​രി​പ്പി​ക്കാ​നു​ള്ള അ​നു​മ​തി​പ​ത്ര​മാ​യ ബി ​ഫോ​റം അ​ദ്ദേ​ഹ​ത്തി​നു ന​ൽ​കാ​ൻ തീ​രു​മാ​നി​ച്ച​ത്. ര​ണ്ടു​ദി​വ​സ​ത്തി​നു​ള്ളി​ൽ സ്ഥാ​നാ​ർ​ഥി​ത്വം പാ​ർ​ട്ടി ഔ​ദ്യോ​ഗി​ക​മാ​യി പ്ര​ഖ്യാ​പി​ക്കും.ബം​ഗ​ളൂ​രു പൊ​ളി​റ്റി​ക്ക​ൽ ആ​ക്​​ഷ​ൻ ക​മ്മി​റ്റി (ബി-​പാ​ക്) ന​ട​ത്തി​യ സ​ർ​വേ​യി​ൽ ന​ഗ​ര​ത്തി​ലെ മി​ക​ച്ച എം.​എ​ൽ.​എ​യാ​യി ഹാ​രി​സി​നെ​യാ​ണ് തി​ര​ഞ്ഞെ​ടു​ത്ത​ത്. 

മു​തി​ർ​ന്ന നേ​താ​വ് സി.​കെ. ജാ​ഫ​ർ ഷെ​രീ​ഫി​​െൻറ മ​രു​മ​ക​നും മു​ൻ എം.​എ​ൽ.​എ​യു​മാ​യ സെ​യ്ദ് യാ​സീ​നെ റാ​യ്ച്ചൂ​രി​ൽ സ്ഥാ​നാ​ർ​ഥി​യാ​ക്കും. സി​ന്ദ​ഗി, നാ​ഗ​ത്ത​ന, കി​ട്ടൂ​ർ എ​ന്നീ മ​ണ്ഡ​ല​ങ്ങ​ളി​ലെ സ്ഥാ​നാ​ർ​ഥി​ക​ളു​ടെ കാ​ര്യ​ത്തി​ൽ മാ​ത്ര​മാ​ണ് ഇ​നി തീ​രു​മാ​ന​മാ​കാ​നു​ള്ള​ത്. അ​തേ​സ​മ​യം, പ്ര​തി​ഷേ​ധ​ത്തെ തു​ട​ർ​ന്ന് ജ​ഗ​ലൂ​ർ, തി​പ്തൂ​ർ, ബ​ദാ​മി, മ​ടി​ക്കേ​രി മ​ണ്ഡ​ല​ങ്ങ​ളി​ലെ സ്ഥാ​നാ​ർ​ഥി​ക​ൾ​ക്ക് ബി ​ഫോ​മു​ക​ൾ ന​ൽ​കു​ന്ന​ത് താ​ൽ​ക്കാ​ലി​ക​മാ​യി ത​ട​ഞ്ഞു​വെ​ച്ചി​ട്ടു​ണ്ട്.