മൈസൂരു കൂട്ടബലാത്സംഗം: ആറാമത്തെ പ്രതി തമിഴ്​നാട്ടിൽ പിടിയിൽ

ബംഗളൂരു: മൈസൂരു ചാമുണ്ഡി ഹിൽസിൽ 22 കാരിയെ കൂട്ടബലാത്സംഗം ചെയ്​ത കേസിൽ ആറാമത്തെ പ്രതിയും പിടിയിലായി. തമിഴ്​നാട്ടിൽ നിന്നാണ്​ തിരുപ്പൂരിൽ നിന്നുള്ള 34കാരൻ പിടിയിലായത്​. ഇയാളെ ഇന്നുതന്നെ മൈസൂരുവിലെത്തിക്കുമെന്ന്​ പൊലീസ്​ പറഞ്ഞു.

കേസിൽ നേരത്തേ അഞ്ചുപേർ പിടിയിലായിരുന്നു. ഒളിവിൽ പോയ ആറാമന്​ വേണ്ടിയുള്ള തെരച്ചിലിലായിരുന്നു പൊലീസ്​. മൊത്തം ആറു​പ്രതികളാണ്​ ഉള്ളതെന്ന്​ പൊലീസ്​ പറഞ്ഞിരുന്നെങ്കിലും ഇപ്പോൾ ഒരു യുവാവ്​ കൂടി ഉൾപ്പെട്ടതായി വിവരം ലഭിച്ചിട്ടുണ്ടെന്ന സൂചനയും പൊലീസ്​ നൽകുന്നുണ്ട്​. നേരത്തേ പിടിയിലായ അഞ്ചുപേരും തമിഴ്​നാട്​ ഈറോഡ്​ ജില്ലയിലെ സത്യമംഗലം സ്വദേശികളാണ്​. ഇവരിൽ ഒരാൾ പ്രായപൂർത്തിയാകാത്തയാളുമാണ്​. ദിവസ വേതനത്തിന്​ ജോലി ചെയ്യുന്ന ഇവർ ക്രിമിനൽ പശ്​ചാത്തലമുള്ളവരാണെന്നും പൊലീസ്​ പറയുന്നു. കഴിഞ്ഞ ദിവസം ഇതിൽ നാലുപേരെ സംഭവസ്​ഥലത്ത്​ കൊണ്ടുവന്ന്​ പൊലീസ്​ തെളിവെടുപ്പ്​ നടത്തിയിരുന്നു.

ചൊ​വ്വാ​ഴ്ച രാ​ത്രി 7.30ഒാ​ടെ​യാ​ണ് കൂ​ട്ടു​കാ​ര​നെ ആ​ക്ര​മി​ച്ച​ശേ​ഷം ഇ​ത​ര സം​സ്ഥാ​ന​ത്തു​നി​ന്നു​ള്ള എം.​ബി.​എ വി​ദ്യാ​ർ​ഥി​നി​യെ ആ​റം​ഗ​സം​ഘം ക്രൂ​ര ബ​ലാ​ത്സം​ഗ​ത്തി​നി​ര​യാ​ക്കി​യ​ത്‌. സ്ഥി​ര​മാ​യി ജോ​ഗി​ങ്ങി​ന് പോ​കു​ന്ന സ്ഥ​ല​ത്താ​ണ് സം​ഭ​വം ന​ട​ന്ന​ത്​. കൂടെയുണ്ടായിരുന്ന യുവാവിനെ അടിച്ച്​ ബോധം കെടുത്തിയ ശേഷമാണ്​ സംഘം പെൺകുട്ടിയെ ബലാത്സംഗം ചെയ്​തത്​. ബ​ലാ​ത്സം​ഗ​ത്തിെൻറ ദൃ​ശ്യ​ങ്ങ​ൾ പ​ക​ർ​ത്തി​യ​ശേ​ഷം പ്ര​തി​ക​ൾ മൂ​ന്നു ല​ക്ഷം രൂ​പ ആ​വ​ശ്യ​പ്പെ​ട്ട്​ ഭീഷണിപ്പെടുത്തിയതായും പരാതിയുണ്ട്​. ചാ​മു​ണ്ഡി ഹി​ൽ​സ്​ മേ​ഖ​ല​യി​ലെ​ത്തു​ന്ന ജോഡി​ക​ളെ ഭീ​ഷ​ണി​പ്പെ​ടു​ത്തി​യ ശേ​ഷം യു​വ​തി​ക​ളെ പീ​ഡി​പ്പി​ക്കു​ക​യും പ​ണ​വും മ​റ്റും ക​വ​രു​ക​യും ചെ​യ്യു​ന്ന​ത്​ പതിവാക്കിയവരാണ്​ പ്ര​തി​കളെന്ന്​ പൊലീസ്​ പറയുന്നു.

പ്രദേശത്ത്​ മൊബൈൽ ടവർ ലൊക്കേഷൻ കേന്ദ്രീകരിച്ചും ബസ്​ ടിക്കറ്റ്​, മദ്യകുപ്പികൾ എന്നിവയിൽനിന്ന്​ ശേഖരിച്ച തെളിവുകളുടെ അടിസ്​ഥാനത്തിലുമാണ്​ പ്രതികളെ അറസ്​റ്റ്​ ചെയ്​തത്​. അതേസമയം, പീഡനത്തിന്​ ഇരയായ പെൺകുട്ടി മൊഴി രേഖപ്പെടുത്താതെ കുടുംബത്തോടൊപ്പം നഗരം വിട്ടതായി കർണാടക പൊലീസ് പറയുന്നു. പെൺകുട്ടി മൊഴി നൽകാത്തത്​ കേസിനെ പ്രതികൂലമായി ബാധിക്കുമെന്നും അറസ്​റ്റിലായവർക്ക്​ രക്ഷപ്പെടാൻ അവസരമൊരുക്കുമെന്നുമാണ്​ പൊലീസ്​ പറയുന്നത്​. അതേസമയം, പെൺകുട്ടിയെ വിദഗ്​ധ ചികിത്സക്കായി മുംബൈയിലേക്ക്​ കുടുംബം മാറ്റുകയായിരുന്നു.