Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഎന്‍റെ മാതാവ്​...

എന്‍റെ മാതാവ്​ മരിച്ചുവീഴ​ും; പൊലീസിനോട്​ ഓക്​സിജൻ കൊണ്ടുപോകരുതെന്ന്​ കരഞ്ഞപേക്ഷിച്ച്​ രോഗിയുടെ ബന്ധു

text_fields
bookmark_border
Agra man begs cops not to take away oxygen cylinder
cancel

ആഗ്ര: ഉത്തർപ്രദേശിലെ സ്വകാര്യ ആശുപത്രിയിൽനിന്ന്​ ഓക്​സിജൻ സിലിണ്ടർ എടുത്തുകൊണ്ടുപോകരുതെന്ന്​ പൊലീസിനോട്​ കരഞ്ഞ്​ അപേക്ഷിക്കുന്ന ദാരുണ ദൃശ്യങ്ങൾ പുറത്ത്​. രാജ്യത്ത്​ ഓക്​സിജൻ ദൗർലഭ്യത്തെ തുടർന്ന്​ ആയിരങ്ങൾ മരിച്ചുവീഴുന്നതിനിടെയാണ്​ സംഭവം.

'എന്‍റെ അമ്മ മരിച്ചുപോകും. ഒാക്​സിജൻ സിലിണ്ടർ എടുത്തുകൊണ്ടുപോകരുതേ. ഞാൻ നിങ്ങളോട്​ അഭ്യർഥിക്കുകയാണ്​' -പൊലീസിനോട് രോഗിയുടെ ബന്ധു​ കരഞ്ഞ്​ അഭ്യർഥിക്കുന്നത്​ വിഡിയോയിൽ കാണാം.

ആഗ്രയിലെ സ്വകാര്യ ആശുപത്രിക്ക്​ പുറത്താണ്​ സംഭവം. ഇയാൾ യാചിക്കുന്നതോടെ പൊലീസ്​ വഴിമാറി പോകുന്നതും രണ്ടുപേർ ഓക്​സിജൻ സിലിണ്ടറുമായി പോകുന്നതും വിഡിയോയിലുണ്ട്​.

കരയുന്ന വ്യക്തിയുടെ മാതാവ്​ ആശുപത്രിയിൽ കോവിഡ്​ ബാധിച്ച്​ അത്യാസന്ന നിലയിൽ ചികിത്സയിലാണ്​. അവർക്ക്​ ആവശ്യമായി വരുന്ന ഓക്​സിജനാണെന്ന്​ കൊണ്ടുപോകുന്നതെന്ന്​ വിഡിയോയിൽ പറയുന്നത്​ കേൾക്കാം.

'ഞാൻ എവിടെനിന്ന്​ ഇനി സിലിണ്ടർ സംഘടിപ്പിക്കും. എന്‍റെ അമ്മയെ തിരികെ കൊണ്ടുവരാമെന്ന്​ ഉറപ്പുനൽകിയാണ്​ വീട്ടിൽനിന്ന്​ ഇവിടെ എത്തിയത്​' -രോഗിയുടെ മകൻ പറയുന്നതും വിഡിയോയിലുണ്ട്​. ഇതൊന്നും ശ്രദ്ധിക്കാതെ നിൽക്കുന്ന പൊലീസുകാരെയും കാണാം.

എന്നാൽ, ആശുപത്രിയിൽനിന്ന്​ പൊലീസ്​ ഓക്​സിജൻ സിലിണ്ടറുകൾ എടു​ത്തുകൊണ്ടുപോയെന്ന ആരോപണം ആഗ്ര പൊലീസ്​ നിഷേധിച്ചു. രണ്ടു ദിവസം മുമ്പ്​ ആഗ്രയിലെ ആശുപ​ത്രിയിൽ ഓക്​സിജൻ ക്ഷാമമുണ്ടായിരുന്നു. അപ്പോൾ സ്വകാര്യ വ്യക്തികൾ കൈമാറിയ സിലിണ്ടറുകളാണ്​ എടുത്തുകൊണ്ടുപോയത്​. സിലിണ്ടറുകൾ കാലിയായിരുന്നു. അത്യാസന്ന നിലയിൽ ചികിത്സയിൽ കഴിയുന്ന രോഗിക്ക്​ സിലിണ്ടർ എത്തിച്ചുനൽകാൻ പൊലീസിനോട്​ അഭ്യർഥിക്കുന്നതാണ്​ വിഡിയോയിലുള്ളതെന്നും പൊലീസ്​ അറിയിച്ചു. ഇത്തരം വിഡിയോകൾ പ്രചരിപ്പിച്ച്​ ആളുകൾ തെറ്റിദ്ധാരണ പരത്തുകയാണെന്നും പൊലീസ്​ പറയുന്നു.

ഉത്തർപ്രദേശിൽ ഓക്​സിജൻ ക്ഷാമത്തെ തുടർന്ന്​ നിരവധിപേർക്ക്​ ജീവൻ നഷ്​ടമായിരുന്നു​. എന്നാൽ സംസ്​ഥാനത്ത്​ ഓക്​സിജൻ ക്ഷാമമില്ലെന്നായിരുന്നു യു.പി മുഖ്യമന്ത്രി യോഗി ആദിത്യനാഥിന്‍റെ ​പ്രതികരണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Agraoxygen cylinderUP Police​Covid 19Oxygen Shortage
News Summary - My mother will die Agra man begs cops not to take away oxygen cylinder
Next Story