പ്രധാനമന്ത്രിക്ക്​ നിർമല സീതാരാമനിൽ അതൃപ്​തി ഉണ്ടെങ്കിൽ രാജി ആവശ്യപ്പെടണം -പൃഥിരാജ്​ ചവാൻ

പൂണെ: പ്രധാനമന്ത്രിയുടെ ഓഫീസിൽ നടന്ന പ്രീ ബജറ്റ്​ യോഗത്തിൽ കേന്ദ്ര ധനകാര്യമന്ത്രി നിർമല സീതാരാമനെ ഒഴിവാക്ക ിയതിനെതിരെ കോൺഗ്രസ്​ നേതാവ്​ പൃഥിരാജ്​ ചവാൻ. പ്രധാനമന്ത്രി നരേന്ദ്രമോദിക്ക്​ നിർമലാ സീതാരാമ​​െൻറ പ്രവർത് തനങ്ങളിൽ അതൃപ്​തിയുണ്ടെങ്കിൽ അവരോട്​ രാജി ആവശ്യപ്പെടുകയാണ്​ ചെയ്യേണ്ടതെന്ന്​ ചവാൻ വിമർശിച്ചു.

സാധാരണയ ായി ധനകാര്യമന്ത്രാലയമാണ്​ പ്രീ ബജറ്റ്​ യോഗം നടത്താറുള്ളത്​. ധനമന്ത്രിയുടെ അധ്യക്ഷതയിലാണ്​ ബജറ്റി​​െൻറ എല്ലാ നടപടിക്രമങ്ങളും പൂർത്തിയാകാറുള്ളത്​. ​മോദിയുടെ നേതൃത്വത്തിൽ 13 പ്രീ ബജറ്റ്​ വിദഗ്ധ കൂടിയാലോചനാ യോഗങ്ങൾ നടന്നിട്ടുണ്ട്​. എന്നാൽ ഒന്നിൽ പോലും നിർമല സീതാരാമനെ ക്ഷണിച്ചില്ല. ഇതിൽ നിന്നും മനസിലാകുന്നത്​ നിർമലയുടെ പ്രകടനത്തിൽ പ്രധാനമന്ത്രി തൃപ്​തനല്ല എന്നതാണ്​. എന്നാൽ അവരോട്​ രാജി ആവശ്യപ്പെടുകയാണ്​ ചെയ്യേണ്ടതെന്നും ചവാൻ പറഞ്ഞു.

ധനമന്ത്രിയെ പുറത്തുനിർത്തുന്നത്​ ധനമന്ത്രാലയത്തിലെ മുഴുവൻ ജീവനക്കാരെയുടെയും ആത്മവീര്യം ചോർത്തുന്ന നടപടിയാണ്​. പ്രധാമന്ത്രിയാണ്​ ധനമന്ത്രാലയം നിയന്ത്രിക്കുന്നതെങ്കിൽ ബജറ്റ്​ പ്രസംഗം നിർമല സീതാരാമനെ കൊണ്ട്​ ചെയ്യിപ്പിക്കാതെ അതും സ്വന്തമായി ചെയ്യുകയാണ്​ വേണ്ടതെന്നും ചവാൻ വിമർശിച്ചു.

സമ്പദ്​വ്യവസ്ഥയിൽ വൻ തകർച്ചയിലാണ്​. വളർച്ച നിരക്ക്​ ഏറ്റവും കുറഞ്ഞ നിലയിലാണ്​. ​പ്രതിശീർഷ വരുമാനത്തിലും വർധനവില്ല. ഇത്തരത്തിൽ മുന്നോട്ടുപോയാൽ അഞ്ചു വർഷത്തിനുള്ളിൽ അഞ്ചു ട്രില്ല്യൺ സമ്പദ്​വ്യവസ്ഥയെന്ന ലക്ഷ്യത്തിൽ എത്താൻ കഴിയില്ലെന്നും പൃഥിരാജ്​ ചവാൻ ചൂണ്ടിക്കാട്ടി.