Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമുസ്​ലിംകൾ പള്ളികളിൽ...

മുസ്​ലിംകൾ പള്ളികളിൽ ആയുധങ്ങൾ ശേഖരിച്ചുവെക്കുന്നുവെന്ന്​ ബി.ജെ.പി എം.പി

text_fields
bookmark_border
മുസ്​ലിംകൾ പള്ളികളിൽ ആയുധങ്ങൾ  ശേഖരിച്ചുവെക്കുന്നുവെന്ന്​ ബി.ജെ.പി എം.പി
cancel

ബംഗളൂര​ു: പ്രാർഥന നടത്തുന്നതിന്​ പകരം മുസ്​ലിംകൾ പള്ളികളെ ആയുധം ശേഖരിക്കാനാണ്​ ഉപയോഗിക്കുന്നതെന്ന വിവാദ പ ്രസ്​താവനയുമായി കർണാടകയിലെ ബി.ജെ.പി എം.പി രേണുകാചാര്യ. മുസ്​ലിം പള്ളികളിൽ വാൾ, കത്തി, സോഡാ കുപ്പികൾ തുടങ്ങിയ മാ രകായുധങ്ങൾ ശേഖരിച്ചു വെക്കുകയാണ്​. പള്ളിയിലെ ഖാസിമാർ ധര്‍മ്മപ്രഭാഷണങ്ങൾക്ക്​ പകരം ഫത്​വ പുറപ്പെടുവിക്കുകയാണെന്നും രേണുകാചാര്യ പറഞ്ഞു. ​ഹോനഹള്ളയിലെ സി.എ.എ വിശദീകരണ റാലിയിൽ സംസാരിക്കവെയാണ്​ ​എം.പിയുടെ വിവാദ പ്രസ്​താവന.

മുസ്​ലിംകൾ പൗരത്വ ഭേദഗതി നിയമത്തെ അനുകൂലിക്കുന്നില്ലെങ്കിൽ അവരുടെ ക്ഷേമത്തിനായി ഫണ്ടുകൾ അനുവദിക്കില്ലെന്നും പകരം ത​​െൻറ മണ്ഡലത്തിലെ ഹിന്ദുക്കൾക്ക്​ നൽകുമെന്നും എം.പി പറഞ്ഞു. ന്യൂനപക്ഷങ്ങൾ ബി.ജെ.പിയെ ശത്രുവായാണ്​ കാണുന്നതെങ്കിൽ അവരെ ഞങ്ങൾക്ക്​ അവഗണിക്കേണ്ടി വരും. അവർ ഞങ്ങളുടെ നയങ്ങളെയും പദ്ധതികളെയും നിരന്തരം എതിർക്കുന്നതിനെ പ്രോത്സാഹിപ്പിക്കാൻ കഴിയില്ല- എം.പി പറഞ്ഞു.

എന്നാൽ രേണുകാചാര്യയുടെ പ്രസ്​താവനയെ തള്ളി ബി.ജെ.പി രംഗത്തെത്തി. രേണുകാചാര്യ പറഞ്ഞത്​ തികച്ചും വ്യക്തിപരമായ അഭിപ്രായമാണെന്നും അതിൽ പാർട്ടിക്ക്​ ഒന്നും ചെയ്യാനില്ല. അത്തരം പ്രസ്​താവനകളിൽ നിന്നും വിട്ടുനിൽക്കണമെന്നും കർണാടക ബി.ജെ.പി വക്താവ്​ എസ്​.പ്രകാശ്​ പ്രതികരിച്ചു.

Show Full Article
TAGS:CAA protest Pro-CAA muslims Mosques karnataka MP Renukacharya india news 
News Summary - Muslims Store Arms In Mosques: Karnataka MLA MP Renukacharya - India news
Next Story