Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഝാർഖണ്ഡിൽ ഗർഭിണിയായ...

ഝാർഖണ്ഡിൽ ഗർഭിണിയായ മുസ്​ലിം സ്​ത്രീയെ ആശുപത്രി ജീവനക്കാർ കയ്യേറ്റം ചെയ്​തു; കുഞ്ഞ്​ മരിച്ചു

text_fields
bookmark_border
ഝാർഖണ്ഡിൽ ഗർഭിണിയായ മുസ്​ലിം സ്​ത്രീയെ ആശുപത്രി ജീവനക്കാർ കയ്യേറ്റം ചെയ്​തു; കുഞ്ഞ്​  മരിച്ചു
cancel

ന്യൂഡൽഹി: ഝാർഖണ്ഡിലെ ജംഷദ്‌പൂരിൽ രക്തസ്രാവത്തെ തുടർന്ന്​ ആശുപത്രിയിലെത്തിയ മുസ്​ലിം യുവതിയെ ജീവനക്കാർ ക​യ ്യേറ്റം ചെയ്യുകയും അ​ധിക്ഷേപിക്കുകയും ചെയ്​തതായി പരാതി​. ജംഷദ്​പൂരിലെ മഹാത്മാഗാന്ധി മെമ്മോറിയൽ മെഡിക്കൽ കോ ളേജ്​ ആശുപത്രിയിൽ പ്രവേശിപ്പിക്കപ്പെട്ട യുവതിക്ക് ചികിത്സ ലഭിക്കാൻ വൈകിയതും ജീവനക്കാരുടെ മോശം പെരുമാറ്റവു ം കാരണം ഗർഭസ്​ഥശിശുവിനെ നഷ്​ടമായി. ‘ദ വയർ’ ആണ്​ വാർത്ത പുറത്തുവിട്ടത്​.

പ്രദേശവാസിയായ റിസ്​വാന ഖാതൂൺ എന് ന യുവതിയാണ്​ വർഗീയാധിക്ഷേപത്തിന്​ ഇരയായത്​. വ്യാഴാഴ്ച ആശുപത്രിയിൽ പ്രവേശിപ്പിക്കപ്പെട്ട റിസ്​വാനയെ ആശുപത്ര ി ജീവനക്കാർ മതം പറഞ്ഞ്​ അധിക്ഷേപിക്കുകയും മർദിക്കുകയും ചെയ്​തതായാണ്​ പരാതി.
അമിത രക്തസ്രാവത്തെ തുടർന്ന്​ വാർഡിലെ തറയിലേക്ക്​ ഒലിച്ചിറങ്ങിയ രക്തം വൃത്തിയാക്കാൻ ആവശ്യപ്പെട്ടതായും കോവിഡ്​ വൈറസ് വ്യാപിപ്പിക്കാൻ ശ്രമിച്ചുവെന്ന്​ പറഞ്ഞ്​ അധിക്ഷേപിച്ചതായും റിസ്​വാന ആരോപിച്ചു. ആശുപത്രി അധികൃതരുടെ മോശം പെരുമാറ്റം മൂലം അവർ അവിടുന്ന്​ ഇറങ്ങി സ്വകാര്യ ആശുപത്രിയിൽ ചികിത്സ തേടിയെങ്കിലും ഗർഭസ്ഥ ശിശു മരിച്ചു. തുടർന്ന്​ റിസ്​വാന ഖാതൂൺ സംസ്ഥാന മുഖ്യമന്ത്രിക്ക്​ പരാതി നൽകുകയായിരുന്നു.

“എ​​െൻറ മതത്തി​​െൻറ പേരിൽ ആശുപത്രിയിലെ ഒരു ജീവനക്കാരൻ എന്നെ അധിക്ഷേപിച്ചു. അവശയായ എന്നോട്​ രക്തം തുടയ്ക്കാൻ ആവശ്യപ്പെട്ടു. എന്നാൽ ശരീരം വിറക്കുന്ന അവസ്​ഥയിൽ എനിക്ക്​ അത്​ ചെയ്യാൻ കഴിഞ്ഞില്ല. അവർ എന്നെ ചെരിപ്പുകൊണ്ട് അടിച്ചു. ഞാൻ അമ്പരന്നുപോയി. അവിടുന്ന്​ അടുത്തുള്ള ഒരു നഴ്സിംഗ് ഹോമിലേക്ക് പോയെങ്കിലും കുഞ്ഞ്​ മരിച്ചിരുന്നു” - മുഖ്യമന്ത്രിക്ക്​ നൽകിയ കത്തിൽ റിസ്​വാന അനുഭവിച്ച അ​പമാന​െത്ത കുറിച്ച്​ തുറന്നെഴുതി.

ആശുപത്രി ജീവനക്കാരുടെ അശ്രദ്ധയും അലംഭാവവും മൂലമാണ് തനിക്ക് കുട്ടിയെ നഷ്​ടപ്പെട്ടതെന്നും അവർ ആരോപിച്ചു. “ആശുപത്രി ജീവനക്കാർ ശരിയായ രീതിയിൽ ചികിത്സിച്ചിരുന്നെങ്കിൽ കുട്ടിയെ നഷ്​ടപ്പെടുമായിരുന്നില്ലെന്ന് എനിക്ക് ആത്മവിശ്വാസത്തോടെ പറയാൻ കഴിയും”- റിസ്​വാന കൂട്ടിച്ചേർത്തു​.

സോഷ്യൽ മീഡിയയിലൂടെയാണ്​ സംഭവം അറിഞ്ഞതെന്നാണ്​ സിറ്റി പൊലീസ്​ എസ്‌.എസ്‌.പി അനൂപ് ബിരാതെയുടെ വാദം. ആരിൽ നിന്നും പരാതി ലഭിച്ചിട്ടില്ലെന്നും മാധ്യമ റിപ്പോർട്ടുകൾ പ്രകാരം സംഭവം അന്വേഷിക്കാൻ ജില്ലാ ഭരണകൂടം മൂന്നംഗ അന്വേഷണ സമിതി രൂപീകരിച്ചിട്ടുണ്ടെന്നും അദ്ദേഹം പറഞ്ഞു. എം‌.ജി.‌എം ആശുപത്രി ഡെപ്യൂട്ടി സൂപ്രണ്ട്, ജില്ലാ സീനിയർ മജിസ്‌ട്രേറ്റ്, ബന്ധപ്പെട്ട പൊലീസ് സ്​േറ്റഷനിലെ മുതിർന്ന ഉദ്യോഗസ്ഥൻ എന്നിവരാണ് അന്വേഷണസംഘത്തിലുള്ളത്​.

റിസ്​വാനയുടെ ഭർത്താവ് മുഹമ്മദ് ഷമീമി​​െൻറ സഹോദരൻ മുനീർ ആണ്​ അവരെ ആശുപത്രിയിൽ എത്തിച്ചത്. ആശുപത്രി ജീവനക്കാരുടെ പെരുമാറ്റം തീർത്തും മോശമായിരുന്നുവെന്നും രോഗിയെ ചികിത്സിക്കുന്നതിന്​ പകരം അവർക്ക് പരിചരണം ആവശ്യമുള്ളപ്പോൾ അധിക്ഷേപിക്കുകയാണുണ്ടായതെന്നും ഷമീം ‘ദ വയറി’നോട്​ പറഞ്ഞു. തങ്ങൾക്ക്​ നീതി ലഭിക്കണമെന്നും കുറ്റവാളികൾക്ക്​ ശിക്ഷ ഉറപ്പാക്കണമെന്നും ഓ​ട്ടോ ഡ്രൈവറായ ഷമീം പറഞ്ഞു

Show Full Article
TAGS:Communal Slurs muslim woman Mistreatment islamophobia india news 
News Summary - Muslim Woman Alleges Mistreatment, Communal Slurs in Hospital, Loses Child - India news
Next Story