കോവിഡ്​ മരണം: ഖബറടക്കം അനുവദിക്കില്ലെന്ന് ട്രസ്റ്റംഗങ്ങൾ; മൃതദേഹം സംസ്​കരിച്ചത് പൊതുശ്​മശാനത്തിൽ

മുംബൈ: ​കോവിഡ്​19 ബാധിച്ച്​ മരിച്ച മുസ്​ലിം വയോധിക​ന്റെ മൃതദേഹം ഖബറടക്കാൻ അനുമതി നിഷേധിച്ചതായി പരാതി. മുംബൈ യിലെ മലാദിൽ നിന്നുള്ള 65 കാരൻെറ മൃതദേഹം പള്ളിയിലെ ഖബർസ്ഥാനിൽ ഖബറടക്കാൻ അനുവദിക്കില്ലെന്ന്​ ട്രസ്​റ്റംഗങ്ങൾ അ റിയിക്കുകയായിരുന്നു. തുടർന്ന്​ മൃതദേഹം പൊതുശ്മശാനത്തിൽ സംസ്കരിച്ചു.

കോവിഡ്​ ബാധയെ തുടർന്ന്​ ജോഗേഷ്​വ ാരി ഈസ്​റ്റ്​ ഹോസ്​പിറ്റലിൽ ചികിത്സയിലായിരുന്ന മൽവാനി സ്വദേശി ബുധനാഴ്ചയാണ് മരിച്ചത്​. ഇദ്ദേഹത്തിന്റെ മൃതദേഹം ഖബറടക്കാൻ കുടുംബാംഗങ്ങൾ മലാദ്​ മൽവാട്​നി ഖബർസ്ഥാൻ ട്രസ്​റ്റികളുമായി ബന്ധപ്പെ​ട്ടെങ്കിലും കോവിഡ്​ രോഗിയായിരുന്നതിനാൽ അനുവദിക്കില്ലെന്ന്​ അറിയിച്ചു.

പുലർച്ചെ നാലുമണിയോടെ മൃതദേഹം സംസ്​കരിക്കണമെന്നാണ്​ ആരോഗ്യപ്രവർത്തകർ നിർദേശിച്ചിരുന്നത്​. എന്നാൽ അനുമതി ലഭിക്കാഞ്ഞതോടെ കുടുംബാംഗങ്ങൾ ആശങ്കയിലായി.
പൊലീസും രാഷ്​ട്രീയ പ്രവർത്തകരും പള്ളി അധികാരികളുമായി സംസാരിച്ചെങ്കിലും അനുമതി നൽകിയില്ല. തുടർന്ന്​ സാമൂഹിക പ്രവർത്തകരുടെ സഹായത്തോടെ രാവിലെ 10 മണിയോടെ തൊട്ടടുത്തുള്ള പൊതുശ്​മശാനത്തിൽ മൃതദേഹം സംസ്​കരിക്കുകയായിരുന്നു.

അതേസമയം, കോവിഡ് 19ബാധിച്ച്​ മരിച്ചവരുടെ മൃതദേഹം ആശുപത്രിയുടെ ഏറ്റവും അടുത്തുള്ള ശ്​മശാനത്തിൽ സംസ്​കരിക്കണമെന്നതാണ്​ സർക്കാർ നിർദേശമെന്നും മലാദ്​ സ്വദേശിയുടെ ബന്ധുക്കൾ അത്​ ലംഘിക്കുകയാണുണ്ടായതെന്നും മൽവാനി എം.എൽ.യും മന്ത്രിയുമായ അസ്​ലം ശെയ്​ഖ്​ പ്രതികരിച്ചു.

മരണപ്പെട്ടയാളുടെ കുടുംബം അദ്ദേഹത്തിൻെറ മൃതദേഹം ഖബറിസ്ഥാൻ ട്രസ്റ്റികൾ ഉൾപ്പെടെ ആരെയും അറിയിക്കാതെ നേരിട്ട് അവിടെ എത്തിക്കുകയായിരുന്നു. കോവിഡ്​ മരണങ്ങളിൽ മൃതദേഹം സംസ്​കരിക്കേണ്ടതി​ന്റെ സർക്കാർ
മാർഗനിർദേശങ്ങൾ അറിഞ്ഞിട്ടും മൃതദേഹം പള്ളി ഖബർസ്ഥാനിലേക്ക്​ കൊണ്ടുപോയ ജീവനക്കാർക്കെതിരെ നടപടിയെടുക്കുമെന്നും മന്ത്രി പറഞ്ഞു.