മുസ്ലിം വയോധികനെ മർദിച്ച സംഭവം സമൂഹത്തിന് അപമാനമെന്ന് രാഹുൽ ഗാന്ധി
text_fieldsന്യൂഡൽഹി: ഗാസിയബാദിൽ മുസ്ലിം വയോധികനെ മർദിച്ച സംഭവത്തിൽ പ്രതികരണവുമായി കോൺഗ്രസ് നേതാവ് രാഹുൽ ഗാന്ധി. സംഭവം സമൂഹത്തിനും മതത്തിനും അപമാനമുണ്ടാക്കുന്നതാണ് സംഭവമെന്ന് രാഹുൽ പറഞ്ഞു. ട്വിറ്ററിലൂടെയായിരുന്നു രാഹുൽ ഗാന്ധിയുടെ പ്രതികരണം.
ഇതുമായി ബന്ധപ്പെട്ട വാർത്ത പങ്കുവെച്ചാണ് സംഭവത്തെ രൂക്ഷമായി വിമർശിച്ച് രാഹുൽ ഗാന്ധി രംഗത്തെത്തിയത്. ശ്രീരാമെൻറ യഥാർഥ ഭക്തൻമാർ ഒരിക്കലും ഇത് ചെയ്യുമെന്ന് വിശ്വസിക്കുന്നില്ലെന്ന് രാഹുൽ ഗാന്ധി പറഞ്ഞു. ഇത്തരം ക്രൂരതകൾ മനുഷ്യവശംത്തിൽ നിന്നു തന്നെ ഇല്ലാതാക്കണം. ഇത് സമൂഹത്തിനും മതത്തിനും അപമാനമുണ്ടാക്കുന്നതാണെന്നും രാഹുൽ ഗാന്ധി ട്വീറ്റ് ചെയ്തു.
മുസ്ലിം വയോധികനെ നാലംഗ സംഘം ക്രൂരമായി മർദിക്കുന്നതിെൻറ വിഡിയോ കഴിഞ്ഞ ദിവസം പുറത്ത് വന്നിരുന്നു. ജയ് ശ്രീറാം വിളിക്കാൻ ആവശ്യപ്പെട്ടായിരുന്നു മർദനം. സംഭവവുമായി ബന്ധപ്പെട്ട് പൊലീസ് കേസ് രജിസ്റ്റർ ചെയ്യുകയും ഒരാളെ അറസ്റ്റ് ചെയ്യുകയും ചെയ്തിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.