‘ജയ് ശ്രീരാം’ വിളിച്ചില്ല; ട്രെയിനിൽ മുസ്‍ലിം വ്യാപാരിയെ നഗ്നനാക്കി ആൾക്കൂട്ട ആക്രമണം

ന്യൂ​ഡ​ൽ​ഹി: ‘ജ​യ് ശ്രീ​രാം’ വി​ളി​ക്കാ​തി​രു​ന്ന മു​സ്‍ലിം വ്യാ​പാ​രി​യെ ഓ​ടി​ക്കൊ​ണ്ടി​രു​ന്ന ട്രെ​യി​നി​ൽ വ​സ്ത്രം അ​ഴി​പ്പി​ച്ച് ന​ഗ്ന​നാ​ക്കി ക്രൂ​ര​മാ​യ ആ​ൾ​ക്കൂ​ട്ട ആ​ക്ര​മ​ണം. മു​റാ​ദാ​ബാ​ദ് ന​ഗ​ര​ത്തി​ലെ അ​ലു​മി​നി​യം വ്യാ​പാ​രി അ​സീം ഹു​സൈ​നെ ഡ​ൽ​ഹി​യി​ൽ​നി​ന്ന് പ്ര​താ​പ്ഗ​ഢി​ലേ​ക്കു​ള്ള പ​ത്മാ​വ​തി എ​ക്സ് പ്ര​സ് ട്രെ​യി​നി​ൽ ആ​ക്ര​മി​ക്കു​ന്ന വി​ഡി​യോ കോ​ൺ​ഗ്ര​സ് എം.​പി ഇം​റാ​ൻ പ്ര​താ​പ് ഗ​ഡി​യും എ.​ഐ.​എം.​ഐ.​എം നേ​താ​വ് ഉ​വൈ​സി​യും ട്വി​റ്റ​റി​ൽ പ​ങ്കു​വെ​ച്ചു.

മു​സ്‍ലിം​ക​ൾ​ക്ക് പേ​ടി​ക്കേ​ണ്ട കാ​ര്യ​മി​ല്ലെ​ന്ന് ഇ​ന്ന​ലെ​ക്കൂ​ടി ആ​ർ.​എ​സ്.​എ​സ് ത​ല​വ​ൻ മോ​ഹ​ൻ ഭാ​ഗ​വ​ത് പ​റ​ഞ്ഞി​​ട്ടേ​യു​ള്ളൂ എ​ന്ന് ഇം​റാ​ൻ ട്വി​റ്റ​റി​ൽ കു​റി​ച്ചു. പ​റ​യു​ന്ന​തി​ന് നേ​ർ​വി​പ​രീ​ത​മാ​യി മ​ന​സ്സി​ലാ​ക്കേ​ണ്ട ത​ര​ത്തി​ലാ​ണ് ആ​ർ.​എ​സ്.​എ​സി​ന്റെ​യും ബി.​ജെ.​പി​യു​ടെ​യും പ്ര​വ​ർ​ത്ത​ന​മെ​ന്ന് ഇം​റാ​ൻ കു​റ്റ​പ്പെ​ടു​ത്തി. ആ​ർ.​എ​സ്.​എ​സ് ​മേ​ധാ​വി ആ​യി​രം കൊ​ല്ല​ത്തെ പോ​രാ​ട്ട​ത്തെ​ക്കു​റി​ച്ച് ഓ​ർ​മി​പ്പി​ച്ച​തി​ന്റെ ​തെ​ളി​വാ​ണോ ഇ​തെ​ന്ന് വി​ഡി​യോ പ​ങ്കു​വെ​ച്ച ഉ​വൈ​സി ചോ​ദി​ച്ചു. അ​ക്ര​മ​ത്തി​നി​ര​യാ​യ അ​സീം മാ​ധ്യ​മ​ങ്ങ​ളോ​ട് പ​റ​ഞ്ഞ​ത്: ‘‘ന​ല്ല തി​ര​ക്കു​ള്ള ​ട്രെ​യി​നി​ൽ ഹാ​പു​രി​ൽ​നി​ന്ന് ക​യ​റി​യ​വ​രാ​ണ് ആ​ക്ര​മ​ണം ന​ട​ത്തി​യ​ത്. പ​ത്തോ​ളം പേ​ർ തി​ക്കി​ത്തി​ര​ക്കി മു​ന്നോ​ട്ടു​വ​ന്നു. ഈ ‘​മു​ല്ല ക​ള്ള​നാ​ണ്’ എ​ന്നും ‘മു​ല്ല ക​ള്ള​നേ ആ​കൂ’ എ​ന്നും പ​റ​ഞ്ഞ് അ​ടി​ക്കാ​ൻ തു​ട​ങ്ങി. പൊ​തി​രെ ത​ല്ലി​യ ശേ​ഷം താ​ടി പി​ടി​ച്ചു​വ​ലി​ച്ച് ‘ജ​യ് ശ്രീ​രാം’ വി​ളി​ക്കാ​നാ​വ​ശ്യ​പ്പെ​ട്ടു. എ​ന്നാ​ൽ, അ​തി​ന് താ​ൻ ത​യാ​റാ​യി​ല്ല. അ​തോ​ടെ വ​സ്ത്ര​മു​രി​ഞ്ഞ് ന​ഗ്ന​നാ​ക്കി വീ​ണ്ടും അ​ടി​ച്ചു. കൈ​യി​ലു​ണ്ടാ​യി​രു​ന്ന 1200 രൂ​പ​യും ക​വ​ർ​ന്നു. തു​ട​ർ​ന്ന് മു​റാ​ദാ​ബാ​ദ് സ്റ്റേ​ഷ​നി​ലെ​ത്തി​യ​പ്പോ​ൾ ന​ഗ്ന​നാ​ക്കി ഉ​ന്തി ട്രെ​യി​നി​ന് പു​റ​ത്തേ​ക്ക് ത​ള്ളി​യി​ട്ടു. അ​ത് ക​​​ണ്ട ഒ​രാ​ൾ വ​ന്നാ​ണ് വ​സ്ത്രം ധ​രി​പ്പി​ച്ച​ത്. ട്രെ​യി​നി​ലെ ഒ​രു മ​നു​ഷ്യ​ൻ പോ​ലും ത​ന്നെ ര​ക്ഷി​ക്കാ​ൻ മു​ന്നോ​ട്ടു​വ​ന്നി​ല്ല.’’

‘ജ​യ് ശ്രീ​രാം’ വി​ളി​ക്കാ​ൻ വി​സ​മ്മ​തി​ച്ച അ​സീ​മി​നെ വ​സ്ത്രം അ​ഴി​പ്പി​ച്ച് ബെ​ൽ​റ്റു​കൊ​ണ്ട​ടി​ക്കു​ക​യാ​യി​രു​ന്നു​വെ​ന്നും ഹാ​പു​രി​ൽ​നി​ന്ന് ക​യ​റി​യ ര​ണ്ടു യാ​ത്ര​ക്കാ​രെ ഇ​തി​ന്റെ പേ​രി​ൽ അ​റ​സ്റ്റ് ചെ​യ്തു​വെ​ന്നും ‘ആ​ജ്ത​ക്’ റി​പ്പോ​ർ​ട്ട് ചെ​യ്തു.

എ​ന്നാ​ൽ, സം​ഭ​വം വാ​ർ​ത്ത​യാ​യ​തോ​ടെ താ​ടി പി​ടി​ച്ചു​വ​ലി​ച്ച് ‘ജ​യ് ശ്രീ​രാം’ വി​ളി​ക്കാ​ൻ പ​റ​ഞ്ഞ് ആ​ക്ര​മി​ച്ചു​വെ​ന്ന അ​സീ​മി​ന്റെ പ​രാ​തി ശ​രി​യ​ല്ലെ​ന്ന അ​വ​കാ​ശ​വാ​ദ​വു​മാ​യി മു​റാ​ദാ​ബാ​ദ് റെ​യി​ൽ​വേ പൊ​ലീ​സ് ഡി​വൈ.​എ​സ്.​പി രം​ഗ​ത്തു​വ​ന്നു. സ്ത്രീ​ക്കു നേ​രെ അ​തി​ക്ര​മം ന​ട​ത്തി​യ​തി​നാ​ണ് ആ​ക്ര​മി​ച്ച​തെ​ന്നും അ​ദ്ദേ​ഹം പ​റ​ഞ്ഞു.