സു​പ്രീം​കോ​ട​തി​യി​ൽ മു​സ്‍ലിം ലീ​ഗി​ന്റെ മ​റു​പ​ടി സ​ത്യ​വാ​ങ്മു​ലം; ‘മത നാമത്തി​ന്റെ പേരിൽ അംഗീകാരം റദ്ദാക്കാനാവില്ല’

ന്യൂ​ഡ​ൽ​ഹി: മ​ത​നാ​മ​ത്തി​​ന്റെ പേ​രി​ൽ രാ​ഷ്ട്രീ​യ പാ​ർ​ട്ടി​ക​ളു​ടെ അം​ഗീ​കാ​രം റ​ദ്ദാ​ക്കാ​ൻ ​തെ​ര​ഞ്ഞെ​ടു​പ്പ് ക​മീ​ഷ​ന് അ​ധി​കാ​ര​മി​​​ല്ലെ​ന്ന് ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗ് സു​പ്രീം​കോ​ട​തി​യി​ൽ ബോ​ധി​പ്പി​ച്ചു.

ഹി​ന്ദു മ​തം സ്വീ​ക​രി​ച്ച് പേ​ര് മാ​റ്റി തീ​വ്ര ഹി​ന്ദു​ത്വ നേ​താ​വാ​യി മാ​റി​യ മു​ൻ യു.​പി ശി​യാ വ​ഖ​ഫ് ബോ​ർ​ഡ് ചെ​യ​ർ​മാ​ൻ ജി​തേ​ന്ദ്ര ത്യാ​ഗി മ​ത​നാ​മ​ങ്ങ​ളും ചി​ഹ്ന​ങ്ങ​ളും ഉ​പ​യോ​ഗി​ക്കു​ന്ന പാ​ർ​ട്ടി​ക​ളു​ടെ ര​ജി​സ്​​ട്രേ​ഷ​ൻ റ​ദ്ദാ​ക്കാ​ൻ സ​മ​ർ​പ്പി​ച്ച ഹ​ര​ജി​യി​ൽ മു​സ്‍ലിം ലീ​ഗ് അ​ഖി​ലേ​ന്ത്യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി​യാ​ണ് മ​റു​പ​ടി സ​ത്യ​വാ​ങ്മൂ​ലം സ​മ​ർ​പ്പി​ച്ച​ത്.

മ​ത​നാ​മ​മു​ള്ള രാ​ഷ്​​ട്രീ​യ പാ​ർ​ട്ടി​ക്ക് ര​ജി​സ്ട്രേ​ഷ​ൻ നി​​ഷേ​ധി​ക്കു​ന്ന​തി​ന് 1994ൽ ​ജ​ന​പ്രാ​തി​നി​ധ്യ നി​യ​മ ഭേ​ദ​ഗ​തി ബി​ൽ ലോ​ക്സ​ഭ​യി​ൽ അ​വ​ത​രി​പ്പി​ച്ചു​വെ​ങ്കി​ലും സ്വാ​ഭാ​വി​ക ച​ര​മ​മ​ട​ഞ്ഞു​വെ​ന്ന് മ​റു​പ​ടി സ​ത്യ​വാ​ങ്മൂ​ല​ത്തി​ൽ ചൂ​ണ്ടി​ക്കാ​ട്ടി. മ​തേ​ത​ര​ത്വം, ജ​നാ​ധി​പ​ത്യം, നീ​തി, സ്വാ​ത​ന്ത്ര്യം, സ​മ​ത്വം, സാ​ഹോ​ദ​ര്യം തു​ട​ങ്ങി​യ ഭ​ര​ണ​ഘ​ട​നാ​മൂ​ല്യ​ങ്ങ​ൾ പേ​രി​ലെ​ഴു​തി പ്ര​ദ​ർ​ശി​പ്പി​ക്കാ​നു​ള്ള​ത​ല്ല.

ജീ​വി​ത​ത്തി​ൽ ​പ്ര​യോ​ഗ​വ​ത്ക​രി​ക്കാ​നു​ള്ള​താ​ണ്. രാ​ജ്യ​ത്തെ വൈ​വി​ധ്യ​മാ​ർ​ന്ന ജ​ന​വി​ഭാ​ഗ​ങ്ങ​​ളോ​ട് ഐ​ക്യ​വും സാ​ഹോ​ദ​ര്യ​വും കാ​ത്തു​സൂ​ക്ഷി​ച്ച് മു​സ്‍ലിം​ക​ളു​ടെ സാം​സ്കാ​രി​ക​വും മ​ത​പ​ര​വു​മാ​യ സ്വ​ത്വം സം​ര​ക്ഷി​ക്കാ​ൻ ല​ക്ഷ്യ​മി​ടു​ന്ന ലീ​ഗി​ൽ അ​ന്ത​ർ​ലീ​ന​മാ​യ​താ​ണ് മ​തേ​ത​ര​ത്വം.

ലീ​ഗ് ഭ​ര​ണ​ഘ​ട​ന​യി​ൽ അ​തു​ണ്ട്. മ​​ത, രാ​ഷ്ട്രീ​യ ഭേ​ദ​മ​ന്യേ ജീ​വ​കാ​രു​ണ്യ​പ്ര​വ​ർ​ത്ത​ന​ങ്ങ​ൾ ന​ട​ത്തു​ന്നു​ണ്ട്. മു​സ്‍ലിം​ക​ൾ അ​ട​ക്ക​മു​ള്ള ന്യൂ​ന​പ​ക്ഷ​ങ്ങ​ളു​ടെ​യും പി​ന്നാ​ക്ക ദു​ർ​ബ​ല വി​ഭാ​ഗ​ങ്ങ​ളു​ടെ​യും പ​ട്ടി​ക ജാ​തി, പ​ട്ടി​ക വ​ർ​ഗ​ങ്ങ​ളു​ടെ​യും ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ൾ സം​ര​ക്ഷി​ക്കു​ക​യെ​ന്ന​ത് പാ​ർ​ട്ടി ല​ക്ഷ്യ​മാ​ണ്.

രാ​ജ്യ​ത്തി​ന്റെ ഐ​ക്യ​വും അ​ഖ​ണ്ഡ​ത​യും വ്യ​ക്തി​യു​ടെ അ​ന്ത​സ്സും ഉ​റ​പ്പു​വ​രു​ത്തി സാ​ഹോ​ദ​ര്യം ഉ​റ​പ്പു​വ​രു​ത്തു​ക​യെ​ന്ന​ത് പാ​ർ​ട്ടി ഭ​ര​ണ​ഘ​ട​ന​യു​ടെ ആ​മു​ഖ​ത്തി​ലു​ള്ള മാ​ർ​ഗ​നി​ർ​ദേ​ശ​ക ത​ത്വ​മാ​ണ്. കേ​ര​ള​ത്തി​ലെ 100ലേ​റെ പാ​ർ​ട്ടി ജ​ന​പ്ര​തി​നി​ധി​ക​ൾ ഹി​ന്ദു, ക്രി​സ്ത്യ​ൻ സ​മു​ദാ​യ​ങ്ങ​ളി​ൽ നി​ന്നു​ള്ള​വ​രാ​ണ്.

അ​വ​രെ​ല്ലാ​വ​രും ലീ​ഗി​ന്റെ കോ​ണി ചി​ഹ്ന​ത്തി​ൽ മ​ത്സ​രി​ച്ച​വ​രാ​ണ്. ഹി​ന്ദു സ​മു​ദാ​യ​ത്തി​ലെ യു.​സി. രാ​മ​നെ ജ​ന​റ​ൽ സീ​റ്റാ​യ കു​ന്ദ​മം​ഗ​ലം നി​യ​മ​സ​ഭാ മ​ണ്ഡ​ല​ത്തി​ൽ പി.​ടി.​എ റ​ഹീ​മി​നെ​തി​രെ മു​സ്‍ലിം ലീ​ഗ് സ്ഥാ​നാ​ർ​ഥി​യാ​ക്കി​യ​പ്പോ​ൾ കേ​വ​ലം 3269 വോ​ട്ടി​നാ​ണ് തോ​റ്റ​ത്.

അ​തി​ന് മു​മ്പ് കെ.​പി. രാ​മ​ൻ മ​ഞ്ചേ​രി, കു​ന്ദ​മം​ഗ​ലം മ​ണ്ഡ​ല​ങ്ങ​ളി​ൽ​നി​ന്നു​ള്ള മു​സ്‍ലിം ലീ​ഗ് എം.​എ​ൽ.​എ ആ​യി​രു​ന്നു. മു​ൻ വി​ദ്യാ​ഭ്യാ​സ മ​ന്ത്രി ഇ.​ടി. മു​ഹ​മ്മ​ദ് ബ​ഷീ​റാ​ണ് കേ​ര​ള​ത്തി​ൽ സം​സ്കൃ​ത സ​ർ​വ​ക​ലാ​ശാ​ല സ്ഥാ​പി​ച്ച​ത്.

1992ൽ ​ബാ​ബ​രി മ​സ്ജി​ദ് ത​ക​ർ​ക്ക​പ്പെ​ട്ട​പ്പോ​ൾ അ​ന്ന​ത്തെ മു​സ്‍ലിം ലീ​ഗ് പ്ര​സി​ഡ​ന്റ് പാ​ണ​ക്കാ​ട് മു​ഹ​മ്മ​ദ​ലി ശി​ഹാ​ബ് ത​ങ്ങ​ൾ സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​​ളോ​ടും ശാ​ന്ത​രാ​കാ​നും പ്ര​തി​കാ​ര ന​ട​പ​ടി​ക​ൾ ഒ​ഴി​വാ​ക്കാ​നും ആ​വ​ശ്യ​പ്പെ​ട്ടു. പ്ര​ക്ഷു​ബ്ധ​മാ​യ അ​ക്കാ​ല​യ​ള​വി​ൽ രാ​ജ്യ​ത്ത് ശാ​ന്ത​മാ​യ ചി​ല സം​സ്ഥാ​ന​ങ്ങ​ളി​ലൊ​ന്നാ​യി​രു​ന്നു കേ​ര​ളം.

അ​ബ്ദു​റ​ഹ്മാ​ൻ ബാ​ഫ​ഖി ത​ങ്ങ​ളും കെ.​എം സീ​തി സാ​ഹി​ബും, കെ. ​ഉ​പ്പി സാ​ഹി​ബും സി.​എ​ച്ച് മു​ഹ​മ്മ​ദ് കോ​യ​യും 1952ൽ ​പ​യ്യോ​ളി ക​ലാ​പ​മു​ണ്ടാ​യ​പ്പോ​ൾ ഇ​ട​പെ​ട്ട​തും 1953ൽ ​ന​ടു​വ​ട്ട​ത്തും 1963ൽ ​ത​ളി ക്ഷേ​ത്ര വി​ഷ​യ​ത്തി​ലും ന​ട​ത്തി​യ ഇ​ട​പെ​ട​ലു​ക​ളും സ​ത്യ​വാ​ങ്മൂ​ല​ത്തി​ൽ എ​ണ്ണി​പ്പ​റ​ഞ്ഞു.

ഹരജിയുമായി വന്നത് മതഭ്രാന്തനെന്ന് ലീഗ്

ന്യൂ​ഡ​ൽ​ഹി: മ​ത​നാ​മ​ങ്ങ​ളു​ള്ള പാ​ർ​ട്ടി​ക​ളെ രാ​ജ്യ​ത്ത് നി​രോ​ധി​ക്കാ​ൻ ആ​വ​​ശ്യ​പ്പെ​ട്ട ഹ​ര​ജി​ക്കാ​ര​ൻ വി​ദ്വേ​ഷ കു​റ്റ​കൃ​ത്യ​ത്തി​ന് അ​റ​സ്റ്റി​ലാ​യ മ​ത​ഭ്രാ​ന്ത​നാ​​ണെ​ന്ന് ഇ​ന്ത്യ​ൻ യൂ​നി​യ​ൻ മു​സ്‍ലിം ലീ​ഗ് ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി സു​പ്രീം​കോ​ട​തി​യി​ൽ ബോ​ധി​പ്പി​ച്ചു. ഹ​ര​ജി ആ ​നി​ല​ക്കു​ത​ന്നെ ത​ള്ള​ണ​മെ​ന്നും മ​റു​പ​ടി സ​ത്യ​വാ​ങ്മൂ​ല​ത്തി​ൽ മു​സ്‍ലിം ലീ​ഗ് ആ​വ​ശ്യ​പ്പെ​ട്ടു.

ത​നി​ക്കെ​തി​രെ സി​വി​ൽ, ക്രി​മി​ന​ൽ, റ​വ​ന്യൂ കേ​സു​ക​ൾ ഒ​ന്നു​മി​ല്ലെ​ന്ന ഹ​ര​ജി​ക്കാ​ര​ന്റെ വാ​ദം ക​ള​വാ​ണെ​ന്നും സു​പ്രീം​കോ​ട​തി​യെ തെ​റ്റി​ദ്ധ​രി​പ്പി​ക്കാ​നു​ള്ള​താ​ണെ​ന്നും മ​റു​പ​ടി സ​ത്യ​വാ​ങ്മൂ​ല​ത്തി​ലു​ണ്ട് . 2021 ഡി​സം​ബ​ർ 17 മു​ത​ൽ 19 വ​രെ ന​ട​ന്ന ‘ധ​രം​സ​ൻ​സ​ദി’​ൽ വി​ദ്വേ​ഷ പ്ര​സം​ഗ​ത്തി​ന് അ​റ​സ്റ്റ് ചെ​യ്യ​പ്പെ​ട്ട മ​ത​ഭ്രാ​ന്ത​നാ​ണ് ഹ​ര​ജി സ​മ​ർ​പ്പി​ച്ച ജി​തേ​ന്ദ്ര നാ​രാ​യ​ൺ ത്യാ​ഗി എ​ന്ന വ​സീം റി​സ്‍വി.

മ​ത​ത്തി​ന്റെ അ​ടി​സ്ഥാ​ന​ത്തി​ൽ വ്യ​ക്തി​ക​ൾ​ക്കി​ട​യി​ൽ ശ​ത്രു​ത​യു​ണ്ടാ​ക്കു​ന്ന ഹ​ര​ജി​ക്കാ​ര​ന്റെ ന്യൂ​ന​പ​ക്ഷ​ങ്ങ​ളോ​ടു​ള്ള വി​ദ്വേ​ഷം വ്യ​ക്ത​മാ​യി രേ​ഖ​പ്പെ​ട്ടു​കി​ട​ക്കു​ന്നു​ണ്ട്. ഇ​തി​ന് തെ​ളി​വാ​യി വി​ദ്വേ​ഷ പ്ര​സം​ഗ കേ​സി​ൽ ത്യാ​ഗി​ക്ക് ജാ​മ്യം അ​നു​വ​ദി​ച്ച് സു​പ്രീം​കോ​ട​തി പു​റ​പ്പെ​ടു​വി​ച്ച ഉ​ത്ത​ര​വ് അ​നു​ബ​ന്ധ രേ​ഖ​യാ​യി ലീ​ഗ് സ​മ​ർ​പ്പി​ച്ചു.

മ​ത​നാ​മ​ങ്ങ​ളു​ള്ള പാ​ർ​ട്ടി​ക​ളെ രാ​ജ്യ​ത്ത് നി​രോ​ധി​ക്കാ​ൻ ബി.​ജെ.​പി നേ​താ​വ് അ​ശ്വി​നി കു​മാ​ർ ഉ​പാ​ധ്യാ​യ സ​മ​ർ​പ്പി​ച്ച ഒ​രു ഹ​ര​ജി ഡ​ൽ​ഹി ഹൈ​കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്ന് ലീ​ഗ് ഓ​ർ​മി​പ്പി​ച്ചു.

മ​ത​നാ​മ​ങ്ങ​ളു​പ​യോ​ഗി​ച്ച രാ​ഷ്ടീ​യ പാ​ർ​ട്ടി​ക​ളു​ടെ ര​ജി​സ്ട്രേ​ഷ​ൻ മാ​റ്റാ​നും മൂ​ന്നു മാ​സ​ത്തി​ന​കം പേ​ര് മാ​റ്റി ര​ജി​സ്റ്റ​ർ ചെ​യ്തി​ല്ലെ​ങ്കി​ൽ ര​ജി​സ്ട്രേ​ഷ​ൻ റ​ദ്ദാ​ക്കാ​നും അ​തി​ൽ ആ​വ​ശ്യ​പ്പെ​ട്ടി​ട്ടു​ണ്ട്. കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ൻ അ​തി​ന് മ​റു​പ​ടി സ​ത്യ​വാ​ങ്മൂ​ല​വും സ​മ​ർ​പ്പി​ച്ചി​ട്ടു​ണ്ട്. ആ ​നി​ല​ക്കും ഹ​ര​ജി ത​ള്ള​ണ​മെ​ന്ന് ലീ​ഗ് ബോ​ധി​പ്പി​ച്ചു.