Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightച​രി​ത്ര​മാ​യി ലീ​ഗ്...

ച​രി​ത്ര​മാ​യി ലീ​ഗ് പ്ലാ​റ്റി​നം ജൂ​ബി​ലി സ​മ്മേ​ള​നം

text_fields
bookmark_border
ച​രി​ത്ര​മാ​യി ലീ​ഗ് പ്ലാ​റ്റി​നം ജൂ​ബി​ലി സ​മ്മേ​ള​നം
cancel
camera_alt

മു​സ്‍ലിം ലീ​ഗ് പ്ലാ​റ്റി​നം ജൂ​ബി​ലി ആ​ഘോ​ഷത്തി​ന്റെ ഭാ​ഗ​മാ​യി ചെ​ന്നൈ​യി​ൽ സം​ഘ​ടി​പ്പി​ച്ച പൊ​തു​സ​മ്മേ​ള​ന​ത്തി​ൽ മു​ഖ്യാ​തി​ഥി ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ സ​ദ​സ്സി​നെ അ​ഭി​വാ​ദ്യം​ചെ​യ്യു​ന്നു. എം.​പി. അ​ബ്ദു​സ്സ​മ​ദ് സ​മ​ദാ​നി എം.​പി, പി.​വി. അ​ബ്ദു​ൽ വ​ഹാ​ബ് എം.​പി, സം​സ്ഥാ​ന പ്ര​സി​ഡ​ന്റ് പാ​ണ​ക്കാ​ട് സാ​ദി​ഖ​ലി ശി​ഹാ​ബ് ത​ങ്ങ​ൾ, പാ​ണ​ക്കാ​ട് അ​ബ്ബാ​സ​ലി ശി​ഹാ​ബ് ത​ങ്ങ​ൾ, ദേ​ശീ​യ പ്ര​സി​ഡ​ന്റ് കെ.​എം. ഖാ​ദ​ർ മൊ​യ്തീ​ൻ, പാ​ണ​ക്കാ​ട് മു​ന​വ്വ​റ​ലി ശി​ഹാ​ബ് ത​ങ്ങ​ൾ, പി.​കെ. കു​ഞ്ഞാ​ലി​ക്കു​ട്ടി എം.​എ​ൽ.​എ, ഇ.​ടി. മു​ഹ​മ്മ​ദ് ബ​ഷീ​ർ എം.​പി തു​ട​ങ്ങി​യ​വ​ർ സ​മീ​പം (photo - പി. ​അ​ഭി​ജി​ത്ത്)

ചെ​ന്നൈ: വ​ർ​ഷം നീ​ളു​ന്ന മു​സ്‌​ലിം ലീ​ഗ് പ്ലാ​റ്റി​നം ജൂ​ബി​ലി വാ​ർ​ഷി​കാ​ഘോ​ഷ​ങ്ങ​ൾ​ക്ക് തു​ട​ക്ക​മി​ട്ട് മൂ​ന്ന് ദി​വ​സ​ങ്ങ​ളി​ലാ​യി ചെ​ന്നൈ​യി​ൽ ന​ട​ന്ന ദേ​ശീ​യ സ​മ്മേ​ള​നം ച​രി​ത്ര​മാ​യി. ദേ​ശീ​യ രാ​ഷ്ട്രീ​യ​കാ​ര്യ സ​മി​തി ചെ​യ​ർ​മാ​ൻ പാ​ണ​ക്കാ​ട് സാ​ദി​ഖ​ലി ത​ങ്ങ​ൾ സ​മാ​പ​ന സ​മ്മേ​ള​നം ഉ​ദ്ഘാ​ട​നം ചെ​യ്തു. ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ മു​ഖ്യാ​തി​ഥി​യാ​യി. ഇ​ന്ത്യ​യു​ടെ വൈ​വി​ധ്യ​ങ്ങ​ൾ ത​ക​ർ​ക്കാ​നും മ​ത​ത്തി​ന്റെ ക​ണ്ണി​ലൂ​ടെ ജ​ന​ങ്ങ​ളെ വി​ഭ​ജി​ക്കാ​നും പ്ര​വ​ർ​ത്തി​ക്കു​ന്ന ബി.​ജെ.​പി സ​ർ​ക്കാ​റി​നെ 2024ലെ ​തെ​ര​ഞ്ഞെ​ടു​പ്പി​ൽ പ​രാ​ജ​യ​പ്പെ​ടു​ത്താ​ൻ എ​ല്ലാ​വ​രും ഒ​ന്നി​ക്ക​ണ​മെ​ന്ന് സ്റ്റാ​ലി​ൻ ആ​വ​ശ്യ​പ്പെ​ട്ടു. മ​തേ​ത​ര സ​ഖ്യ​ത്തി​ന് മു​ൻ കൈ​യെ​ടു​ക്കാ​നു​ള്ള മു​സ്‍ലിം ലീ​ഗി​ന്റെ ശ്ര​മ​ങ്ങ​ൾ​ക്ക് ത​ന്റെ എ​ല്ലാ പി​ന്തു​ണ​യു​മു​ണ്ടാ​കു​മെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.

ബി.​ജെ.​പി പ്ര​തി​നി​ധാ​നം ചെ​യ്യു​ന്ന കേ​ന്ദ്ര സ​ർ​ക്കാ​ർ ന്യൂ​ന​പ​ക്ഷ, പി​ന്നാ​ക്ക വി​ഭാ​ഗ​ങ്ങ​ളു​ടെ മൗ​ലി​കാ​വ​കാ​ശ​ങ്ങ​ൾ ക​വ​ർ​ന്നെ​ടു​ക്കു​ക​യും അ​വ​രു​ടെ അ​സ്തി​ത്വം പോ​ലും ചോ​ദ്യം ചെ​യ്യ​പ്പെ​ടു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ അ​വ​രു​ടെ അ​വ​കാ​ശ സം​ര​ക്ഷ​ണ​ത്തി​നാ​യി മ​തേ​ത​ര​ത്വ​ത്തി​ലും ജ​നാ​ധി​പ​ത്യ​ത്തി​ലും വി​ശ്വ​സി​ക്കു​ന്ന മു​ഴു​വ​ൻ ക​ക്ഷി​ക​ളും ഒ​ന്നി​ക്ക​ണ​മെ​ന്ന് മു​സ്‍ലിം ലീ​ഗ് പ്ലാ​റ്റി​നം ജൂ​ബി​ലി സ​മാ​പ​ന സ​മ്മേ​ള​നം രാ​ഷ്ട്രീ​യ പ്ര​മേ​യ​ത്തി​ലൂ​ടെ ആ​വ​ശ്യ​പ്പെ​ട്ടു.

ഏ​ക​മ​ത, ഏ​ക രാ​ഷ്ട്ര​മാ​ണ് സം​ഘ്പ​രി​വാ​ർ ല​ക്ഷ്യ​മി​ടു​ന്ന​ത്. ന്യൂ​ന​പ​ക്ഷ​ങ്ങ​ൾ​ക്ക് ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന അ​വ​കാ​ശ​ങ്ങ​ൾ വ​ക​വെ​ച്ചു​കൊ​ടു​ക്കാ​ൻ കേ​ന്ദ്ര സ​ർ​ക്കാ​ർ ത​യാ​റാ​കു​ന്നി​ല്ലെ​ന്ന് പ്ര​മേ​യം കു​റ്റ​പ്പെ​ടു​ത്തി. ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന സ​മ​ത്വ​വും നീ​തി​യും ഹ​നി​ക്കാ​ൻ ദു​രു​പ​യോ​ഗം ചെ​യ്യ​പ്പെ​ടു​ന്ന ഭ​ര​ണ​ഘ​ട​ന​യി​ലെ ആ​ർ​ട്ടി​ക്കി​ൾ 44 റ​ദ്ദാ​ക്ക​ണം. രാ​ജ്യ​ത്തി​ന്റെ സ​മ്പ​ദ്ഘ​ട​ന​ക്ക് മ​ഹ​ത്താ​യ സം​ഭാ​വ​ന​ക​ൾ അ​ർ​പ്പി​ക്കു​ന്ന പ്ര​വാ​സി​ക​ളെ വോ​ട്ടേ​ഴ്സ് ലി​സ്റ്റി​ൽ ഉ​ൾ​പ്പെ​ടു​ത്ത​ണം. ന്യൂ​ന​പ​ക്ഷ സ്കോ​ള​ർ​ഷി​പ്പു​ക​ൾ നി​ർ​ത്ത​ലാ​ക്കി​യ കേ​ന്ദ്ര ന​ട​പ​ടി പി​ൻ​വ​ലി​ക്ക​ണ​മെ​ന്നും സ​മ്മേ​ള​നം ആ​വ​ശ്യ​പ്പെ​ട്ടു. ദേ​ശീ​യ ഓ​ർ​ഗ​നൈ​സി​ങ് സെ​ക്ര​ട്ട​റി ഇ.​ടി. മു​ഹ​മ്മ​ദ് ബ​ഷീ​ർ രാ​ഷ്ട്രീ​യ പ്ര​മേ​യ​വും എം.​പി. അ​ബ്ദു​സ്സ​മ​ദ് സ​മ​ദാ​നി, പി.​വി. അ​ബ്ദു​ൽ വ​ഹാ​ബ്, ഡോ. ​എം.​കെ. മു​നീ​ർ, കെ.​പി.​എ. മ​ജീ​ദ്, മു​ന​വ്വ​റ​ലി ശി​ഹാ​ബ് ത​ങ്ങ​ൾ തു​ട​ങ്ങി​യ​വ​ർ മ​റ്റു പ്ര​മേ​യ​ങ്ങ​ളും അ​വ​ത​രി​പ്പി​ച്ചു.

സ​മ്മേ​ള​ന​ത്തി​ന് കൊ​ട്ടി​വാ​ക്കം വൈ.​എം.​സി.​എ ഗ്രൗ​ണ്ടി​ൽ ഒ​ഴു​കി​യെ​ത്തി​യ​ത് പ​തി​നാ​യി​ര​ങ്ങ​ൾ. വൈ​കീ​ട്ട് 6.45ന് ​തു​ട​ങ്ങാ​നി​രു​ന്ന പൊ​തു​സ​മ്മേ​ള​ന​ത്തി​ന് മ​ണി​ക്കൂ​റു​ക​ൾ​ക്ക് മു​ന്നെ ഗ്രൗ​ണ്ട് നി​റ​ഞ്ഞു. ഐ.​ടി ഹ​ബ്ബാ​യ തി​രു​വാ​ൻ​മി​യൂ​ർ മു​ത​ൽ കൊ​ട്ടി​വാ​ക്കം ഗ്രൗ​ണ്ട് വ​രെ വീ​ഥി​ക​ളി​ൽ ഹ​രി​ത പ​താ​ക​ക​ൾ തൂ​ക്കി അ​ല​ങ്ക​രി​ച്ചി​രു​ന്നു.

ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ പ​ങ്കെ​ടു​ക്കു​ന്ന​തി​നാ​ൽ വീ​ഥി​യി​ലും ഗ്രൗ​ണ്ടി​ലും വ​ൻ സു​ര​ക്ഷ സ​ന്നാ​ഹ​മാ​ണ് ഒ​രു​ക്കി​യി​രു​ന്ന​ത്. പ്ര​ധാ​ന നേ​താ​ക്ക​ൾ​ക്ക് മാ​ത്ര​മാ​യി​രു​ന്നു വേ​ദി​യി​ൽ ഇ​രി​പ്പി​ട​മൊ​രു​ക്കി​യ​ത്.

ദേ​ശീ​യ സ​മ്മേ​ള​ന​ത്തി​ൽ പാ​ർ​ട്ടി​യു​ടെ ശ​ക്തി​കേ​ന്ദ്ര​മാ​യ കേ​ര​ള​ത്തി​ൽ​നി​ന്ന് പ്ര​വ​ർ​ത്ത​ക​ർ സ്പെ​ഷ​ൽ ട്രെ​യി​നി​ലും ബ​സു​ക​ളി​ലു​മാ​യി വ്യാ​ഴാ​ഴ്ച രാ​ത്രി​യും വെ​ള്ളി​യാ​ഴ്ച രാ​വി​ലെ​യു​മാ​യി എ​ത്തി​ച്ചേ​ർ​ന്നി​രു​ന്നു. പാ​ർ​ട്ടി രൂ​പ​വ​ത്ക​രി​ക്ക​പ്പെ​ട്ട രാ​ജാ​ജി ഹാ​ൾ സ​ന്ദ​ർ​ശി​ച്ച ശേ​ഷ​മാ​യി​രു​ന്നു പ​ല​രും സ​മാ​പ​ന സ​മ്മേ​ള​ന​ത്തി​ന് എ​ത്തി​യ​ത്. മു​ഖ്യ​മ​ന്ത്രി എം.​കെ. സ്റ്റാ​ലി​നെ ക​ര​ഘോ​ഷ​ത്തോ​ടെ​യാ​ണ് വേ​ദി​യി​ലേ​ക്ക് ആ​ന​യി​ച്ച​ത്. ര​ണ്ട് മ​ണി​ക്കൂ​റി​ല​ധി​കം മു​ഖ്യ​മ​ന്ത്രി വേ​ദി​യി​ലു​ണ്ടാ​യി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:platinum jubileemuslim league
News Summary - muslim league platinum jubilee conference
Next Story