യു​വ​തി​യെ കൊ​ന്ന് 29 ക​ഷ​ണ​ങ്ങ​ളാ​ക്കി​യ കേ​സി​ൽ ര​ണ്ടു പ്ര​തി​ക​ൾ​ക്ക് ജീ​വ​പ​ര്യ​ന്തം

മം​ഗ​ളൂ​രു: അ​ഞ്ചു വ​ർ​ഷം മു​മ്പ് മം​ഗ​ളൂ​രു ന​ഗ​ര​ത്തെ ന​ടു​ക്കി​യ അ​ത്താ​വ​റി​ലെ ശ്രീ​മ​തി ഷെ​ട്ടി (42) വ​ധ​ക്കേ​സി​ൽ ര​ണ്ടു പ്ര​തി​ക​ൾ​ക്ക് അ​ഡീ. ജി​ല്ല സെ​ഷ​ൻ​സ് കോ​ട​തി ജ​ഡ്ജി എ​ച്ച്.​എ​സ്. മ​ഞ്ചു​നാ​ഥ സ്വാ​മി ജീ​വ​പ​ര്യ​ന്തം ത​ട​വു​ശി​ക്ഷ വി​ധി​ച്ചു. 2019 മേ​യ് 11നാണ് ​ സം​ഭ​വ​ം. ജോ​ന​സ് സാം​സ​ൺ എ​ന്ന ജോ​ന​സ് ജൊ​യ്‍ലി​ൻ സാം​സ​ൺ (40), വി​ക്ടോ​റി​യ മ​ത്താ​യി​സ് (47) എ​ന്നി​വ​ർ​ക്കാ​ണ് ശി​ക്ഷ. മൂ​ന്നാം പ്ര​തി മ​റ​ക്ക​ഡ രാ​ജു​വി​ന് (34) ആ​റ​ര മാ​സം വെ​റും ത​ട​വും വി​ധി​ച്ചു. അ​ത്താ​വ​റി​ൾ ഇ​ല​ക്ട്രോ​ണി​ക്സ് ക​ട​യും ഒ​പ്പം ചി​ട്ടി​യും ന​ട​ത്തു​ക​യാ​യി​രു​ന്നു കൊ​ല്ല​പ്പെ​ട്ട ശ്രീ​മ​തി.

ചി​ട്ടി​യി​ൽ അം​ഗ​മാ​യി​രു​ന്ന ജോ​ന​സി​ന്റെ ത​വ​ണ അ​ട​വ് മു​ട​ങ്ങി. അ​ത് ആ​വ​ശ്യ​പ്പെ​ട്ട് സം​ഭ​വ ദി​വ​സം രാ​വി​ലെ 9.15ന് ​അ​യാ​ളു​ടെ താ​മ​സ​സ്ഥ​ല​ത്ത് ചെ​ന്ന​താ​യി​രു​ന്നു ശ്രീ​മ​തി. ജോ​ന​സ് മ​ര​ക്ക​ഷ​ണം കൊ​ണ്ട് യു​വ​തി​യു​ടെ ത​ല​ക്ക​ടി​ച്ച് വീ​ഴ്ത്തി.

ബോ​ധ​ര​ഹി​ത​യാ​യ​തോ​ടെ ഒ​പ്പം താ​മ​സി​ക്കു​ന്ന വി​ക്ടോ​റി​യ​യു​മാ​യി ചേ​ർ​ന്ന് ശ​രീ​രം കൊ​ത്തി നു​റു​ക്കി. പൊ​ളി​ത്തീ​ൻ ക​വ​റു​ക​ളി​ലാ​ക്കി ജോ​ന​സ് സ്കൂ​ട്ട​റി​ൽ സ​ഞ്ച​രി​ച്ച് ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ഉ​പേ​ക്ഷി​ച്ചു. ക​ദ്രി പാ​ർ​ക്ക് പ​രി​സ​ര​ത്തു​നി​ന്ന് ല​ഭി​ച്ച ത​ല ഭാ​ഗ​മാ​ണ് അ​തി​ക്രൂ​ര​മാ​യ കൊ​ല​പാ​ത​ക​ത്തി​ന്റെ ചു​രു​ള​ഴി​ച്ച​ത്. പ​ല ഭാ​ഗ​ങ്ങ​ളി​ൽ​നി​ന്ന് ക​ണ്ടെ​ത്തി​യ 29 മൃ​ത​ദേ​ഹ ഭാ​ഗ​ങ്ങ​ൾ ചേ​ർ​ത്തു​വെ​ച്ച് ഫോ​റ​ൻ​സി​ക് പ​രി​ശോ​ധ​ന ന​ട​ന്നി​രു​ന്നു. ശ്രീ​മ​തി​യു​ടെ ദേ​ഹ​ത്തു​നി​ന്ന് ക​വ​ർ​ന്ന ആ​ഭ​ര​ണ​ങ്ങ​ൾ സൂ​ക്ഷി​ക്കു​ക​യും പ്ര​തി​ക​ൾ​ക്ക് സം​ര​ക്ഷ​ണം ന​ൽ​കു​ക​യും ചെ​യ്തു എ​ന്ന​തി​നാ​ണ് രാ​ജു​വി​നെ കേ​സി​ൽ പ്ര​തി ചേ​ർ​ത്ത​ത്. മം​ഗ​ളൂ​രു ഈ​സ്റ്റ് പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ എം. ​മ​ഹേ​ഷി​ന്റെ നേ​തൃ​ത്വ​ത്തി​ലാ​യി​രു​ന്നു കേ​സ് അ​ന്വേ​ഷ​ണം.