മാസ്​ക്​ ധരിക്കാത്തതിന്​ മുംബൈക്കാർ പിഴ നൽകിയത്​ 44 കോടി രൂപ

മുംബൈ: കോവിഡ്​ മഹാമാരിക്കിടെ മാസ്​ക്​ ധരിക്കാത്തതിന്​ മുംബൈ സ്വദേശികൾ പിഴയൊടുക്കിയത്​ 44 കോടി രൂപ. രാജ്യത്ത്​ കോവിഡ്​ 19 വ്യാപിച്ചതോടെ പൊതു സ്​ഥലങ്ങളിൽ മാസ്​ക്​ നിർബന്ധമാക്കിയിരുന്നു. മാസ്​ക്​ ധരിച്ചില്ലെങ്കിൽ 200 രൂപയാണ്​ പിഴ.

ബ്രിഹാൻ മുംബൈ കോർപറേഷൻ പുറത്തുവിട്ട കണക്കുപ്രകാരം ബി.എം.സിക്കും മുംബൈ പൊലീസിനും റെയിൽ​േവ അധികൃതർക്കും ലഭിച്ച പിഴത്തുകയാണ്​ 44 കോടി​. ​

പിഴ അടച്ചവരിൽ ഭൂരിഭാഗവും പലതവണ മുന്നറിയിപ്പ്​ നൽകിയിട്ടും അനുസരിക്കാത്തവര​ാണെന്നും ബി.എം.സി കൂട്ടിച്ചേർത്തു. മാർച്ച്​ 20ന്​ മാത്രം നഗരവാസികൾ മാസ്​ക്​ ധരിക്കാത്തതിൽ പിഴ അടച്ചത്​ 42 ലക്ഷം രൂപയാണ്​.

ലോക്കൽ ട്രെയിനുകളിലും റെയിൽവേ പ്ലാറ്റ്​​േഫാമുകളിലും ടിക്കറ്റ്​ കൗണ്ടറുകളിലും മാസ്​ക്​ നിർബന്ധമാക്കിയിരുന്നു. മാസ്​ക്​ ധരിക്കാത്തവർക്കെതിരെ മുംബൈ പൊലീസും പ്രതിദിനം നിരവധി കേസുകൾ രജിസ്റ്റർ ചെയ്​തിരുന്നു.

രാജ്യത്ത്​ ഏറ്റവും കൂടുതൽ കോവിഡ്​ ബാധിതരുള്ള നഗരങ്ങളിലൊന്നാണ്​ മുംബൈ. പ്രതിദിനം രോഗബാധിതരുടെ എണ്ണം ഇവിടെ കുതിച്ചുയരുകയാണ്​. കോവിഡ്​ മാർഗനിർദേശങ്ങൾ പാലിക്കാത്തതാണ്​ രോഗബാധിതരുടെ എണ്ണം കൂടുന്നതെന്നാണ്​ വിലയിരുത്തൽ.